கிரி கணபதி
மத்திய அமெரிக்காவின் அடர்ந்த காடுகளில் வாழும் ஒரு விசித்திரமான உயிரினம்தான் ரெட்-பேக்ட் கிளிப் பாம்பு (Red-Backed Parrot Snake). இந்தப் பாம்பைப் பற்றி பலருக்கும் தெரியாத 10 சுவாரஸ்யமான தகவல்களை பார்ப்போம்.
1. இந்தப் பாம்புகள் மிகவும் மெல்லிய உடலமைப்பைக் கொண்டவை. இவற்றின் முதுகில் இருக்கும் அடர் சிவப்பு நிறம் பார்ப்பதற்கு மிகவும் அழகாக இருக்கும்.
2. இவை கோஸ்டாரிகா, பனாமா மற்றும் நிகரகுவா போன்ற நாடுகளின் அடர்ந்த மழைக்காடுகளில் வாழ்கின்றன. காடுகளின் தட்பவெப்ப நிலைதான் இவற்றுக்கு மிகவும் பிடிக்கும்.
3. இவை பெரும்பாலும் நிலத்தில் இறங்குவதே இல்லை. காடுகளில் உள்ள உயரமான மரக் கிளைகளில்தான் இவை தங்களின் முழு வாழ்நாளைக் கழிக்கின்றன.
4. சிவப்பு நிறம் வெளியே பளிச்சென்று தெரிந்தாலும், காடுகளின் இலைகளுக்குள் இவை நேர்த்தியாக மறைந்துகொள்ளும். இதனால் எதிரிகளால் இவற்றை எளிதில் கண்டுபிடிக்கவே முடியாது.
5. பெரும்பாலான பாம்புகளைப் போல இவை இரவில் இரை தேடுவதில்லை. பகல் நேரங்களில் மட்டுமே சுறுசுறுப்பாக வேட்டையாடும் பழக்கம் கொண்டவை.
6. பார்ப்பதற்கு சற்று மிரட்டலாகத் தோன்றினாலும், மனிதர்களுக்கு ஆபத்து விளைவிக்கும் அளவுக்கு இதற்கு விஷம் கிடையாது. மனிதர்களைக் கண்டால் இவை பெரும்பாலும் அமைதியாக விலகிச் சென்றுவிடும்.
7. மரங்களில் வசிக்கும் சிறிய தவளைகள், பல்லிகள் மற்றும் பறவைகளை இவை விரும்பிச் சாப்பிடும். இரையை நேருக்கு நேர் தாக்கிப் பிடிப்பதில் இவை பலே கில்லாடிகள்.
8. மரக்கிளைகளில் நகரும்போது இவை சிறிதும் சத்தம் எழுப்புவதில்லை. இதனால் இரைக்குத் தெரியாமலேயே மிக அருகில் சென்று திடீரெனத் தாக்கிவிடும்.
9. இதன் மெல்லிய உடலமைப்பு அதிவேகமாகச் செயல்பட உதவுகிறது. ஆபத்தை உணர்ந்தால் கண்ணிமைக்கும் நேரத்தில் மரங்களுக்கு இடையே வளைந்து நெளிந்து தப்பிச் சென்றுவிடும்.
10. மரங்களை வெட்டி காடுகளை அழிப்பது இவற்றின் வாழ்வாதாரத்தை மிகப்பெரிய அளவில் தற்சமயம் பாதித்து வருகிறது. இவை பாதுகாப்பாக வாழ அடர்ந்த மரங்கள் மிகவும் அவசியமாகும்.
இதுபோன்ற அபூர்வ உயிரினங்கள் பூமியிலிருந்து அழியாமல் இருக்க, அவற்றின் இருப்பிடமான காடுகளைப் பாதுகாப்பது நமது தலையாய கடமையாகும்.