எதிர்நீச்சல் சீரியலில் அதிரடியாக என்ட்ரி கொடுக்க தயாரான நடிகை டி.கே.கலாவால் ரசிகர்கள் உற்சாகமடைந்துள்ளனர்.

சன் தொலைக்காட்சியில் ஒளிபரப்பாகும் எதிர்நீச்சல் சீரியலுக்கு என தனி ரசிகர்கள் பட்டாளமே உண்டு. பெண்கள் மட்டும் இல்லாமல் ஆண்களும் எதிர்நீச்சல் சீரியலுக்கு ஃபேன்பேசாக உள்ளனர். கூட்டுக்குடும்பத்தில் பெண்களை அடிமைப்படுத்துவதும், அவர்களின் உரிமைகள் மறுக்கப்படுவதும், ஆணாதிக்க குணத்தையும் காட்டும் இந்த சீரியலுக்கு வரவேற்புகள் இருந்து வந்தன. ஆண்களின் அடக்குமுறையை எதிர்த்து பெண்கள் எடுக்கும் அடுத்தக்கட்ட நடவடிக்கையை கூறும் எதிர்நீச்சல் சீரியல் டாப் 10 இடங்களில் உள்ளது.

அண்மையில் எதிர்நீச்சல் சீரியலில் ஆதி குணசேகரான நடித்த மாரிமுத்து மாரடைப்பால் உயிரிழந்தார். இதனால், அவரது இழப்பை அடுத்து யார் நிரப்புவார் என்ற கேள்வி எழுந்தது. இந்த நிலையில் இளைஞர்கள் மத்தியில் மிகவும் பிரபலமாக இருந்த வேல ராமமூர்த்தியை ஆதிகுணசேகரனாக மாற்றினார்.

மாரிமுத்து நடிப்பளவிற்கு இல்லை என்றாலும், வேலராமமூர்த்தியும் தனது கேரக்ட்ரை சிறப்பாக செய்து வருகிறார். மாரிமுத்துவின் மறைவால் ஏற்பட்ட சிறு சரிவுக்குப் பிறகு தற்போது எதிர்நீச்சல் சீரியல் மீண்டும் சூடுபிடிக்கத் தொடங்கியுள்ள நிலையில், ஜனனியின் அண்ணன் மகன்கள் அறிமுகமாகியுள்ளனர்.

அடுத்ததாக ஜனனியின் அப்பத்தா அறிமுகமாகியிருக்கிறார்.. ஜனனிக்கு அப்பத்தாவாக ‘கில்லி’ படத்தில் பிரகாஷ் ராஜுக்கு அம்மாவாகவும், குருவி படத்தில் விஜய்க்கு அம்மாவாகவும் நடித்தவரான டி.கே. கலா நடித்துள்ளார்.