நான்சி மலர்
Dental care:
1. காலை எழுந்தவுடனும், இரவு தூங்குவதற்கு முன்பும் 2 நிமிடங்கள் பற்களை சரியாக துலக்குவது அவசியம்.
2. கடினமான பிரஷ்கள் பற்களின் எனாமலை (Enamel) தேய்த்துவிடும். எனவே மென்மையான பிரஷை தேர்வு செய்யவும்.
3. தினமும் காலையில் 1 ஸ்பூன் நல்லெண்ணெய் அல்லது தேங்காய் எண்ணெயை வாயில் ஊற்றி 5-10 நிமிடங்கள் கொப்பளித்து துப்பினால் பற்கள் பளிச்சிடும்.
4. வாரத்திற்கு ஒருமுறை சிறிதளவு உப்பு மற்றும் சில துளிகள் எலுமிச்சை சாறு கலந்து பற்களை லேசாக தேய்த்தால் கறைகள் நீங்கும்.
5. பற்களுக்கு இடையில் சிக்கும் உணவுத் துகள்களை நீக்க தினமும் பல் நூலை (Dental Floss) பயன்படுத்தவும்.
6. அடர் நிற பானங்கள் மற்றும் சிகரெட் பிடிக்கும் பழக்கம் பற்களில் மஞ்சள் கறையை உண்டாக்கும், அவற்றை தவிர்க்கவும்.
7. ஆப்பிள், கேரட், வெள்ளரிக்காய் போன்றவற்றை கடித்து சாப்பிடும் போது பற்கள் இயற்கையாகவே சுத்தமாகும்.
8. எதை சாப்பிட்ட பிறகும் மறக்காமல் தண்ணீரில் வாயை நன்றாக கொப்பளிக்கும் பழக்கத்தை வைத்துக்கொள்ளுங்கள்.
9. இனிப்பு மற்றும் மிட்டாய் வகைகள் பற்களில் பாக்டீரியாவை உருவாக்கி சொத்தையை ஏற்படுத்தும்.
10. பற்களின் ஆரோக்கியத்தை உறுதி செய்ய 6 மாதங்களுக்கு ஒருமுறை பல் மருத்துவரை அணுகி கிளீனிங் செய்துகொள்வது நல்லது.