அரிசி இல்லா ஊத்தப்பம்: கோதுமை ரவை, பயித்தம் பருப்பில் அசத்தல் டிபன்!

தேவைக்குஇன்றைக்கு சீக்கிரமே செய்யக்கூடிய ஒரு டிப்பன் ரெசிபியை பார்க்க போகிறோம். அரிசியே சேர்க்க வேண்டாம் என்று நினைப்பவர்களுக்கு இதுப்போன்ற ரெசிபியை செய்து தரலாம். கோதுமை ரவை மற்றும் பயித்தம் பருப்பை வைத்து செய்யக்கூடிய ஊத்தப்பம் (Uttapam) தான் இந்தப் பதிவில் பார்க்க போகிறோம். இதோடு தொட்டுக் கொள்வதற்கு தக்காளி வேர்க்கடலை சட்னியும் எப்படி செய்வது என்று பார்க்கலாம். இந்த ஊத்தப்பம் மேலே கிரிஸ்பியாகவும், உள்ளே மிருதுவாகவும் சாப்பிட மிகவும் சுவையாக இருக்கும்.

கோதுமை ரவை பயித்தம் பருப்பு ஊத்தப்பம் செய்ய தேவையான பொருட்கள்:

பயித்தம் பருப்பு - 1 கப்

கோதுமை ரவை - 1 கப்

எண்ணெய் - 1 தேக்கரண்டி

கடுகு - 1/2 தேக்கரண்டி

சீரகம் - 1/2 தேக்கரண்டி

பச்சை மிளகாய் - 2 

பெருங்காயத்தூள் - 1/4 தேக்கரண்டி

வெங்காயம் - 1

கருவேப்பிலை - சிறிதளவு

உப்பு - தேவையான அளவு

சட்னி செய்ய தேவையான பொருட்கள்

எண்ணெய் - 1 தேக்கரண்டி

காய்ந்த மிளகாய் - 3

பெருங்காயம் - சிறிது

பச்சை மிளகாய் - 1

தக்காளி - 3

உப்பு - தேவையான அளவு

மஞ்சள் தூள் - சிறிதளவு

வேர்க்கடலை - 2 தேக்கரண்டி

கோதுமை ரவை பயித்தம்பருப்பு ஊத்தப்பம் செய்முறை விளக்கம்:

முதலில் பயித்தம் பருப்பு 1 கப் எடுத்து நன்றாக தண்ணீரில் கழுவி விட்டு 30 நிமிடம் ஊற வைத்துக் கொள்ளவும். ஊறியிருக்கும் பயித்தம் பருப்பில் இருக்கும் தண்ணீரை வடிகட்டிவிட்டு மிக்ஸியில் சேர்த்து தேவையான அளவு உப்பு சேர்த்து கொரகொரப்பாக அரைத்துக் கொள்ளவும். இதில் 1 கப் கோதுமை ரவையை சேர்த்து அரைத்து எடுத்துக் கொள்ளவும். இதை 15 நிமிடம் மூடி வைத்துவிடவும். 

இப்போது அடுப்பில் கடாயை வைத்து 1 தேக்கரண்டி எண்ணெய் விட்டு அதில் 1/2 தேக்கரண்டி கடுகு, 1/2 தேக்கரண்டி சீரகம், பெருங்காயத்தூள் சிறிது, பொடியாக நறுக்கிய பச்சை மிளகாய் 2, நறுக்கிய வெங்காயம் 1, கருவேப்பிலை சேர்த்து வதக்கி அதை அரைத்து வைத்திருக்கும் மாவில் சேர்த்து நன்றாக கலந்துக் கொள்ளவும். 

இப்போது அடுப்பில் தோசைக்கலை வைத்து சிறிது எண்ணெய் விட்டு ஊத்தப்ப மாவை சிறிது ஊற்றி மூடிப்போட்டு மூடி வேகவிட்டு எடுக்கவும். அவ்வளவு தான் சுவையான கோதுமை ரவை பயித்தம்  பருப்பு ஊத்தப்பம் தயார்.

இதற்கு தொட்டுக்கொள்ள தக்காளி வேர்க்கடலை சட்னி செய்ய, முதலில் கடாயில் 1 தேக்கரண்டி எண்ணெய் விட்டு காய்ந்த மிளகாய் 3, பச்சை மிளகாய் 1, பெருங்காயம் சிறிதளவு, தக்காளி 3, மஞ்சள் தூள் சிறிதளவு, உப்பு தேவையான அளவு, வறுத்த வேர்க்கடலை 2 தேக்கரண்டி சேர்த்து வதங்கியதும், இதை மிக்ஸியில் சிறிது தண்ணீர் விட்டு அரைத்து எடுத்தால் தக்காளி வேர்க்கடலை சட்னி தயார்.