கிரி கணபதி
புதிய பேண்ட் வாங்கும்போது வெளிப்புற அழகை மட்டும் பார்ப்பது போதுமானதல்ல. சரியான பேண்ட்களைத் தேர்ந்தெடுக்கச் சில முக்கியக் குறிப்புகளை இப்போது பார்க்கலாம்.
1. இடுப்பளவு மற்றும் உயரம் சரியாக உள்ளதா என்பதை முதலில் கவனிக்க வேண்டும். இதுவே ஆடையின் நேர்த்தியை முழுமையாகத் தீர்மானிக்கிறது.
2. அவரவர் உடலமைப்பிற்கு ஏற்ற மாடல்களைத் தேர்ந்தெடுப்பது மிகவும் அவசியம். ஸ்லிம் ஃபிட் அல்லது ரெகுலர் ஃபிட் வகைகளைத் தேர்வு செய்யலாம்.
3. ஆடையை அணிந்த பிறகு சிறிது தூரம் நடந்து பார்க்க வேண்டும். உட்கார்ந்து எழும்போது சௌகரியமாக இருக்கிறதா என்பதையும் உறுதிசெய்ய வேண்டும்.
4. தட்பவெப்ப நிலைக்கு ஏற்றவாறு துணியின் தரத்தைத் தேர்ந்தெடுக்க வேண்டியது முக்கியமாகும். காற்றோட்டமான பருத்தி அல்லது லினன் துணிகள் சிறந்த வசதியைத் தரும்.
5. தினசரி பயன்பாட்டிற்குத் துணிகளைத் தேடும்போது உறுதியான மாடல்களைத் தேர்வு செய்யலாம். கரடுமுரடான வேலைகளுக்கு டெனிம் ஆடைகள் மிகவும் ஏற்ற தேர்வாக அமையும்.
6. சற்று நீட்சித் தன்மை கொண்ட ஆடைகளை வாங்குவது அதிக வசதியைத் தரும். இது வாகனப் பயணங்களுக்கும் அலுவலகப் பயன்பாட்டிற்கும் பெரிதும் உதவும்.
7. ஆடைகளை எதற்காக வாங்குகிறோம் என்ற தெளிவு முன்னதாகவே இருக்க வேண்டும். அலுவலகத் தேவையா அல்லது சாதாரண பயன்பாடா என்பதை முடிவுசெய்ய வேண்டும்.
8. கருப்பு, கருநீலம் போன்ற அடிப்படை நிறங்களைத் தேர்ந்தெடுப்பது எப்போதுமே சிறந்தது. இவை பெரும்பாலான சட்டைகளுடன் எளிதாகப் பொருந்தி நேர விரயத்தைத் தடுக்கும்.
9. இடுப்பு மற்றும் பாக்கெட்டுகளின் ஓரங்களில் தையல் நேர்த்தியாக உள்ளதா என்று பார்க்கவும். இரட்டைத் தையல்கள் போடப்பட்டிருந்தால் ஆடைகள் பல வருடங்களுக்கு உழைக்கும்.
10. ஜிப் மற்றும் பட்டன்களின் தரத்தை ஒருபோதும் அலட்சியம் செய்யக் கூடாது. ஜிப் பாதையில் தடையின்றி இயங்குகிறதா என்பதைச் சரிபார்ப்பது மிகவும் அவசியமாகும்.
இந்தச் சிறு குறிப்புகளைக் கவனத்தில் கொண்டு ஆடைகளைத் தேர்ந்தெடுக்கும்போது பணம் வீணாகாமல் பாதுகாக்கப்படும்.