0,00 INR

No products in the cart.

டிஜிட்டல் வழி கல்வியும் உங்கள் குழந்தைகளின் கண்களும்

முனைவர்
அ.போ.இருங்கோவேள்,
                                                      
   மேலாளர் – மருத்துவ சமூகவியல்,
சங்கர நேத்ராலயா, சென்னை

ந்த வருடம் பள்ளிகள் மற்றும் கல்லூரிகள்
ஆன் லைனில் வகுப்புகள் நடத்துகின்றன. இது குழந்தைகளின் கண்களை பாதிக்குமோ என்று அம்மா அப்பாக்கள் தாத்தா பாட்டிகள் பலரும் கவலைப்படுவதை கவனிக்கிறேன்.

ஆனால் கொரோனா வருவதற்கு முன்பும் நம் குழந்தைகள் கம்ப்யூட்டர் மற்றும் மொபைல் ஃபோன்களில் புகுந்து கலக்குவதையும் நாம் பெருமையாகத்தான் பார்த்தோம் இல்லையா?

மேலும் தமிழக அரசு ஏழை எளிய மாணவர்களுக்கு கடந்த 10 வருடங்களாகவே  மடிக்கணினி (லேப் டாப்) வழங்கி வருவதும் நமக்கு தெரியும் இல்லையா?

ஒரு காலத்தில் மணலை சமமாக பரத்தி, அதில் ஆட்காட்டி விரலால் எழுதிப்  படித்தார்கள்.

அதன் பின்னர் பனை ஓலையை பதப்படுத்தி, வசதியைப் பொருத்து இரும்பு, அலுமினியம், செம்பு, தங்கத்தினால் எழுத்தாணி செய்து அதனால் எழுதிப் படித்தார்கள்.

நம் தாத்தா பாட்டிகளும், நம்மில் சிலரும் கல் சிலேட்டு, தகர சிலேட்டு, அட்டை சிலேட்டில் பலப்பம், சாக்பீஸ் வைத்து எழுதிப்படித்தோம்.

இன்று நம் குழந்தைகள் நேரடியாக தாளில் பென்சில், பால்பாயிண்ட் பேனா வைத்து எழுதிப் படித்து வருகிறார்கள். இன்னும் சில குட்டீஸ்கள் ஸ்டெனொக்ராபரை விட வேகமாக மொபைல் போனில் படபடவென்று டைப்படித்து  வருகிறார்கள். அதை பெருமையாக பார்த்து பேசும் வழக்கமும் நம்மில் சிலருக்கு உண்டு.

அப்போதெல்லாம் இல்லாத பயம் இப்போது எதற்கு?

இது வளர்ச்சி. இந்த மாற்றத்தை ஏற்றுக்கொள்வதைத் தவிர வேறு வழி இல்லை.

கம்ப்யூட்டர், மொபைல் போன் காரணமாக நம் கண்கள், குறிப்பாக குழந்தைகள் சந்திக்கும் சிரமங்கள் மற்றும்  கிட்டப்பார்வை பற்றி நாம் தெரிந்து கொள்ள சென்னை, சங்கர நேத்ராலயா துணைத்தலைவர் மற்றும் குழந்தைகள் கண் மருத்துவ துறை இயக்குநர் பேராசிரியர் டாக்டர் டி.எஸ்.சுரேந்திரன் அவர்களும், குழந்தைகள் கிட்டப்பார்வை துறை டாக்டர் ஜமீல் ரிஸ்வானா அவர்களும்  அளித்த விளக்கம்.

  • ற்போதைய கொரோனா – கோவிட் 19 தொற்றுநோய் உலகெங்கிலும் உள்ள அனைத்து வயதினரின் வாழ்க்கை முறையையும் ஆச்சரியப்படத்தக்க வகையில் மாற்றியுள்ளது.
  • கொரோனா – கோவிட் 19க்கு முந்தைய காலத்தில் கூட, குழந்தைகளின் கண் ஆரோக்கியம் மற்றும் கம்ப்யூட்டர் மற்றும் மொபைல் போன்களை அதிகமாக  பயன்படுத்துவது குறித்து குறிப்பிடத்தக்க கவலைகள் இருந்தன.
  • 2019 ஆம் ஆண்டின் பிற்பகுதியில் நடைபெற்ற ஆராய்ச்சிகள் முடிவுப்படி 2050 மற்றும் தொடர்ந்து வரும் நாட்களில், உலக மக்கள்தொகையில் ஐம்பது சதவிகிதம் பேர் கிட்டப்பார்வை காரணமாக அல்லது கண் கண்ணாடிகளைப் பயன்படுத்த வேண்டிய மயோபியாவால் பாதிக்கப்படுவார்கள் என்பதை சுட்டிக்காட்டுகின்றன.
  • இன்று ஆன்லைன் வகுப்புகள் எனப்படும் விர்ச்சுவல் எஜுகேஷன், அதிகரித்துள்ள நேரம் மற்றும் வீட்டிற்கு வெளியே செல்வது தடைசெய்யப்பட்டுள்ள நிலையில் மயோபியா எனப்படும் கிட்டப்பார்வை பிரச்னை குறித்து கவலைகள் அதிகரித்துள்ளன என்பதில் சந்தேகம் இல்லை.
  • உலகின் மக்கள் தொகையில் குழந்தைகள் மக்கள்தொகை அதிகம் உள்ள நாடு நமது நாடு. ஆனால் பல ஆண்டுகளாகவே தொழில்நுட்பத்துடன் கூடிய கல்விமுறை பழக்கத்தில் உள்ளது. இப்போது ஒரு பெரிய இடத்தை ஆக்கிரமிக்கத் தொடங்கியுள்ளது, மேலும் ஆன்லைன் விர்ச்சுவல் எஜுகேஷன் எனப்படும் மெய்நிகர் கல்வி முறையில் தொழில்நுட்பத்தின் அவசியம் மறுக்க முடியாததாகிவிட்டது.
  • இன்று எல்லோரும் ஆர்வமாகவும், பெருமையாகவும் பார்த்த லேப்டாப், மொபைல் போன் போன்ற உபகரணங்கள் குழந்தைகள் உலகில் பொழுதுபோக்குக்காக பயன்படுத்திய நிலை மாறி, கல்வி, வேலை போன்ற நோக்கங்களுக்காக அவர்களின் வழக்கமான நேரத்தைக்காட்டிலும் அதிகமான நேரத்தை பயன்படுத்த வேண்டியச் அவசியம் ஏற்பட்டுள்ளது.
  • வீட்டின் வசதி, பாதுகாப்பான இடம், தொற்றுநோய்க்கான ஆபத்து குறைதல், பயணம் இல்லை, மற்றும் கற்றல் செயல்முறையில் குழந்தைகள் அதிக அளவில் ஈடுபடுத்தும் வாய்ப்புகள் போன்ற அனைத்து நன்மைகளையும் கருத்தில் கொண்டு இந்த ஆன்லைன் கல்வி எனப்படும் விர்ச்சுவல் கல்வி முறை தவிர்க்க முடியாததாகிவிட்டது.
  • ஒரு குழந்தையின் ஒட்டுமொத்த நல்வாழ்வில் அது ஏற்படுத்தும் நீண்ட கால விளைவுகளைத் தணிக்க அல்லது தடுக்க தொழில்நுட்பத்தைப் பயன்படுத்துவதற்கு ஒரு பாதுகாப்பான சமநிலையைக் கொண்டுவருவது அவசியம்.
  • குழந்தைகளிடையே இந்த மொபைல் போன், லேப்டாப் போன்றவற்றை பயன்படுத்துவது குறித்து உலக அளவில் பல சுகாதார அமைப்புகள் பரிந்துரைகளின்படி, 2 வயதுக்கு குறைவான குழந்தைகள் குடும்ப வீடியோ அழைப்புகளைத் தவிர வேறு எந்த டிஜிட்டல் சாதனங்களையும் பயன்படுத்த அனுமதிக்கக்கூடாது.
  • 5 வயதுக்கு குறைவான குழந்தைகள் அதிகபட்சம் ஒரு மணிநேரம் பயன்படுத்த அனுமதிக்கலாம்.
  • 5 வயதிற்கு மேற்பட்ட குழந்தைகள் இவற்றை பயன்படுத்துவதை முடிந்தவரை குறைக்க வேண்டும் என்று எதிர்பார்க்கப்படுகிறது.
  • வீட்டிலேயே அடைந்து இருப்பது ஒரு தனிநபரின் ஒட்டுமொத்த சுகாதார நல்வாழ்வை பாதிக்கும்.  கண் ஆரோக்கியமும் இதற்கு விதிவிலக்கல்ல.
  • பின்வரும் ஆலோசனைகள் மற்றும் தடுப்பு நடவடிக்கைகள் சிறப்பான ஆராய்ச்சி மூலம் நிரூபிக்கப்பட்டுள்ளன, இப்போது பெற்றோர்கள் மற்றும் சம்பந்தப்பட்ட அனைவரும் விழிப்புடன் இருக்கவும், இந்த உத்திகளைப் பயிற்சி செய்யவும் இது தான் உகந்த நேரம்.

கண்ணில் மொபைல் போன் மற்றும் லேப்டாப்களின் தாக்கம்:

  • ஸ்மார்ட் போன்கள், டேப்லெட்டுகள், ஐ-பேட், மடிக்கணினிகள், பெர்சனல் கம்ப்யூட்டர்கள் போன்ற சாதனங்களை இடையில் போதுமான நேர இடைவெளி இல்லாமல் பயன்படுத்துவதால் வரும் பிரச்னைகள் கண் அல்லது காட்சி சிக்கல்களையும் ”டிஜிட்டல் கண் திரிபு” என்று சொல்கிறார்கள்.
  • ஒரு சராசரி வயதுடைய நபர் ஒரு நாளைக்கு 5-12 மணி நேரம் இவற்றில் செலவிடுகிறார், மேலும் இவற்றை பயன்படுத்துபவர்களில் 50-90% பேர் இதன்  காரணமாக கண் பார்வை சார்ந்த சுகாதார அறிகுறிகளை அனுபவிக்கின்றனர்.
  • தொலைக்காட்சி உட்பட சராசரியாக ஒரு நாளில் 6 மணிநேரம் இந்த சாதனங்களை பயன்படுத்தும் குழந்தைகள் உட்பட பலருக்கும்  உலர் கண் நோயை உருவாக்கும் வாய்ப்புகள் உள்ளன, இதன் விளைவாக கண் சிமிட்டும் அளவு வீதம் குறைகிறது மற்றும் கண் மேற்பரப்பின் வறட்சி அதிகரிக்கும். இவற்றை பயன்படுத்தும் நேரத்தை கட்டுப்படுத்துவதன் மூலம் ஆரம்ப நிலையில் இந்த சுகாதார அறிகுறிகளக் கட்டுப்படுத்தும் வாய்ப்பு உள்ளது.
  • இரண்டாவது பெரிய கவலை என்னவென்றால், மொபைல் போன் போன்றவற்றை கண்ணுக்கு அருகே வைத்து அதிக நேரம், நேரம் போவதே தெரியாமல் பயன்படுத்துவது, மயோபியாவின் தொடக்கத்திற்கும் அந்த பிரச்னை மேலும் அதிகரிப்பதற்கும் வழிவகுக்கிறது. கையில் வைத்திருக்கும் டிஜிட்டல் சாதனங்களை, குழந்தைகள் தமது கண்களுக்கு அருகே நெருக்கமாக எடுத்துச் செல்ல வாய்ப்புள்ளது, இது கிட்டப்பார்வை எனப்படும் மயோபியாவின் ஆபத்தை மேலும் அதிகரிக்கும்.
  • இது கண்ணாடிகளை அணிய வேண்டிய அவசியத்தைத் தவிர, விழித்திரையில் உள்ள சிக்கல்களால் உயர் மயோபியா பார்வைக் குறைபாட்டை ஏற்படுத்தும். எனவே மயோபியாவைக் கட்டுப்படுத்துவது என்பது கண்ணாடிகளை அணிவது அல்லது மாற்றுவது போன்றவற்றைச் செய்வது மட்டுமல்ல, கண் பார்வையை நிரந்தர சேதத்திலிருந்து பாதுகாப்பதற்காகவும் என்று புரிந்துகொள்வது அவசியம்.

அறிவியல் பூர்வமான ஆதாரங்களால் வழங்கப்படும் முக்கியமான ஆலோசனைகள்:

  1. ஆன்லைன் வகுப்புகளில், ஒரு மணி நேர தொடர்ச்சியான சொற்பொழிவுக்குப் பிறகு 15 நிமிடங்களுக்கு கட்டாய நோபோன் / லேப்டாப் இடைவெளி கொடுக்க வேண்டும்.
  1. மேலும் சிறந்த தெளிவு மற்றும் பார்வை சார்ந்த கண் சோர்வினை குறைக்க கல்வி மற்றும் பொழுதுபோக்கு நோக்கங்களுக்காக பெரிய திரைகளைப் பயன்படுத்த அறிவுறுத்தப்படுகிறது. உதாரணமாக , ஸ்மார்ட் போனில் டேப்லெட் போன்ற சாதனம் விரும்பத்தக்கது, மேலும் கையில் வைத்திருக்கும் மொபைல் போன் போன்ற சிறிய சாதனங்களை விட  மடிக்கணினி (லேப் டாப்) அல்லது தனிப்பட்ட கணினி (பெர்சனல் கம்ப்யூட்டர்) சிறந்தது.
  1. கடைபிடிக்க வேண்டிய பார்வை சார்ந்த சுகாதார நடவடிக்கைகள் (Visual Heatlh Mesures)

* இந்த சாதனங்களைப் பயன்படுத்தும் போது

– குறைந்த பட்சம் ஒரு கை வேலை செய்யும் தூரத்தில் (ஒன்று முதல் இரண்டு அடி தூரம்) இவற்றை வைத்து பயன்படுத்துதல்,

– சுற்றுப்புற வெளிச்சத்தின் கீழ் படிப்பது, இயற்கையான வெளிச்சத்தில்  கேட்ஜெட்களுடன் வேலை செய்வது, மற்றும்

– குழந்தைகள் வறண்ட கண் உருவாகாமல் இருப்பதை உறுதிசெய்ய அடிக்கடி கண்களை சிமிட்டுவதற்கு அல்லது கண்களை ஒரு குறிப்பிட்ட கால இடைவெளிகளில் கண்களை மூடி திறந்து பயிற்சி செய்யும்படி அறிவுறுத்துவதன் மூலம் உலர் கண் நோய் அறிவுரை மற்றும் உலர் கண் நோய்  தொடர்பான அறிகுறிகள் எடுத்துச் சொல்வதும் நல்லது.

  1. ஒளிரும் ஃப்ளோரசெண்ட் விளக்குகளை விட எல்.ஈ.டி விளக்குகளைப் பயன்படுத்துவது நல்லது. மேலும் இந்த உபகரணங்களின் திரையில் அதிகப்படியான கண்ணை கூசுவதில்லை என்பதை உறுதிப்படுத்துவதும் நல்லது.
  1. தசைக்கூட்டு சிக்கல்களைத் தவிர்ப்பதற்காக அருகிலுள்ள நடவடிக்கைகளில் ஈடுபடும்போது பொருத்தமான தோரணை உடன் அமர்வது மற்றும் இருக்கைகளைப் பராமரித்தல்.
  1. அச்சுப்புத்தகங்களைப் படிப்பதற்கும், முடிந்தவரை ஆடியோ அடிப்படையிலான பொருட்களைக் கேட்பதற்கு மாறுவதும் ஒரு நல்ல நடவடிக்கை ஆகும்.
  1. உடல் ஆரோக்கியம், வைட்டமின் டி உற்பத்தி மற்றும் உகந்த எலும்பு ஆரோக்கியத்தை உறுதிப்படுத்த 5-17 வயது குழந்தைகளுக்கு குறைந்தபட்சம் ஒரு மணிநேர உடல் பயிற்சிகளை  உலக சுகாதார அமைப்பு பரிந்துரைக்கிறது.
  1. பல்வேறு ஆராய்ச்சி ஆய்வுகளின் அடிப்படையில் குறைந்தபட்சம் 2 மணிநேர வெளிப்புற நடவடிக்கைகள் மயோபியாவுக்கு எதிராக பாதுகாப்பாக இருப்பதாகக் காட்டப்பட்டுள்ளது. எனவே வீட்டில் ஊரடங்கின் போது கூட, உட்புற ஏரோபிக்ஸ் உள்ளிட்ட வெளிப்புறத்திற்கான வாய்ப்புகளை வீட்டில் ஏற்படுத்திக்கொள்வதும், மற்றும் மொட்டை மாடி, பால்கனியில் அல்லது இயற்கை வெளிச்சத்திற்கு உடல் வெளிப்படும் எந்த இடத்திலும் நடைபயிற்சி / சைக்கிள் ஓட்டுதல் போன்றவற்றை மேற்கொள்வதும் சிறந்தது.
  1. ஓய்வு நேரங்களில் வேடிக்கையான விளையாட்டுகள் மற்றும் குழு நடவடிக்கைகளில் ஈடுபடுவது.
  1. திரை நேரத்தைக் கண்காணிக்கவும் கட்டுப்படுத்தவும், இடைவெளி மற்றும் தூக்க நேரத்தை அமைக்கவும்,  குடும்ப இணைப்பு (கூகிள் மூலம்) பதிவிறக்கம் செய்யக்கூடிய பயன்பாடுகளைப் பயன்படுத்துதல் ஒரு வகை தொழில்நுட்ப வசதி. அதனை பயன்படுத்தலாம்.
  1. வழக்கமான உறங்கும் நேரம் மற்றும் கால அட்டவணையை பயன்படுத்துவதன் மூலம் நல்ல ஆரோக்கியமான தூக்க சுகாதாரத்தை கடைபிடிக்க வேண்டும்.
  1. நம்முடைய தூக்கத்திற்கு இடையூறாக இருக்கும் மொபைல், கம்ப்யூட்டர்  சாதனத்திலிருந்து நீல ஒளியின் விளைவைத் தவிர்க்க தூங்குவதற்கு குறைந்தது 2 மணி நேரத்திற்கு முன் அவற்றை நிறுத்தி விடுவது நல்லது.  மாலை 6 மணிக்குப் பிறகு டிஜிட்டல் சாதனத்தைப் பயன்படுத்த வேண்டியிருந்தால், திரையில் இருந்து வெளிப்படும் நீல ஒளியைக் குறைக்க இரவு பயன்முறையை (Night Mode) பயன்படுத்தலாம்.
  1. பெரியவர்கள் எப்படி செயல்படுகிறார்களோ, அதனையே குழந்தைகளும் பின்பற்றுகிறார்கள். இதனை கருத்திற்க்கொண்டு பெரியவர்கள் கம்ப்யூட்டர், மொபைல் ஃபோன் போன்றவற்றை பயன்படுத்துவதில் டைம் மேனேஜ்மெண்ட் அதாவது நேர ஒழுக்கத்தைப் பின்பற்றுவதன் மூலம், அவர்களது பழக்கவழக்கங்களை குழந்தைகள் முன்மாதிரியாக செய்வார்கள், இதனால் குழந்தைகள் மாற்றங்களுக்கு ஏற்ப மாற முடியும்.

இன்றைய காலகட்டத்தில் அறிவியல் மற்றும் தொழில் நுட்ப வளர்ச்சியை ஒரு வரமாகவோ அல்லது தடைசெய்ய வேண்டிய சாபமாகவோ நினைப்பது நம்முடைய அறிவுதான் தீர்மானிக்க வேண்டும்.

தொழில்நுட்பம் நம் வாழ்நாள் முழுவதையும் தளர்த்தியுள்ளது என்பதையும், நம் வீடுகளிலிருந்து நம்முடைய எல்லா பழக்க வழக்கத்தையும் எளிமையாக்கியும் எல்லா வயதினருக்கும் ஒரு மதிப்பு மிக்க, வசதி மிக்க வாழ்க்கை அமைந்துள்ளதையும் புரிந்து கொள்ள வேண்டியது அவசியம்.

கொடுக்கப்பட்ட இந்த ஆலோசனைகளை செயல்படுத்துவது நம் கைகளில் உள்ளது, அதாவது குழந்தைகள் உட்பட அனைவருமே நல்ல கண் ஆரோக்கியத்தையும் ஒட்டுமொத்த சுகாதாரத்தையும் தொடர்ந்து பராமரிக்கும் போது அறிவுபூர்வமாக தூண்டப்படுகிறார்கள். ஏனெனில் கல்வி என்பது 80% நமது கண் ஆரோக்கியத்தை சார்ந்தே உள்ளது.

2 COMMENTS

Stay Connected

261,335FansLike
1,909FollowersFollow
8,130SubscribersSubscribe

Other Articles

அப்பா, அம்மாவைத் தேடியபோது கிடைத்த அக்கா

1
- மோகன்   கோவையில் 1970களில் ப்ளூ மௌண்டேன் என்கிற ஆதரவற்றோர் இல்லத்தை மேரி காத்தரீன் என்பவர் நடத்தி வந்துள்ளார். அங்கு விஜயா, ராஜ்குமார் என்கிற இரு குழந்தைகளை அவர்களின் பெற்றோர்கள் சேர்த்துள்ளனர். விஜயாவும் ராஜ்குமாரும்...

ஆழ்ந்த அஞ்சலி என்று எளிதில் விலகிவிட முடியாது …

3
அஞ்சலி  குமுதம் குழுமத்தில் 30 ஆண்டுகளாகத் தொடர்ந்து பணியாற்றி வந்த அதன் ஆசிரியர் பிரியா கல்யாணராமன் அண்மையில் காலமானார்.  அவரைக் குறித்து அவரது நண்பரும் எழுத்தாளாருமான பாரதிபாலன்...   பாரதி பாலன்  அது 1987 குமுதம் ஆசிரியர்...

இந்த  நாற்காலி மட்டும் ஏன் இவ்வளவு உயரம்?

0
  வினோத்   டென்மார்க் நாட்டில் கோபன்ஹேகன் நகரில் பார்க்குகளில், பெரிய  தெருக்களில் இப்படி உயரமான பெஞ்சுகளை  அமைத்திருக்கிறது  ஒரு டி.வி சானல் நிறுவனம். முதலில் ஏதோ டிவி  ஷூட்டிங் என்று பலர் நினைத்துக்கொண்டிருந்தனர். ஆனால், அருகில் சென்று...

‘ இசைக்கருவிகள் எழுப்பும் இனிய ஓசையே என் சுவாசம்’

1
நேர் காணல் ''எதைச் செய்தாலும் அதை ரசித்து, நேர்மையாகச் செய்தால் மக்கள் தங்கள் ஆதரவைத் தரத் தயாராக உள்ளனர்''   ஸ்வர்ண ரம்யா   ‘திருவிளையாடல்’  திரைப்படத்தில் “பாட்டும் நானே-பாவமும் நானே” என்ற பாடலில்  சிவாஜி பாடும்...

வட்டத்துக்குள் சதுரம்

- செல்லம் சேகர்   இப்படியும் சேமிக்கலாம்...! செலவை சுருக்காமல் வருமானத்தை பெருக்குவதன் மூலம் சேமிக்கலாம். நம் தந்தை காலத்தில் எதை அனாவசியம் என்று நினைத்தோமோ அதெல்லாம் இன்று அத்தியாவசியம் என்று நினைக்க தோன்றுகிறது ... அது நம்மை...