இந்தியாவில் 11 இடங்களில் சீன ஆக்ரமிப்பு! எல்லை மீற எத்தனிக்கும் சீனாவின் தொடர் முயற்சிகள்!

அருணாச்சல பிரதேசத்தில் உள்ள 11 இடங்களின் பெயர்களை சீனா மாற்றியுள்ளது.

அருணாச்சலப் பிரதேசத்தில் உள்ள 11 இடங்களுக்கு சீன, திபெத்திய மற்றும் பின்யின் எழுத்துக்களில் மூன்றாவது செட் பெயர்களை சீனா வெளியிட்டது.

அருணாச்சலப் பிரதேசத்தின் சில பகுதிகள் தெற்கு திபெத்தில் இருப்பதாகக் காட்டும் இந்த 11 இடங்களைக் கொண்ட வரைபடத்தையும் சீனா வெளியிட்டுள்ளது, இது சீனாவின் ஜாங்னான் என்று சீனா குறிப்பிடுகிறது. இந்த பட்டியலில் அருணாச்சல பிரதேசத்தின் தலைநகர் இட்டாநகருக்கு அருகில் உள்ள நகரமும் இடம் பெற்றுள்ளதாக தகவல்கள் தெரிவிக்கின்றன.

பெயரிடப்பட்ட 11 இடங்களில் ஐந்து மலைச் சிகரங்கள், இரண்டு குடியிருப்புப் பகுதிகள், இரண்டு நிலப் பகுதிகள் மற்றும் இரண்டு ஆறுகள் ஆகியவை அடங்கும். உரிமைகோரப்படும் புவியியல் பகுதி எப்போதும் இந்தியாவால் கட்டுப்படுத்தப்பட்டு நிர்வகிக்கப்பட்டு வரும் 'நிலைப்படுத்தப்பட்ட புவியியல் பெயர்கள்' என்று கூறி, மேற்கூறப்பட்ட இடங்களை மறுபெயரிட முயற்சிப்பது போன்ற ஒரு பட்டியலை சீனா முன்னிலைப்படுத்துவது இது மூன்றாவது முறையாகும்.

2017 ஆம் ஆண்டில், சீன சிவில் விவகார அமைச்சகம் இதேபோன்ற ஆறு இடங்களின் பட்டியலை வெளியிட்டது. மீண்டும் அடுத்த முயற்சியாக 2021 இல் அது மறுபெயரிடப்பட்ட 15 இடங்களின் பட்டியலை வெளியிட்டது.

தற்போதைய மறுபெயரிடல் பட்டியலை ஏப்ரல் 2 அன்று ஒரு அறிவிப்பின் மூலம் சமீபத்தில் சீனா வெளியிட்டுள்ளது, அதில், “புவியியல் பெயர்களை நிர்வகிப்பதற்கான மாநில கவுன்சில் விதிகளின்படி, சீனாவின் சிவில் விவகார அமைச்சகம் தெற்கு திபெத்தில் சில புவியியல் பெயர்களை தரப்படுத்தியுள்ளது.அங்கு (மொத்தம் 11) பொது பயன்பாட்டிற்கான துணை இடப் பெயர்களின் மூன்றாவது தொகுதி இப்போது அதிகாரப்பூர்வமாக அறிவிக்கப்பட்டுள்ளது.

பெய்ஜிங்கின் அறிவிப்பு குறித்த கருத்துக்கான கோரிக்கைகளுக்கு இந்திய வெளியுறவு அமைச்சகம் பதிலளிக்கவில்லை, ஆனால் கடந்த காலங்களில் இதேபோன்ற மறுபெயரிடுதல் மற்றும் தரப்படுத்தல் முயற்சிகளை நிராகரித்துள்ளது.

“அருணாச்சல பிரதேசம் எப்போதும் இந்தியாவின் ஒருங்கிணைந்த பகுதியாக இருந்து வருகிறது. அருணாச்சல பிரதேசத்தில் உள்ள இடங்களுக்கு கண்டுபிடிக்கப்பட்ட பெயர்களை வழங்குவது இந்த உண்மையை மாற்றாது,” என்று 2021 இல் அரசின் செய்தித் தொடர்பாளர் அரிந்தம் பாக்சி கூறியிருந்தார். 2017 மற்றும் 2021 இல், சீன வெளியுறவு அமைச்சகம், "வரலாறு மற்றும் நிர்வாக அடிப்படை" யில் “ஜாங்னான் பிராந்தியம்” என்று அழைக்கப்படும் சீனாவின் பிராந்திய உரிமைகோரல்கள் இந்தியாவுக்கும் சீனாவுக்கும் இடையில் பல ஆண்டுகளாகவே தொடர்ந்து நீடித்து வருவதாகக் கூறியது.

டோக்லாமில் இந்திய மற்றும் சீன துருப்புக்களுக்கு இடையே மோதல் நடந்த அதே ஆண்டில் முதல் பட்டியல் வெளியிடப்பட்டது என்பது குறிப்பிடத்தக்கது, அதே நேரத்தில் இரண்டாவது பட்டியல் மற்றும் சமீபத்திய பட்டியல் இரண்டும் இந்திய இராணுவம் மற்றும் PLA படைகளுக்கு இடையிலான LAC மோதலுக்குப் பிறகு வந்துள்ளது. ஏப்ரல் 2020 ல் இரு நாடுகளுக்கும் இடையிலான பல சுற்று அதிகாரப்பூர்வ பேச்சுவார்த்தைகள் மற்றும் இராணுவ தளபதி அளவிலான பேச்சு வார்த்தைகளானது 2020 இல் கால்வான் கொலைகளுக்குப் பிறகு சில இடங்களில் ஆக்ரமிப்பு விலகலுக்கு வழிவகுத்த போதிலும் கூட எல்லைகளை மீறும் சீனாவின் அபத்த முயற்சிகள் பற்றிய செய்திகள் தொடர்ந்து வந்த வண்ணமே உள்ளன.

மே மாதம் இந்தியாவில் வெளியுறவு அமைச்சர்கள் கூட்டம்நடைபெறவுள்ள நிலையில் தற்போது ஏப்ரல் 2 ல் இந்தியப்பகுதிகளில் சீன ஆக்ரமிப்பு மற்றும் பெயர் மாற்றம் குறித்த அறிவிப்புகள் சீன ஊடகங்களில் வெளிவந்துள்ளன. சீனாவின் புதிதாக நியமிக்கப்பட்ட பாதுகாப்பு அமைச்சர் ஜெனரல் லி ஷாங்ஃபு மற்றும் சீன வெளியுறவு மந்திரி கின் கேங் இருவரும் எஸ்சிஓ பாதுகாப்பு அமைச்சர்கள் கூட்டத்தில் பங்கேற்பார்கள் என்று எதிர்பார்க்கப்படும் நிலையில் அவர்களது வருகைக்கு முன்னதாக ஏப்ரல் 2 இல் இப்படி ஒரு அறிவிப்பு சீன ஊடகங்களில் வந்துள்ளது உலகநாடுகளின் பார்வையில் முக்கியத்துவம் வாய்ந்ததாகக் கருதப்படுகிறது. சீனாவின் இந்த அறிவிப்பு குறித்த இந்திய வெளியுறவுத் துறையின் நடவடிக்கை என்னவாக இருக்கும் என்பதை வரும் நாட்களில் அறிந்து கொள்ளலாம்.