தங்கத்தாரகை ஜெயலலிதா பிறந்தநாள் ஸ்பெஷல்!

மறைந்த முதல்வர் ஜெயலலிதா 127 திரைப்படங்களில் நடித்துள்ளார். பல முன்னணி நடிகர்கர்களுடன்  சேர்ந்து நடித்துள்ளார்.

சினிமா, அரசியல், சமூகம் உள்ளிட்ட பல துறைகளிலும் முத்திரை பதித்து பல்வேறு விருதுகளைப் பெற்றுள்ளார்.

1972-ல் பட்டிக்காடா பட்டணமா என்ற படம் இவருக்கு சிறந்த தமிழ் நடிகைக்கான பிலிம் பேர் விருதினை வாங்கி கொடுத்தது. சிறந்த தெலுங்கு நடிகை ஃபிலிம் பேர் விருதினை ஸ்ரீ கிருஷ்ணா சத்யா என்ற படத்துக்காக அவருக்கு வழங்கப்பட்டது.

1972 -ல் தமிழ்நாடு அரசு இவருக்கு கலைமாமணி விருது வழங்கி கௌரவித்தது.

1991-ல் சென்னை பல்கலைக்கழகம் மூலமாக 1991-ம் ஆண்டு இலக்கியத்தில் கவுரவ டாக்டர் பட்டம் பெற்றார்.

1992 இல் தமிழ்நாடு டாக்டர் எம்ஜிஆர் மருத்துவப் பல்கலைக்கழகம் அறிவியலுக்கான கௌரவ டாக்டர் பட்டம் வழங்கியது.

1993-ல் சூரியகாந்தி படம் இவருக்கு சிறந்த தமிழ் நடிகைக்கான பிலிம் பேர் விருதினை வழங்கியது.

1993-இல் கடிதங்களுக்கான டாக்டர் ஆஃப் லெட்டர்ஸ் என்ற கவுரவ டாக்டர் பட்டத்தை மதுரை காமராஜர் பல்கலைக்கழகம் வழங்கியது.

2003-ல் தமிழ்நாடு வேளாண்மை பல்கலைக்கழகத்திலிருந்து அறிவியலுக்கான கௌரவ டாக்டர் பட்டம் வழங்கப்பட்டது.

2004-ல் ஆசிய சபை விருதான பத்தாண்டின் சிறந்த அரசியல் பெண்மணி என்ற பட்டத்தை பெற்றுக் கொள்ளுமாறு பிரிட்டிஷ் அரசு அழைப்பு விடுத்தது. ஹவுஸ் ஆஃப் லார்ட்ஸ் லண்டன் இவருக்கு வழங்கி கவுரவித்தது.

2004-ல் இந்தியாவிலும் தமிழகத்திலும் பாலின சமத்துவம் மற்றும் சமுதாயத்தில் நலிந்த பிரிவினரை பாதுகாத்தல் ஆகியவற்றில் சேவை புரிந்தமைக்காக தங்கத் தாரகை விருது சர்வதேச மனித உரிமை பாதுகாப்பு குழுவினால் வழங்கப்பட்டது.

2011-ல் இவருடைய மிகச்சிறந்த சேவை மற்றும் ஆழும் திறமையை பாராட்டி அமெரிக்க நாட்டில் உள்ள நியூ ஜெர்சி பொதுச்சபை தீர்மானம் நிறைவேற்றியது.

ஜெயலலிதா, ஆங்கிலம், தமிழ், தெலுங்கு, கன்னடம், இந்தி ஆகிய மொழிகளில் பேசுவதில் வல்லவர் உடன் மலையாள மொழியையும் நன்கு புரிந்து கொள்ளும் திறமை உடையவர்.

மேலும் ஆங்கிலம், தமிழ் ஆகிய மொழிகளில் இவர் எழுதிய பல கட்டுரைகள் பல்வேறு இதழ்களில் வெளிவந்துள்ளன. தமிழில் நான்கு முழு நீள நாவல்களும் பல சிறு கதைகளும் எழுதியுள்ளார். சிறந்த எழுத்தாளர்.

இவரது பொழுது போக்குகள் படித்தல், இசை ஆகும். பிடித்த விளையாட்டு கிரிக்கெட், டென்னிஸ், நீந்துதல், குதிரை ஏற்றம், கூடைப்பந்து, சதுரங்கம், உடற்பயிற்சி விளையாட்டுகள்.

கின்னஸ் புத்தகத்திலும் ஜெ பெயர் இடம் பெற்றுள்ளது.