Chanakiya| குழந்தைகளுக்கு பெற்றோர் செய்யவேண்டிய கடமைகள் என்னென்ன...? சாணக்கியர் கூறுவது இதுதான்!

சாணக்கியர் இந்தியாவில் வாழ்ந்த ஒரு சிறந்த அரசியல்வாதி மற்றும் ராஜதந்திரி ஆவார். இவர், அரசியல் மற்றும் பொருளாதாரம் ஆகியவற்றில் ஆழ்ந்த அறிவைக் கொண்டவர். பலரும் வாழ்க்கையில் சாணக்கியரின் நெறிமுறைகளை பின்பற்றுகின்றனர். அப்படி அவர் பெற்றோர்களின் கடமைகளை பற்றி விளக்கி கூறியுள்ளார். அதை பற்றி விரிவாக பார்க்கலாம்.

பூமிக்கு வந்த ஒவ்வொரு உயிரும் குறிப்பாக மனிதர்களுக்கு கடமை இருப்பதை வாழ்க்கை நமக்கு தெளிவுப்படுத்தி கொண்டே இருக்கும். அதுவும் ஒரு உயிரை ஈன்று அதை வளர்க்கும் வரை பெற்றோரே அதன் பொறுப்பாவார்கள்.

இன்றைய கால பெற்றோர்கள் பலரும் குழந்தை வளர்ப்பை பெரும் பாரமாக பார்க்கிறார்கள். அதில் நல்லதை ஆராய்கிறார்கள். குழந்தைகளை நன்றாக வளர்க்க வேண்டும் என்ற நோக்கத்திலும், கெட்ட பெயர் எடுத்துவிடக்கூடாது என்ற நோக்கத்திலும், மிகவும் பெர்ஃபெக்ட் அம்மா அப்பாவாக மாற விரும்புகிறார்கள். ஆனால் எல்லா நேரமும் குழந்தைகளுக்கு ஃபெர்ஃபெக்டாக இருக்க முடியாது.

சில நேரங்களில் குழந்தைகளை கண்டிக்க வேண்டிய சூழல் ஏற்படும். அதை நினைத்து வருந்தும் பெற்றோர்கள் கூட இருக்கிறார்கள். ஆனால் உண்மையில் கண்டிப்பது என்பது தவறானது அல்ல. கண்டிக்காமல் குழந்தைகளை வளர்ப்பது அவர்களுக்கு துணிச்சலை கொடுத்து விடும். ஆனால் அந்த கண்டித்தல், எந்த அளவு திட்டுதல், அடித்தல் என்பதே ஒவ்வொரு பெற்றோரிடமும் வேறுபடுகிறது. ஆனால் கண்டிப்பது இயல்பாகும்.

ஒவ்வொரு பெற்றோரும் தங்கள் குழந்தைகளை வளர்க்கும் விதம் அவர்களின் உணர்ச்சி, சமூக மற்றும் அறிவாற்றல் வளர்ச்சியில் ஆழமான தாக்கத்தை ஏற்படுத்துகிறது. ஒவ்வொரு பெற்றோரும் குழந்தை வளர்ப்பை வெவ்வேறு முறைகளில் கையாளுவார்கள். ஆனால் இறுதியில் அனைத்து பெற்றோர்களின் ஆசையும் குழந்தையை எப்படியாவது நல்ல முறையில் வளர்த்து விட வேண்டும் என்பது தான்.

ஒவ்வொரு குழந்தைகளும் எதிர்கால தலைமுறை ஆவார்கள். அவர்கள் சிறு புள்ளி ஆவதும், பெரிய புள்ளி ஆவதும் பெற்றோர்கள் இன்று போடும் விதையில் தான் தொடங்குகிறது.

அப்படி சாணக்கியர் பெற்றோர்களுக்குரிய கடமைகள் என்னென்னவென்று கூறியுள்ளார்.

கல்வியின் முக்கியத்துவம்:

பெற்றோரின் மிகப்பெரிய கடமை குழந்தைகளுக்கு சரியான கல்வியை வழங்குவதே ஆகும். கல்வி என்பது வெறும் புத்தக அறிவு மட்டுமல்ல அது வாழ்க்கையின் வழிகாட்டி என்றும் சாணக்கியர் விளக்குகிறார்.

நற்பண்புகளை வழங்குதல்:

குழந்தைகளின் குணநலன்களை உருவாக்கும் பொறுப்பு பெற்றோருடையது. உண்மை, நேர்மை, பொறுமை மற்றும் கடமையுணர்வு போன்ற பாடங்களை சிறுவயதில் இருந்தே குழந்தைகளுக்கு கற்பிக்க வேண்டும்.

சரியான வழிகாட்டுதல்:

பெற்றோர்கள் தங்கள் குழந்தைகளை சரியான திசையில் வழிநடத்த வேண்டும். தவறான பழக்கங்களை கட்டுப்படுத்தி நல்ல விஷயங்களை பின்பற்ற அவர்களை ஊக்குவிக்க வேண்டும்.

பணத்தின் முக்கியத்துவம்:

பெற்றோர் தங்களது குழந்தைகளுக்கு பணத்தின் முக்கியத்துவம் மற்றும் அதை புத்திசாலித்தனமாக பயன்படுத்துவதை கற்று கொடுக்க வேண்டும். பணமே வாழ்க்கையில் மிகப்பெரிய தேவையாக மாறியுள்ளது. எனவே சேமிப்பு பழக்கத்தை கற்றுகொடுப்பதும் அவசியமாகும்.

சமூகத்துடன் ஒத்து வாழுதல்:

குழந்தைகளை நன்றாக படிக்க வைத்து, நற்பண்புகளை கொடுத்தாலும் சமூகத்தில் அவர்கள் எப்படி வாழ்கிறார்கள் என்பது முக்கியம். எனவே மக்களுடன் ஒத்து வாழவும், கருணை, மரியாதை, அன்பு கொடுப்பதை உறுதி செய்ய வேண்டும்.