நேந்திரம் பழம் ஒரு சத்தான உணவு பொருளாகும். இதில் முக்கியமான சத்துக்கள் அடங்கியுள்ளன. அவற்றை பற்றி பார்க்கலாம்.

கார்போஹைட்ரேட்:  இது முக்கிய ஆற்றல் மூலமாகும். உடல் மற்றும் மூளைக்கு உடனடி ஆற்றலை வழங்குகிறது

நார்ச்சத்து:  நேந்திரம் பழத்தில் நார்சத்து அதிகமாக உள்ளது. இதனால் மலச்சிக்கல் மற்றும் குடல் நலத்திற்கு உதவுகிறது.

பொட்டாசியம்:  இரத்த அழுத்தத்தை கட்டுப்படுத்து வதற்கும், நரம்பு மற்றும் தசை செயல்பாடுகளுக்கு மிகவும் முக்கியமாகும்.

வைட்டமின் ‘ஏ':  இது இருப்பதால் கண்கள் மற்றும் சரும ஆரோக்கியத்திற்கு உதவுகிறது.

வைட்டமின் ’சி':  நோய் எதிர்ப்பு சக்தியை உயர்த்தக் கூடிய முக்கியமான சத்து.

வைட்டமின் ‘பி6':  உடலின் புரதம் மற்றும் கார்போ ஹைட்ரேட் பரிமாற்றத்தை மேம்படுத்துகிறது.

மக்னீசியம்:  நரம்புகள், தசைகள் மற்றும் எலும்புகளின் ஆரோக்கியத்திற்கு உதவுகிறது

இரும்பு சத்து:  இரத்தத்தில் ஹீமோகுளோபின் உற்பத்திக்கு உதவுகிறது.

நேந்திரம் பழம் உடல் ஆரோக்கியத்திற்கு மிகவும் சிறந்தது. அதிக ஆற்றலை தந்து நோய் எதிர்ப்பு சக்தியை அதிகரிக்கும்.

நேந்திரம் பழத்தில் தயாரிக்கப் படும் பல்வேறு விதமான உணவு வகைகள்:

வழுக்கை: பழத்தை வெந்த வகையில்  நெய், சீனி சேர்த்து வறுக்கலாம். இது வழுக்கை என்று அழைக்கப்படும்.

குழம்பு:  நன்றாக பழுத்த நேந்திரம் பழத்தை பருப்பு, தேங்காய், மசாலா பொருட்கள் சேர்த்து  குழம்புகள் செய்யலாம்.

பழம் பாயாசம்:  தேங்காய் பால், வெல்லம், குங்குமப்பூ ஆகியவற்றுடன் பழம் சேர்த்து பாயாசம் செய்யலாம்.

பயறு பருப்பு அடை:  லேசாக பழுத்த நேந்திரம் பழத்தை பொடியாக நறுக்கி வெங்காயம், மசாலா, பருப்பு மாவு சேர்த்து அடை போன்ற பலகாரம் செய்யலாம்.

பழம் சிப்ஸ்:  அவ்வப்போது நேந்திரம் பழத்தை வட்டமாக, மெல்லியதாக நறுக்கி வறுத்து சிப்ஸ் போல உருவாக்கலாம்.

புட்டு:  நேந்திரம் பழத்தை நன்றாக மசித்து, அரிசி மாவுடன் சேர்த்து புட்டு வடிவில் தயாரிக்கலாம்.

பழம் தோசை: பழத்தை மசிந்து தோசை மாவில் கலந்து வித்தியாசமான  தோசை செய்யலாம்.

இரும்பு அப்பம்:  இந்த வகையில் பருப்பு அல்லது உலர்ந்த உளுந்து சேர்க்கப்பட்டு அதற்கு மேலாக நல்லெண்ணெய் சேர்க்கப் படுகிறது. இது பொன்னான சுவையை அளிக்கும்.

பழம் பொரி: கோதுமை மாவு, சர்க்கரை, ஏலக்காய், வெண்ணெய் இவற்றோடு நேந்திரம் பழத்துண்டுகளை கலவையில் சேர்த்து பொரித்து எடுத்தால் சுவையோ சுவை!

பஜ்ஜி:  மைதா, சர்க்கரையுடன் ஏலக்காய் சேர்த்து நேந்திரம் பழத்தை நீளமாக மெலிதாக வெட்டி எண்ணெயில் பொரித்து சுவையான பஜ்ஜி செய்யலாம்.

ஜாமூன்:  நேந்திரம் பழத்தை வட்டமாக வெட்டி நெய்யில் வதக்கி வெல்லப்பாகில், ஏலக்காய்த்தூள் சேர்த்து மூன்று மணி நேரம் ஊறவைத்து சுவையான ஜாமூன்களைப் பெறலாம்.

ஹல்வா:  நன்கு பழுத்த நேந்திரம் பழத்தை அடித்து கலவை ஆக்கி  நன்கு வதக்கி வெல்லம் சேர்த்து இடைவிடாமல் கிண்டி நெய் கலந்து  சுருண்டு வரும் போது நெய்யில் வறுத்த முந்திரி தூவி பரிமாறவும்.

நேந்திரம் பழ கீர்: நேந்திரம் பழத்தை துண்டுகளாக்கி நெய்யில் வதக்கி ஆறியதும் மிக்ஸியில் அரைத்த கலவை மற்றும் வற்றி காய்ந்த பாலுடன் கலந்து வெல்லம் வறுத்த முந்திரி, ஏலக்காய் பொடி சேர்த்து கொதித்ததும் இறக்கி பரிமாறவும்

பண்டிகை தினங்களிலும், பழம் அதிகமாக வீட்டில் இருந்தாலோ இந்த வகையில் சத்தான உணவு தயாரித்து கொடுத்தால் சிறுவர்கள் முதல் முதியவர் வரை மகிழ்ச்சியுடன் சுவைப்பார்கள்.