முருங்கைக்காய் அல்வா

வி.ஸ்ரீவித்யா பிரசாத், நங்கநல்லூர்.

தேவை:

சதைபற்றுள்ள முருங்கைக்காய் – 2

சக்கரை -1/4 கப்

முந்திரி, திராட்சை – தேவையான அளவு

ஏலக்காய் பொடி – 1/2 ஸ்பூன்

நெய் – 5 மேசைக்கரண்டி

செய்முறை: ஒவ்வொரு முருங்கைக் காயையும் 4 பாகங்களாக வெட்டி ஆவியில் வேகவிடவும். பின்னர் அதன் சதைப்பற்றை எடுத்து மிக்ஸியில் ஒரு சுற்று சுற்றி அரைக்கவும் (ஜெல்லி போல இருக்கும்). பின்னர் அடிகனமான பாத்திரத்தில் அரைத்த முருங்கை கூழுடன் சர்க்கரை, ஏலக்காய்பொடி , வறுத்த முந்திரி – திராட்சை , (விருப்பப்பட்டால் ஃபுட் கலர் சேர்க்கலாம்) சேர்த்து சிறிதுசிறிதாக நெய் சேர்த்து மிதமான சூட்டில் திரண்டு வரும் வரை கிளறவும். கம கம முருங்கைக்காய் அல்வா ரெடி.