"என்ன சொன்னாள்?"

''மறுபடி உனக்கு வேண்டி வந்தால் யாரிடம் போய்க் கேட்பாய்? உன்னிடமே இருக்கட்டும் அது. என்கிட்டே வேறு ஒரு பிளாஸ்க் இருக்கிறது என்றாள்."

இன்னும் வேறு என்னென்ன திருப்பிக் கொடுக்காத அந்நியப் பொருள்கள் இருக்கின்றன என்று சுற்று முற்றும் பார்த்தேன்.

நாலு செல் டார்ச்! போன வாரம் கரண்ட் போனபோது மிஸஸ் ஜெயராமிடமிருந்து வாங்கியது!

"இன்னுமா டார்ச்சைத் திருப்பிக் கொடுக்கவில்லை?"

"எதற்குக் கூச்சல், கூப்பாடு எல்லாம் இப்போது? நாம் என்ன திருடிக்கொண்டா வந்து விட்டோம்? கரண்ட் ஒரு நாள் விட்டு ஒருநாள், அதிகாலையிலும் ராத்திரியிலும் போகிறது. ஒவ்வொரு தடவையுமா போய் அவளிடம் வாங்கிக்கொண்டு வர முடியும்?”

இவளை ஒன்றும் செய்ய முடியாது. சண்டை போட்டால், ரசாபாசமாகி விடும்.

இவள் குணத்தைத் திருத்த என்ன செய்யலாம் என்று நண்பனிடம் விசாரித்தேன்.

"ஒன்று செய் உன் மனைவி பக்கத்து வீடு,கீழ் வீடு, எதிர் வீடு, மேல் வீட்டி லிருந்தெல்லாம் கொண்டு வந்திருக்கும் பொருள்களை ஒரு எக்ஸிபிஷன் மாதிரி வை. ஐடியல் ஹோம் எக்ஸிபிஷன் மாதிரி இருக்கும். பலருக்கு உபயோகமாக பல ஐடியாக்கள் தோன்றும்!”

போயும் போயும் அவனைப் போய் யோசனை கேட்டேனே என்று நொந்துகொண்டேன். எக்ஸிபிஷனில் வைப்பதற் கென்றே சுற்று வட்டாரத்தில் எட்டு, பத்து வீடுகளிலிருந்து மேலும் பல பொருட்களை வாங்கி வந்துவிடுவாள் என் மனைவி என்பது அவனுக்கு எங்கே தெரியப் போகிறது!

பின்குறிப்பு:-

கல்கி 15 நவம்பர் 1992 இதழில் வெளியானது இச்சிறுகதை. இங்கு கல்கி ஆன்லைன் களஞ்சியத்திலிருந்து மீண்டும் வெளியிடப்பட்டுள்ளது. சில விஷயங்கள் நமக்கு நன்கு அறிமுகமாகி யிருந்தாலும், தெரிந்திருந்தாலும்... அவற்றை நாம் மீண்டும் மீண்டும் படித்து பயனடையக்கூடிய தகவல்களாக... எவர்க்ரீன் செய்திகளாக நினைவுபடுத்திக் கொள்வது நல்லதுதானே !

- ஆசிரியர், கல்கி ஆன்லைன்

அம்பாள் அருள் பெற்ற அன்பர்கள் Day 9 Spiritual Discourse by Bhuvana Karthik

Other Articles