ஜோக்ஸ்; விலகிடுவேன் இல்ல தலைவரே, விலக்கிடுவாங்க!

தண்ணிக்கஷ்டம்  தீர எங்க வீட்ல உடனே கிணறு தோண்டணும்னு இவர்தான் சொன்னார்!

யார் இவர்?

என்னோட 'வெல்' விஷர்!

*********************************************

செல்ஃப் சர்வீஸ் னு ஹோட்டல்ல போர்டு வச்சது தப்பாப் போச்சு!

என்னாச்சு?

கல்லாவுல காசையே காணோம்!

*********************************************

இந்த முறையும் நான் தேர்தல்ல நான் தோத்துப்போனா கட்சியை

விட்டு விலகிடுவேன்!

விலகிடுவேன் அல்ல தலைவரே, விலக்கிடுவாங்க!

*********************************************

என்ன ராப்பிச்சை, நாயையும் கூட்டிட்டு வந்திருக்கே?

நல்ல சாப்பாடா ஊசிப்போன சாப்பாடான்னு இது 

மோப்பம் பிடிச்சிடும் தாயீ!

*********************************************

'நூறு நாள் ஓடின படம்'னு போஸ்டர் வச்சிருக்காங்களே, படம் அவ்வளவு நல்லா இருக்குமா?

அட நீங்க வேற, படத்தோட டைட்டிலே அது தாங்க!

*********************************************

பொண்ணு பார்க்க வந்த மாப்பிள்ளை ஃ பைனான்ஸ் கம்பெனியில வேலை செய்யறவர்னு எப்படிச் சொல்றே?

பொண்ணுக்கு பாடத்தெரியுமான்னு கேட்காம, பொண்ணுக்கு ஓடத்  தெரியுமான்னு கேட்கிறாரே!

*********************************************

தலைவர் மேடையில ரொம்ப பயத்தோட பேசுவார்!

பேச்சு நல்லா வரணும்னா?

பேசிட்டு நல்லபடியா வரணும்னு!

*********************************************

எதிரி நாட்டு மன்னனின் தலையை சீவிவிட்டு வரச்சொல்லி மகாராணி  சொன்னதை மன்னர் தப்பாக புரிந்துகொண்டு விட்டார்!

எப்படிச் சொல்றே?

போர்க்களத்துக்கு சீப்பை எடுத்துக்கொண்டு போறாரே?

*********************************************

நீங்க செஞ்சதை சொல்லி ஓட்டு கேளுங்க தலைவரே!

ஊழல் செஞ்சதை சொல்லி ஓட்டு கேட்டா அடிக்க வருவாங்களேய்யா!

*********************************************

இங்கு வந்தால் இங்கிலிஷ்ல பேச சுலபமாக கற்றுத் தரப்படும்னு

போர்டு மாட்டியிருக்கே, டியூஷன் சென்டரா?

டாஸ்மாக் கடை!

*********************************************

அந்தக் கட்சித்தலைவர் ரொம்ப வெளிப்படையானவர்!

அதுக்காக உண்ணாவிரதப்போராட்டம் சுவையான பிரியாணியுடன் நடத்தப்படும்னா போர்டு வைக்கிறது?

*********************************************

டியர்! நான் உன்னை காதலிக்கறதுக்கு முன்னாடி நீ வேறு யாரையாவது  காதலிச்சிருக்கியா?

இப்படி திடீர்னு கேட்டா எப்படிங்க, எண்ணிப் பார்க்க கொஞ்சம் சாவகாசம் தாங்க!