நான்சி மலர்
Pension
1. ஓய்வூதியதாரர்கள் வங்கிக்கு நேரில் செல்லாமல், தங்களது வாழ்நாள் சான்றிதழை வீட்டிலிருந்தபடியே ஆன்லைன் மூலமாக எளிதாகச் சமர்ப்பிக்கலாம்.
2. இந்தச் செயல்முறைக்கு உங்களது ஆதார் எண், ஓய்வூதியக் கணக்கு விவரங்கள், ஓய்வூதிய ஆணை (PPO Number) மற்றும் கைபேசி எண் ஆகியவை கட்டாயம் தேவை.
3. ஆண்ட்ராய்டு கைபேசியில் 'Jeevan Pramaan Face App' செயலியைப் பதிவிறக்கம் செய்து இந்தச் சேவையைப் பயன்படுத்திக் கொள்ளலாம்.
4. கைபேசி கேமரா மூலம் முகத்தை ஸ்கேன் செய்து (Face Authentication) எந்தவித பயோமெட்ரிக் சாதனமும் இன்றிச் சான்றிதழைச் சமர்ப்பிக்கலாம்.
5. அங்கீகாரத்தைப் பயன்படுத்த, கைபேசியில் 'AadhaarFaceRD' மற்றும் 'Jeevan Pramaan' ஆகிய இரண்டு செயலிகளையும் கூகுள் பிளே ஸ்டோரிலிருந்து பதிவிறக்கம் செய்ய வேண்டும்.
6. இந்திய தபால் துறையின் கீழ் செயல்படும் 'Postman' அல்லது கிராம அஞ்சல் ஊழியர்கள் மூலமாக வீட்டிலிருந்தபடியே வாழ்நாள் சான்றிதழைப் பதிவு செய்யலாம்.
7. பொதுத்துறை வங்கிகளின் கூட்டமைப்பு (Doorstep Banking - PSB) மூலம், குறைந்த கட்டணம் செலுத்தி வங்கி அதிகாரிகளை வீட்டிற்கே வரவழைத்துச் சான்றிதழ் வழங்கலாம்.
8. டோர்ஸ்டெப் பேங்கிங் சேவையைப் பெற [www.doorstepbanks.com](https://www.doorstepbanks.com) என்ற இணையதளம் அல்லது 'Doorstep Banking' செயலியைப் பயன்படுத்தலாம்.
9. வழக்கமாக நவம்பர் மாதம் முழுவதிலும் ஓய்வூதியதாரர்கள் தங்களது வாழ்நாள் சான்றிதழைச் சமர்ப்பிக்கலாம் (சூப்பர் செனியர் குடிமக்களுக்கு அக்டோபர் மாதத்திலிருந்தே அனுமதி உண்டு).
10. சான்றிதழ் வெற்றிகரமாகச் சமர்ப்பிக்கப்பட்டவுடன், உங்களது கைபேசி எண்ணிற்குச் சான்றிதழ் எண் (Pramaan ID) மற்றும் உறுதிப்படுத்தல் குறுஞ்செய்தி வந்துவிடும்.