பயண அனுபவம்.-பத்மினி பட்டாபிராமன்.ஆடம்பர அரண்மனைகளின் நகரம்.ஆஸ்ட்ரியாவின் தலைநகரம் வியன்னாவின் புகழ் பெற்ற 'ஹோபர்க்' அரண்மனையில் எத்தனை அறைகள்? என்ற கேள்விக்கு என்னால் நூறு என்பதைத் தாண்டி சிந்திக்க முடியவில்லை. ஆனால் எங்கள் கைட், "இது அரச வம்சத்தின் குளிர் கால அரண்மனை, இங்கே மொத்தம் 2600 அறைகள் உள்ளன," என்றார்..அடேயப்பா… அரண்மனையைப் பார்க்கப் போகிறோமே… அத்தனை அறைகளையும் சுற்றிப் பார்க்க முடியுமா? எத்தனை நாட்கள் வேண்டும்? என்று பிரமித்தோம்..ஹோபர்க் பேலஸ் (Hofburg Palace).அந்த பிரமிப்பு பல மடங்கு அதிகமாகியது, அந்த அரண்மனையை அடைந்த போது. 59 ஏக்கரில் பரந்து விரிந்திருக்கும் இந்த அரண்மனை வளாகம். உலகின் மிகச் சில பிரம்மாண்டமான அரண்மனை வளாகங்களில் ஒன்று இது. 13 ஆம் நூற்றாண்டில் கட்டப்பட்டது. இம்பீரியல் பேலஸ் என்றும் சொல்லப்படுகிறது. இதற்குள் 18 கட்டிட வளாகங்களும், 19 முற்றங்களும் (courtyards), 2600 அறைகளும் இருக்கின்றன..யார் இந்த அரச வம்சம்?.1282 ல் முதலாம் ருடால்ஃப் அரசர் ஆட்சியிலிருந்து துவங்கி, 1918 வரை ஆண்டு வந்திருக்கிறார்கள் ஹேப்ஸ்பர்க் அரச வம்சத்தினர் (Hapsburg dynasty). இவர்களது அரண்மனைகள் மிக பிரம்மாண்டமானவை. கோடை காலத்திற்கும் குளிர் காலத்திற்கும் வாசம் செய்ய தனித் தனியாக கட்டப் பட்டவை. இப்போது அரசர் ஆட்சி இல்லையென்றாலும், அரச குடும்பத்தினரிடம் மக்களுக்கு பெரும் மதிப்பும் மரியாதையும் உள்ளது..ராஜ வம்சத்தில் இன்றிருக்கும் அரசரின் பெயர் 'கார்ல் வான் ஹேப்ஸ்பர்க்' (Karl von Habsburg) இன்று இந்த அரண்மனை ஆஸ்ட்ரியன் ஃபெடரல் குடியரசுத் தலைவரின் இருப்பிடமாக இருப்பதுடன், வரலாறு கூறும் மியூசியம்கள், இம்பீரியல் அபார்ட்மென்ட்ஸ், என்று பல பகுதி்களை நாம் வளாகத்திற்குள் பார்க்க முடிகிறது. அறைகளைப் பார்க்க வேண்டும் என்றால், அது தற்போது இயலாது. ஏனெனில், அவை இப்போது அரசாங்கத்தின் நிர்வாக அலுவலகங்கள். அனுமதி கிடைக்காது. எனவே கோடைகால பேலஸ் சென்று அங்கே அறைகளை பார்த்தோம்..அழகிய வசந்தம் (Schönbrunn Palace).வியன்னாவின் அடையாளமாக, சுற்றுலாத்தலமாக இன்று இருக்கும் இந்த அரண்மனை, அரச குடும்பத்தினரின் கோடை கால வாசஸ்தலம்.ஹேப்ஸ்பர்க் அரச வம்சத்தின் மிகப் புகழ் பெற்ற மகாராணி 'மரிய தெரச'' ஆட்சி செய்த அரண்மனை. இது 1700 ல் கட்டி முடிக்கப்பட்டது. 1918 ஆம் ஆண்டு வரை அரச வம்சத்தினரின் கோடை கால வசிப்பிடமாக இருந்து வந்திருக்கிறது..'ஸ்கான்ப்ரன்' என்றால் அழகிய வசந்தம் என்று பொருளாம். அங்கே, சுமார் 300 வருடங்களாக பராமரிக்கப்பட்டு வரும் பிரம்மாண்டமான தோட்டத்தில், ஐரோப்பாவின் புகழ் பெற்ற சிற்பக் கலைஞர்களால் வடிவமைக்கப் பட்ட 50 க்கும் மேற்பட்ட அரசர்கள், அரசிகளின் சிலைகள் ஆங்காங்கே வைக்கப்பட்டுள்ளன..தவிர 'ஸ்பிங்க்ஸ்' வடிவில் சிங்கத் தலையும், அரசியின் உடலும் கொண்ட சிலைகள் வித்தியாசமாக இருக்கின்றன. நீரூற்றுக்கள், 'க்ரவுன் ப்ரின்ஸ் கார்டன்' 'ஆரஞ்சரி கார்டன் என்ற பெயர்களில் இங்கே தோட்டங்களும் உள்ளன. இங்கே ஒரு தோட்டத்தின் நடுவே சற்று உயரத்தில் எழுப்பப் பட்ட ஒரு அழகிய மாளிகை கூட இருக்கிறது. இது பார்ப்போர் கண்ணைக் கவரும் விதமாக அமைந்திருந்தது..இது தவிர, உள்ளேயே நெடுங்காலமாக பராமரிக்கப் படும் மிருகக்காட்சி சாலை, மியூசியம், நூலகம் என சகலமும் உள்ளே இருக்கின்றன..பேரரசி மரிய தெரசா.புகழ் பெற்ற பேரரசி மரிய தெரசா 1740 லிருந்து 40 ஆண்டுகள் ஆட்சி செய்தார். இவர் ஆஸ்ட்ரியா, ஹங்கேரி, பொஹிமியா உட்பட சுமார் 12 நாடுகளின் பேரரசியாக இருந்து இங்கே பல முன்னேற்றங்களைக் கொண்டு வந்த மகாராணி..அரண்மனைக்குள் மரிய தெரசாவின் தனி இருப்பிடம், அலங்காரமான ஃபர்னிச்சர்கள், ஓவியங்கள், அலங்கரக் கட்டில்கள், படுக்கைகள், தங்க சிம்மாசனங்கள், அலங்காரக் கண்ணாடிகள், தங்க கடிகாரங்கள்,அவரது குழந்தைகளின் படங்கள், என்று பிரமிப்பைத் தருகிறது..பின்னாளில் அவர் தன் இருப்பிடத்தை மாற்றிக் கொண்டு, இந்த அறை முழுவதும் அற்புதமான இயற்கைக் காட்சிகளை வரைந்து வைத்திருந்தார். அதற்குள் செல்லும் போது ஏதோ கனவுலகில் செல்வது போல் பிரமை ஏற்பட்டது. இன்றும் வியன்னாவின் பல தெருக்கள், சதுக்கங்கள் எங்கும் மரிய தெரசா என்ற பெயரைப் பார்க்கலாம்..1441 அறைகளில் 45 மட்டுமே பார்வையாளர்களுக்கு அனுமதி அளிக்கப் பட்டுள்ளது. அவற்றை சுற்றிப் பார்க்கவே இரண்டு மணி நேரத்திற்கு மேல் ஆகிறது. எல்லா அறைகளிலுமே ஓவியங்கள், கடிகாரங்கள், தங்க விளிம்பிட்ட அலங்காரக் கட்டில்கள், நாற்காலிகள் என்று இந்த மாளிகை ஆடம்பரத்தின் எல்லை..இங்கே கடைசியாக, ஃப்ரான்ஸ் ஜோசப் என்ற அரசர் நீண்ட காலம் வசித்து 1916 ல் காலமானார். பின்னர் இந்த அரண்மனை, அச்சமயம் உருவாகியிருந்த ஆஸ்ட்ரிய குடியரசு நாட்டின் வசம் வந்தது..பெல்வெடேர் அரண்மனை.இதைத் தவிர 1902ல், யூஜீன் (Prince Eugene) இளவரசரால் கட்டப்பட்ட கோடை கால 'பெல்வெடேர் அரண்மனையும்' (Belvedere Palace) வியன்னாவின் முக்கியமான சுற்றுலாத்தலங்களில் ஒன்று.ஓவியங்கள் நிறைந்த மியூசியம், நட்சத்திர விடுதிபோல தங்கும் ஆடம்பர அறைகள் இருந்தாலும் இது மற்றதை விட சிறியதுதான்..மலை ஏறினால் மரம் நடுக..டானுபே (Danube river) நதிக்கரையில் அமைந்த 'வியன்னா' அதன் பாரம்பரிய ஐரோப்பிய கலாசாரத்திற்கு பெயர் பெற்றது. அவர்கள் உச்சரிப்பில் இந்த நகரம் 'வீன்' என அழைக்கப் படுகிறது..இந்த நகரத்தில் உள்ள ஆஸ்ட்ரியன் ஆல்ப்ஸ் மலைக்கு, பனிச்சறுக்கு மலை ஏற நிறைய பேர் வருகின்றன. இங்கே குளிர்கால ஒலிம்பிக்ஸ் போட்டிகள் இரன்டு முறை நடைபெற்றுள்ளன. மலை ஏறும் குழுவினர், ஆல்ப்ஸ் வளம் காக்க, நிறைய மரக்கன்றுகளை எடுத்துச் சென்று நட வேண்டுமாம்..வியன்னாவின் வேறு சுற்றுலாத்தலங்கள்..ஐரோப்பிய நாடுகளின் கட்டிடக்கலையின் மொத்த சிறப்பையும் காட்டும் இவர்களது பார்லிமென்ட் ஹவுஸ் அழகோ அழகு. இங்கே நாங்கள் இறங்கிய போது கொட்டியது மழை. மழை விட்டதும் ஒரு ரவுண்ட் அடித்து விட்டு , ஃபோட்டோக்கள், வீடியோ எடுத்த பின், எங்களது அடுத்த நகர்வு சிட்டி ஹால்..அனேகமாக ஐரோப்பிய நாடுகளில் தவறாமல் இருக்கும் சிட்டி ஹால்கள் எல்லாமே கூர் உச்சி கோபுரங்களாகத்தான் இருக்கின்றன. இதற்குள், முனிசிபல் அலுவலகங்கள், கான்சர்ட் ஹால்கள், கான்ஃபரன்ஸ் கூடங்கள் என்று வழக்கமான சிட்டி ஹால் போன்ற அமைப்பு தான்தான் இதுவும். 'ஸ்டெபன்ஸ்ப்ளாட்ஸ்' (Stephansplatz) என்பது தலைநகரின் சிட்டி சென்டர்.இங்கே ஒவ்வொரு இடத்தின் பெயரையும் உச்சரிப்பதற்குள் படாத பாடு பட வேண்டியிருக்கிறது. இவர்களின் தாய் மொழி வியன்னீஸ் ஜெர்மன். அனேகமாக ஜெர்மானிய மொழிதான்.ஆங்கிலம் தெரிந்திருந்தால் ஓரளவு சமாளிக்கலாம்..இதன் நடுவில் இருக்கும் 'மதர் சர்ச் ஆஃப் ரோமன் கத்தோலிக் கதீட்ரல்,' உலகின் மிக உயரமான கதீட்ரல்களில் ஒன்று. இதுவும் கூர் உச்சி கோபுரங்கள் கொண்டதுதான். 12 நூற்றாண்டில் லைம்ஸ்டோன் கற்களால் கட்டப்பட்டது..இதன் அருகே இருக்கும் க்ரேபன் ஸ்ட்ரீட் (Graben) வியன்னாவின் மிகப் பெரிய ஷாப்பிங் ஏரியா. இங்கே எங்களால் வழக்கமான சாவனீர்கள் தான் வாங்க முடிந்தது. அனேகமாக சைனீஸ் தயாரிப்புக்கள் தான் அவை.இங்கே இருக்கின்ற சுத்தமான தெருக்கள், நடுவே ட்ராம் லைன்களும், அதன் மேலே வளைந்து ஓடும் ட்ராம்களும், பார்ப்பதற்கே வெகு அழகாக இருந்தது. பெரும்பாலானோர் சைக்கிளில் சென்றார்கள் . இங்கும் கரன்ஸி யூரோதான்.எங்கள் உல்லாசப் பயணத்தை இனிதே முடித்து, வியன்னாவில் உள்ள 'இண்டியன் வில்லேஜ்' என்னும் இந்திய உணவு விடுதியில் பிட்சா சாப்பிட்டுவிட்டு, அங்கே நாங்கள் தங்கியிருந்த 'NH Airport' ஹோட்டலுக்குத் திரும்பினோம்..மூன்று லட்சம் வருடங்களுக்கு முன், அதாவது பழைய கற்காலத்தில் மனித குல முன்னோடிகள் வாழ்ந்த ஒரு நாட்டிற்கு, அவர்கள் செதுக்கிய கூரான கல் ஆயுதங்கள் பல கிடைத்த ஒரு நாட்டிற்குதான் அடுத்து செல்லப் போகிறாம்… காத்திருங்கள்..(தொடர்ந்து பயணிப்போம்)
பயண அனுபவம்.-பத்மினி பட்டாபிராமன்.ஆடம்பர அரண்மனைகளின் நகரம்.ஆஸ்ட்ரியாவின் தலைநகரம் வியன்னாவின் புகழ் பெற்ற 'ஹோபர்க்' அரண்மனையில் எத்தனை அறைகள்? என்ற கேள்விக்கு என்னால் நூறு என்பதைத் தாண்டி சிந்திக்க முடியவில்லை. ஆனால் எங்கள் கைட், "இது அரச வம்சத்தின் குளிர் கால அரண்மனை, இங்கே மொத்தம் 2600 அறைகள் உள்ளன," என்றார்..அடேயப்பா… அரண்மனையைப் பார்க்கப் போகிறோமே… அத்தனை அறைகளையும் சுற்றிப் பார்க்க முடியுமா? எத்தனை நாட்கள் வேண்டும்? என்று பிரமித்தோம்..ஹோபர்க் பேலஸ் (Hofburg Palace).அந்த பிரமிப்பு பல மடங்கு அதிகமாகியது, அந்த அரண்மனையை அடைந்த போது. 59 ஏக்கரில் பரந்து விரிந்திருக்கும் இந்த அரண்மனை வளாகம். உலகின் மிகச் சில பிரம்மாண்டமான அரண்மனை வளாகங்களில் ஒன்று இது. 13 ஆம் நூற்றாண்டில் கட்டப்பட்டது. இம்பீரியல் பேலஸ் என்றும் சொல்லப்படுகிறது. இதற்குள் 18 கட்டிட வளாகங்களும், 19 முற்றங்களும் (courtyards), 2600 அறைகளும் இருக்கின்றன..யார் இந்த அரச வம்சம்?.1282 ல் முதலாம் ருடால்ஃப் அரசர் ஆட்சியிலிருந்து துவங்கி, 1918 வரை ஆண்டு வந்திருக்கிறார்கள் ஹேப்ஸ்பர்க் அரச வம்சத்தினர் (Hapsburg dynasty). இவர்களது அரண்மனைகள் மிக பிரம்மாண்டமானவை. கோடை காலத்திற்கும் குளிர் காலத்திற்கும் வாசம் செய்ய தனித் தனியாக கட்டப் பட்டவை. இப்போது அரசர் ஆட்சி இல்லையென்றாலும், அரச குடும்பத்தினரிடம் மக்களுக்கு பெரும் மதிப்பும் மரியாதையும் உள்ளது..ராஜ வம்சத்தில் இன்றிருக்கும் அரசரின் பெயர் 'கார்ல் வான் ஹேப்ஸ்பர்க்' (Karl von Habsburg) இன்று இந்த அரண்மனை ஆஸ்ட்ரியன் ஃபெடரல் குடியரசுத் தலைவரின் இருப்பிடமாக இருப்பதுடன், வரலாறு கூறும் மியூசியம்கள், இம்பீரியல் அபார்ட்மென்ட்ஸ், என்று பல பகுதி்களை நாம் வளாகத்திற்குள் பார்க்க முடிகிறது. அறைகளைப் பார்க்க வேண்டும் என்றால், அது தற்போது இயலாது. ஏனெனில், அவை இப்போது அரசாங்கத்தின் நிர்வாக அலுவலகங்கள். அனுமதி கிடைக்காது. எனவே கோடைகால பேலஸ் சென்று அங்கே அறைகளை பார்த்தோம்..அழகிய வசந்தம் (Schönbrunn Palace).வியன்னாவின் அடையாளமாக, சுற்றுலாத்தலமாக இன்று இருக்கும் இந்த அரண்மனை, அரச குடும்பத்தினரின் கோடை கால வாசஸ்தலம்.ஹேப்ஸ்பர்க் அரச வம்சத்தின் மிகப் புகழ் பெற்ற மகாராணி 'மரிய தெரச'' ஆட்சி செய்த அரண்மனை. இது 1700 ல் கட்டி முடிக்கப்பட்டது. 1918 ஆம் ஆண்டு வரை அரச வம்சத்தினரின் கோடை கால வசிப்பிடமாக இருந்து வந்திருக்கிறது..'ஸ்கான்ப்ரன்' என்றால் அழகிய வசந்தம் என்று பொருளாம். அங்கே, சுமார் 300 வருடங்களாக பராமரிக்கப்பட்டு வரும் பிரம்மாண்டமான தோட்டத்தில், ஐரோப்பாவின் புகழ் பெற்ற சிற்பக் கலைஞர்களால் வடிவமைக்கப் பட்ட 50 க்கும் மேற்பட்ட அரசர்கள், அரசிகளின் சிலைகள் ஆங்காங்கே வைக்கப்பட்டுள்ளன..தவிர 'ஸ்பிங்க்ஸ்' வடிவில் சிங்கத் தலையும், அரசியின் உடலும் கொண்ட சிலைகள் வித்தியாசமாக இருக்கின்றன. நீரூற்றுக்கள், 'க்ரவுன் ப்ரின்ஸ் கார்டன்' 'ஆரஞ்சரி கார்டன் என்ற பெயர்களில் இங்கே தோட்டங்களும் உள்ளன. இங்கே ஒரு தோட்டத்தின் நடுவே சற்று உயரத்தில் எழுப்பப் பட்ட ஒரு அழகிய மாளிகை கூட இருக்கிறது. இது பார்ப்போர் கண்ணைக் கவரும் விதமாக அமைந்திருந்தது..இது தவிர, உள்ளேயே நெடுங்காலமாக பராமரிக்கப் படும் மிருகக்காட்சி சாலை, மியூசியம், நூலகம் என சகலமும் உள்ளே இருக்கின்றன..பேரரசி மரிய தெரசா.புகழ் பெற்ற பேரரசி மரிய தெரசா 1740 லிருந்து 40 ஆண்டுகள் ஆட்சி செய்தார். இவர் ஆஸ்ட்ரியா, ஹங்கேரி, பொஹிமியா உட்பட சுமார் 12 நாடுகளின் பேரரசியாக இருந்து இங்கே பல முன்னேற்றங்களைக் கொண்டு வந்த மகாராணி..அரண்மனைக்குள் மரிய தெரசாவின் தனி இருப்பிடம், அலங்காரமான ஃபர்னிச்சர்கள், ஓவியங்கள், அலங்கரக் கட்டில்கள், படுக்கைகள், தங்க சிம்மாசனங்கள், அலங்காரக் கண்ணாடிகள், தங்க கடிகாரங்கள்,அவரது குழந்தைகளின் படங்கள், என்று பிரமிப்பைத் தருகிறது..பின்னாளில் அவர் தன் இருப்பிடத்தை மாற்றிக் கொண்டு, இந்த அறை முழுவதும் அற்புதமான இயற்கைக் காட்சிகளை வரைந்து வைத்திருந்தார். அதற்குள் செல்லும் போது ஏதோ கனவுலகில் செல்வது போல் பிரமை ஏற்பட்டது. இன்றும் வியன்னாவின் பல தெருக்கள், சதுக்கங்கள் எங்கும் மரிய தெரசா என்ற பெயரைப் பார்க்கலாம்..1441 அறைகளில் 45 மட்டுமே பார்வையாளர்களுக்கு அனுமதி அளிக்கப் பட்டுள்ளது. அவற்றை சுற்றிப் பார்க்கவே இரண்டு மணி நேரத்திற்கு மேல் ஆகிறது. எல்லா அறைகளிலுமே ஓவியங்கள், கடிகாரங்கள், தங்க விளிம்பிட்ட அலங்காரக் கட்டில்கள், நாற்காலிகள் என்று இந்த மாளிகை ஆடம்பரத்தின் எல்லை..இங்கே கடைசியாக, ஃப்ரான்ஸ் ஜோசப் என்ற அரசர் நீண்ட காலம் வசித்து 1916 ல் காலமானார். பின்னர் இந்த அரண்மனை, அச்சமயம் உருவாகியிருந்த ஆஸ்ட்ரிய குடியரசு நாட்டின் வசம் வந்தது..பெல்வெடேர் அரண்மனை.இதைத் தவிர 1902ல், யூஜீன் (Prince Eugene) இளவரசரால் கட்டப்பட்ட கோடை கால 'பெல்வெடேர் அரண்மனையும்' (Belvedere Palace) வியன்னாவின் முக்கியமான சுற்றுலாத்தலங்களில் ஒன்று.ஓவியங்கள் நிறைந்த மியூசியம், நட்சத்திர விடுதிபோல தங்கும் ஆடம்பர அறைகள் இருந்தாலும் இது மற்றதை விட சிறியதுதான்..மலை ஏறினால் மரம் நடுக..டானுபே (Danube river) நதிக்கரையில் அமைந்த 'வியன்னா' அதன் பாரம்பரிய ஐரோப்பிய கலாசாரத்திற்கு பெயர் பெற்றது. அவர்கள் உச்சரிப்பில் இந்த நகரம் 'வீன்' என அழைக்கப் படுகிறது..இந்த நகரத்தில் உள்ள ஆஸ்ட்ரியன் ஆல்ப்ஸ் மலைக்கு, பனிச்சறுக்கு மலை ஏற நிறைய பேர் வருகின்றன. இங்கே குளிர்கால ஒலிம்பிக்ஸ் போட்டிகள் இரன்டு முறை நடைபெற்றுள்ளன. மலை ஏறும் குழுவினர், ஆல்ப்ஸ் வளம் காக்க, நிறைய மரக்கன்றுகளை எடுத்துச் சென்று நட வேண்டுமாம்..வியன்னாவின் வேறு சுற்றுலாத்தலங்கள்..ஐரோப்பிய நாடுகளின் கட்டிடக்கலையின் மொத்த சிறப்பையும் காட்டும் இவர்களது பார்லிமென்ட் ஹவுஸ் அழகோ அழகு. இங்கே நாங்கள் இறங்கிய போது கொட்டியது மழை. மழை விட்டதும் ஒரு ரவுண்ட் அடித்து விட்டு , ஃபோட்டோக்கள், வீடியோ எடுத்த பின், எங்களது அடுத்த நகர்வு சிட்டி ஹால்..அனேகமாக ஐரோப்பிய நாடுகளில் தவறாமல் இருக்கும் சிட்டி ஹால்கள் எல்லாமே கூர் உச்சி கோபுரங்களாகத்தான் இருக்கின்றன. இதற்குள், முனிசிபல் அலுவலகங்கள், கான்சர்ட் ஹால்கள், கான்ஃபரன்ஸ் கூடங்கள் என்று வழக்கமான சிட்டி ஹால் போன்ற அமைப்பு தான்தான் இதுவும். 'ஸ்டெபன்ஸ்ப்ளாட்ஸ்' (Stephansplatz) என்பது தலைநகரின் சிட்டி சென்டர்.இங்கே ஒவ்வொரு இடத்தின் பெயரையும் உச்சரிப்பதற்குள் படாத பாடு பட வேண்டியிருக்கிறது. இவர்களின் தாய் மொழி வியன்னீஸ் ஜெர்மன். அனேகமாக ஜெர்மானிய மொழிதான்.ஆங்கிலம் தெரிந்திருந்தால் ஓரளவு சமாளிக்கலாம்..இதன் நடுவில் இருக்கும் 'மதர் சர்ச் ஆஃப் ரோமன் கத்தோலிக் கதீட்ரல்,' உலகின் மிக உயரமான கதீட்ரல்களில் ஒன்று. இதுவும் கூர் உச்சி கோபுரங்கள் கொண்டதுதான். 12 நூற்றாண்டில் லைம்ஸ்டோன் கற்களால் கட்டப்பட்டது..இதன் அருகே இருக்கும் க்ரேபன் ஸ்ட்ரீட் (Graben) வியன்னாவின் மிகப் பெரிய ஷாப்பிங் ஏரியா. இங்கே எங்களால் வழக்கமான சாவனீர்கள் தான் வாங்க முடிந்தது. அனேகமாக சைனீஸ் தயாரிப்புக்கள் தான் அவை.இங்கே இருக்கின்ற சுத்தமான தெருக்கள், நடுவே ட்ராம் லைன்களும், அதன் மேலே வளைந்து ஓடும் ட்ராம்களும், பார்ப்பதற்கே வெகு அழகாக இருந்தது. பெரும்பாலானோர் சைக்கிளில் சென்றார்கள் . இங்கும் கரன்ஸி யூரோதான்.எங்கள் உல்லாசப் பயணத்தை இனிதே முடித்து, வியன்னாவில் உள்ள 'இண்டியன் வில்லேஜ்' என்னும் இந்திய உணவு விடுதியில் பிட்சா சாப்பிட்டுவிட்டு, அங்கே நாங்கள் தங்கியிருந்த 'NH Airport' ஹோட்டலுக்குத் திரும்பினோம்..மூன்று லட்சம் வருடங்களுக்கு முன், அதாவது பழைய கற்காலத்தில் மனித குல முன்னோடிகள் வாழ்ந்த ஒரு நாட்டிற்கு, அவர்கள் செதுக்கிய கூரான கல் ஆயுதங்கள் பல கிடைத்த ஒரு நாட்டிற்குதான் அடுத்து செல்லப் போகிறாம்… காத்திருங்கள்..(தொடர்ந்து பயணிப்போம்)
