உலகின் முன்னணி நிறுவனங்களில் ஒன்றான ஆப்பிள், இத்தனை ஆண்டுகளாக, சீனாவில் தன் போன் உற்பத்தியை மேற்கொண்டு வந்த நிலையில், சில ஆண்டுக்கு முன் இந்தியாவிலும் உற்பத்தியை தொடங்கியது.

தற்போது இந்தியாவில் போன் உற்பத்தி செய்வது, ஆப்பிள் நிறுவனத்துக்கு விற்பனை உள்ளிட்ட பல வகையிலும் வசதியாக இருப்பதனால் புதிதாக அறிமுகம் செய்துள்ள ஆப்பிள் ஐபோன் 16 மாடல் உற்பத்தியை இந்தியாவிலேயே மேற்கொள்ள முடிவு செய்துள்ளது.

கீழடியில் நடைபெற்று வரும் 10ஆம் கட்ட அகழாய்வில் சுடுமண்ணால் ஆன 2 தானியக் கொள்கலன்கள், சுடுமண் ஓடுகளால் நெய்யப்பட்ட வீட்டின் மேற்கூரை போன்றவை கண்டெடுக்கப்பட்டுள்ளன. தற்போது 9 குழிகள் தோண்டப்பட்டு ஆய்வு நடந்து வருகிறது.

மார்க்சிஸ்ட் கம்யூனிஸ்ட் கட்சியின் பொதுச் செயலாளர் சீத்தாராம் யெச்சூரி (72) உடல்நலக்குறைவு காரணமாக டெல்லி எய்ம்ஸ் மருத்துவமனையில் அனுமதிக்கப்பட்டிருந்த நிலையில், சிகிச்சை பலனின்றி உயிரிழந்தார். நுரையீரல் தொற்று காரணமாக செயற்கை சுவாசக் கருவிகள் உதவியுடன் சிகிச்சை வழங்கப்பட்டு வந்த நிலையில் இன்று உயிரிழந்தார்.

இயக்குனர் நெல்சன் முதல் முறையாக பிலாமென்ட் பிக்சர்ஸ் நிறுவனத்தின் மூலம் தயாரிக்கும் படம் 'பிளடி பெக்கர்'. இப்படத்தில் கவின் ஹீரோவாக நடித்துள்ளார். நெல்சனின் உதவி இயக்குனர் சிவபாலன் இயக்கி உள்ளார். ஜென் மார்ட்டின் இசையமைக்கிறார். இதில் கவினுடன் இணைந்து அக்ஷயா, ஜெயிலர் தன்ராஜ், அனார்கலி நாசர், ரெட்டின் கிங்ஸ்லி ஆகியோர் முக்கிய கதாபாத்திரங்களில் நடிக்கின்றனர். தீபாவளிக்கு படம் வருவதாக அறிவிக்கப்பட்டுள்ள நிலையில், தற்போது இந்த படத்தில் இருந்து 'நான் யார்' என்கிற முதல் பாடல் வருகின்ற செப்டம்பர் 13ம் தேதியான நாளை, மாலை 6 மணியளவில் வெளியிடுவதாக படக்குழு அறிவித்துள்ளது.

திண்டுக்கல் மாவட்டம் நத்தத்தில், தமிழக கிரிக்கெட் சங்கம் சார்பில் புச்சி பாபு கிரிக்கெட் தொடர் நடத்தப்பட்டது. இந்த போட்டியின் ஃபைனலில் ஐதராபாத், சத்தீஸ்கர் அணிகள் மோதின. இதில், ஐதராபாத் அணி 243 ரன் வித்தியாசத்தில் சத்தீஸ்கர் அணியை வீழ்த்தி வெற்றிப் பெற்றுள்ளது.

ஃபைனல் வென்ற ஐதராபாத் அணிக்கு கோப்பையுடன் ரூ.3 லட்சம் பரிசுத் தொகை வழங்கப்பட்டுள்ளது. இரண்டாவது இடம் பிடித்த சத்தீஸ்கர் அணிக்கு ரூ.2 லட்சம் பரிசு கிடைத்துள்ளது.