0,00 INR

No products in the cart.

நீ செய்த நன்மைகள் உன் கூடவே வரும்

கிருபானந்த வாரியார் சுவாமிகளின் அருளுரை

 

ருவத்தால் மட்டுமின்றி உள்ளத்தாலும் மனிதத்தன்மையுடன் நாம் நடக்க வேண்டும். மிருகங்களை போல செயல்படக்கூடாது. பசு போன்ற மென்மையான மனிதர்களிடம் பழகுவது நன்மை தரும். பாம்பு போன்ற நஞ்சு தன்மை கொண்ட மனிதர்களிடம் நெருங்கவே கூடாது.

ஒருவரின் உண்மையான அன்பையும் அறிவையும் பேச்சின் மூலம் அறிய முடியாது. அவர்களின் செயலின் மூலம் தான் காண முடியும். நிதானமே தலை சிறந்தது. எந்தப் பணியில் ஈடுபட்டாலும் பொறுப்புடன் நடந்து கொள்ளுங்கள்.  சத்திய வழியில் வாழ்வு நடத்துங்கள். பெற்றோர் பெரியோர்களை தெளிவாக மதியுங்கள்.

மனத்தூய்மையுடன் கடவுள் மீது பக்தி செலுத்துங்கள். மலர்ந்த முகத்துடன் இனிமையாகப் பழகுங்கள். பணத்தால் பெருமை கொள்ளக் கூடாது. உறவினர் ஏழையானாலும் அவர்களை மதிப்பது நம் கடமை.

நாளடைவில் உன் உறவுகள் கூட உன்னை கைவிட கூடும். ஆனால் நீ செய்த நன்மைகள் உன் கூடவே வரும். எந்தச் செயலில் ஈடுபட்டாலும் தனக்கென சுயநலத்துடன் செய்வது கூடாது. அது பிறருக்கு நன்மை தருவதாக அமைய வேண்டும். தானதர்ம வழியில் செலவழித்த செல்வமும் இறை வழிபாட்டில் செலவழித்த காலமும் நம்முடையது.

உடலை வளர்க்க உணவு அவசியம். அதுபோல உயிரை வளர்க்க பிரார்த்தனை அவசியமானது.  மனதால் கூட பிறருக்கு துன்பம் நினைக்காத ஒருவரால் தான் துன்பம் இல்லாத வாழ்க்கையை வாழ முடியும். மரணவேதனை லட்சம் தேள்கள் கொட்டியது போல கொடுமையானது. அதை பக்தியால்கூட தடுக்க முடியாது.

தன்னை தானே சோதித்துக் கொள்பவன் தீமையில் இருந்து விரைவில் விடுபடுவான். மனத் தூய்மை பெற்று நற்செயலிலும் ஈடுபடுவான். அனைத்து உயிர்களும் இறைவன் வாழும் கோயில்தான். அதனால் அனைத்து உயிரையும் மதித்து வாழ வேண்டும். சிறியவன் என்று யாரையும் இகழ்வது கூடாது. அனைவரையும் சமமாக கருதுபவனே சிறந்த மனிதன்.

பிறர் கூறும் வசை மொழிகளைக் கூட இனிய சொற்களாகக் கருதுபவனே சிறந்தவன். உலகில் எல்லாம் தெரிந்தவர் எவருமில்லை. எதுவும் தெரியாதவர் என்றும் எவரும் கிடையாது.

உன்னை நீ காத்துக்கொள்ள விரும்பினால், எந்த நிலையிலும் கோபம் உன்னை கட்டுப்படுத்த அனுமதிக்காதே. நல்லவர்கள், பெரியவர்களை வணங்காவிட்டாலும் அலட்சியப்படுத்துவது கூடாது. கடவுளை வழிபட்டால் ஒரு மடங்கு பலன். மகான்கள், அடியவர்களை வழிபட்டால் இருமடங்கு பலன்.

2 COMMENTS

  1. ஒருவரின் உண்மையான அன்பையும்,
    அறிவையும் பேச்சின் மூலம் அறிய முடியாது
    செயல்பாட்டினால் கண்டிப்பாக அறியலாம்.
    நம்மை காத்து கொள்வது எந்நிலையிலும்
    கோபத்தை கட்டுபடுத்தி அமைதியான வாழ்க்கை வாழ்வதுதான். கிருபானந்த வாரியாரின் அருளுரை கேட்டு வாழ்ந்தால்
    நலம் பெறலாம்.

  2. வாரியார் சுவாமிகளின் அருளுரையைப் படித்து மகிழ்வதை விட, அவற்றை வாழ்வில் கடைப்பிடித்து வாழ முயன்றால், பெரும் நிம்மதியும், பேரானந்தமும் நிச்சயம் கிடைக்கும். கல்கிக்கு மிக்க நன்றி!

Stay Connected

261,699FansLike
1,912FollowersFollow
7,330SubscribersSubscribe

Other Articles

கவனிக்கப்படாத இயற்கை

கடைசிப் பக்கம்   சுஜாதா தேசிகன்   எங்கள் அலுவலகத்தில் பெங்களூரு மைசூர் சுற்றுலாத் தலங்களின் படங்கள் பெரிய அளவில் அலங்கரித்திருக்கும். அதில் சினிமா குரூப் டான்ஸில் ஹீரோயின் மட்டும் தனியாகத் தெரிவது போல ஒரு கோயில்...

அதிர்ஷ்டசாலிகளுக்கு அதை வைத்தே அயலகப் பணி கிடைத்துவிடும்.

0
உலகக் குடிமகன் -  20 - நா.கண்ணன் அயலகம் என்பதோர் பெரிய ஈர்ப்பு. காசு, சௌகர்யம் என்பது ஒருபுறம் இருக்க, எனக்கு என் ஆய்வைத் திறம்படச் செய்ய வேண்டுமென்ற பேராசை இருந்தது. இந்தியாவில் ஏகப்பட்ட தடங்கல்கள்,...

அந்தப் பக்தன், பிரம்மனுக்கு இணையாக மூன்று உலகங்களையும் ஆளும் தகுதியினைப்  பெறுகிறான்

உத்தவ கீதை - 20 - டி.வி. ராதாகிருஷ்ணன் இறைவனை வழிபடும் முறை கிருஷ்ணா… உன்னை எப்படி வழிபடுவது? எப்படி ஆராதிப்பது என்றும்… என்னென்ன வழிகளில் வழிபடுவது என்றும் விளக்கிக் கூறுங்கள். வேத வியாசர், நாரத முனி, ஆச்சார்ய...

ஜோக்ஸ்

0
“தேர்தல் மீட்டிங்கில்  எங்கள் கட்சியை ஜெயிக்க வச்சா ஊழல் இல்லாத ஆட்சி அமைப்பேன்னு பேசினீங்களா தலைவரே?” “ஆமாம், அதுக்கென்னய்யா இப்ப?” “நம்ம கட்சியில் இருந்தவங்களெல்லாம் வேறு கட்சிக்குத் தாவிட்டாங்க!” - சி.ஆர்.ஹரிஹரன், ஆலுவா, கேரளா “டாக்டர் பட்டம் கொடுத்தவர்களிடம்...

விஜய் சேதுபதி அனுப்பும் பதிலையாவது  மறக்காமல் போடுங்கள்

0
உங்கள் குரல்   ஒரு சில பள்ளிகளில் நடந்த மோசமான விஷயங்களை, ஊடகங்கள் ஊதி பெரிதுப்படுத்தி , ஒரு விதமான மாய பிம்பத்தை இங்கே பரவலாக உருவாக்கியிருக்கும் சூழலை, மிகச் சரியாக புரிந்துக்கொண்டு, மாணவர், பெற்றோர்,...