அதிக வெப்பம் மின்னணு சாதனங்களுக்கு பல நேரங்களில் தீங்கு விளைவிக்கும். உங்கள் கேஜெட்டுகள் மற்றும் எலக்ட்ரானிக் பொருட்கள் அதிக வெப்பமடைவதைத் தடுக்க உதவும் சில வழிமுறைகளை தெரிந்து கொள்வோம்

1. நேரடி சூரிய ஒளி மற்றும் வெப்பத்தை தவிர்க்கவும்:

• அதிக வெப்பமான காலநிலையில் உங்கள் மின்னணு சாதனங்களை வெளியில் பயன்படுத்த வேண்டாம். சூடான காற்று உங்கள் கேஜெட்டை கொஞ்சம்கூட குளிர்விக்காது.

• உங்கள் சாதனங்களை நேரடியாக சூரிய ஒளியில் இருந்து விலக்கி வைக்கவும். ஏனெனில், அது அவற்றின் வெப்பநிலையை இன்னும் அதிகரிக்கும்.

• உங்கள் கார் வெயிலில் நிறுத்தப்பட்டிருக்கும் சூழ்நிலையில், உங்கள் கேஜெட்கள் எல்லாம் உபயோகத்தில் இல்லாமல் இருந்தாலும், காரின் உள்ளே வைப்பதை தவிர்த்திடுங்கள்.

2. கூலிங் பேட் அல்லது லேப்டாப் ஸ்டாண்டைப் பயன்படுத்தவும்:

• நீங்கள் வெப்பமான சூழலில் நீண்ட நேரம் மடிக்கணினியைப் பயன்படுத்துகிறீர்கள் என்றால், கூலிங் பேடைப் பயன்படுத்துங்கள், சாதனத்தின் வெப்பநிலையை ஒழுங்குபடுத்த இந்த பேட்கள் கூடுதல் வெப்ப வெளியேற்றத்தை கொண்டிருக்கும்.

• உங்கள் லேப்டாப்பை உயர்த்தப்பட்ட மேடையில் வைக்கவும் அல்லது லேப்டாப் ஸ்டாண்டில் வையுங்கள். உங்கள் லேப்டாப் மற்றும் டேபிளுக்கு இடையே உள்ள தூரம் எவ்வளவு அதிகமாக இருக்கிறதோ, அந்த அளவிற்கு காற்று சுழற்சி சிறப்பாக இருக்கும்.

3. சுவாசிக்க இடம் கொடுங்கள்:

• உங்கள் சாதனத்தைச் சுற்றி விசாலானமான இடைவெளி இருப்பதை உறுதிசெய்யவும். இது சாதனத்தின் வெப்பத்தை சுலபமாக வெளியேற அனுமதிக்கிறது.

• ரேடியேட்டர்கள், ஓவன்கள் அல்லது பர்னர்கள் போன்ற வெப்பத்தில் இயங்கும் பொருள்களுக்கு அருகில் எலக்ட்ரானிக்ஸ் சாதனங்கள் இயங்குவதைத் தவிர்க்கவும்.

4. முடிந்தவரை சுத்தமாக வைத்திருங்கள்

• உங்கள் சாதனத்தின் உள்ளே தூசி மற்றும் குப்பைகள் குவிந்து, காற்றோட்டத்தைத் தடுத்து, அதிக வெப்பமடையச் செய்யும். அதனால் துவாரங்கள்(Vents) மற்றும் மின்விசிறிகளை தவறாமல் சுத்தம் செய்யுங்கள்.

• துவாரங்கள்(Vents) பக்கத்தில் பொருட்கள் இல்லாததை உறுதிப்படுத்திக் கொள்ளுங்கள்.

5. (Over Clocking) ஓவர் க்ளாக்கிங்கை ஆப் செய்யுங்கள் அல்லது குறைந்த சக்தி பயன்முறையைப்(Low power mode) பயன்படுத்தவும்:

• ஓவர் க்ளாக்கிங் அதிக வெப்பத்தை உருவாக்கலாம். உங்கள் சாதனத்தை ஓவர் க்ளோக்கிங் செய்திருந்தால், இயல்புநிலை பயன்படுத்தும் முறைக்கு(default settings) மாற்றிவிடுங்கள்.

• ஆற்றல் சேமிப்பு மற்றும் வெப்ப உற்பத்தியைக் குறைக்க முடிந்தவரை குறைந்த-சக்தி இயங்கும் முறைகளைப் பயன்படுத்தவும்.

6. பயன்படுத்தப்படாத அல்லது பின்னணி அம்சங்களை முடக்குங்கள்:

• தேவையில்லாத போது ஜிபிஎஸ், புளூடூத் மற்றும் வைஃபை போன்ற அம்சங்களை முடக்கவும். இவை வெப்பத்தை அதிகரிக்கலாம்.

• உங்கள் சாதனத்தில் பணிச்சுமையை குறைக்க தேவையற்ற பின்னணி பயன்பாடுகள் மற்றும் செயல்முறைகளை முடக்கவும்.

7. இடைவேளை எடுங்கள்:

• நீங்கள் ஒரு சாதனத்தை தீவிரமாகப் பயன்படுத்துகிறீர்கள் என்றால், அதை குளிர்விக்க இடைவெளிகளைக் கொடுங்கள். அவ்வப்போது அதை அணைக்கவும். அல்லது, ஸ்லீப்(Sleep) பயன்முறையில் வைக்கவும்.

• வெப்ப உணர்திறன் கேஜெட்டுகள் குளிரூட்டப்பட்ட இடங்களில் அல்லது அவற்றை நேரடியாக குளிரூட்டப்படும் விசிறியுடன் பயன்படுத்த வேண்டும்.