ஜோக்ஸ்; எலியைப் பாத்தெல்லாம் நான் பயப்பட மாட்டேன்!

“உங்க கணவர் உங்ககிட்ட பயங்கரமா நடிப்பார் போலிருக்கே?”

“எப்படிச் சொல்றீங்க?”

“ஓபன் ஹார்ட் சர்ஜரி பண்ணும்போது இதயத்துல இருக்கற என் மனைவிக்கு காயம்படாம பண்ணுங்க டாக்டர்னு சொன்னாரே!”

*********************************

“கொஞ்ச நாளைக்கு கட்சியை விட்டு ஒதுங்கி இருக்கலாம்னு நினைக்கிறேன்யா!”

“நல்ல முடிவு தலைவரே... இல்லைன்னா கட்சி மேலிடம் உங்களைக் கட்சியைவிட்டே ஒதுக்கிடுவாங்க!”

*********************************

“இது மாதிரி என்கிட்டே தொடர்ந்து சண்டை போட்டுக்கிட்டே இருந்தா ஒருநாள் மிருகமா மாறிவிடுவேன் ஜாக்கிரதை.”

“அட நீங்க வேற... எலியைப் பாத்தெல்லாம் நான் பயப்பட மாட்டேன்.”

*********************************

“ஆறு மாசத்துக்கு முன்னால நீங்க அந்தக் கட்சியிலிருந்து விலகினது நல்லதாப் போச்சு தலைவரே?”

“என்னடா சொல்ற?”

“இப்போ அந்தக் கட்சி நல்லா வளர்ச்சி அடைஞ்சிருக்கு.”

*********************************

“எங்க வீட்டுக்கு வந்த திருடன், கையில ஆசிட் எடுத்திட்டு வந்திருந்தான் சார்!”

“பீரோ சாவி தரலைன்னா, உங்க மேல ஊத்தலாம்னா?”

“இல்லை சார்... எங்க வீட்டு நகைகளோட தரத்தை செக் பண்ண சார்!”

*********************************

“தேர்தல் விதிகளை நீங்க மதிக்காமல் நடந்துக்க என்ன காரணம்?”

“நான் பகுத்தறிவுவாதி யுவரானர்... எந்த விதியையும் நான் நம்பமாட்டேன்.”