0,00 INR

No products in the cart.

அன்புவட்டம்

பாரதி பாஸ்கர் உடல்நலன் பற்றிய தகவல் இல்லையே?
. சிவசங்கரி சரவணன், செம்பனார்கோவில்
தோ, உங்களுக்காக, அவரது நெருங்கிய வட்டாரத்தில் விசாரித்துவிட்டேன். பாரதி பாஸ்கரின் உடல்நிலை நன்கு தேறி வருகிறது. தற்போது வீட்டில் ஓய்வில் இருக்கிறார். விரைவில் பொது மேடைகளை அலங்கரிப்பார். அவருடைய லட்சக்கணக்கான ரசிகர்களின் உளமார்ந்த பிரார்த்தனைகள் வீண் போகுமா என்ன? ஜம்மென்று வரப் போறாங்க பாருங்க! ஞானமங்கை பாரதியின் புன்னகையுடன் கூடிய அறிவார்ந்த பேச்சைக் கேட்க நானும் உங்களைப் போலவே ஆவலாகக் காத்திருக்கிறேன்எழுந்து வாங்க பாரதி மேடம்!

உங்களை அசத்திய .பி.எல். மேட்ச் எது?
வாசுதேவன், பெங்களுரு
செப்டெம்பர் 22ல் நடந்த பஞ்சாப் மற்றும் ராஜஸ்தான் .பி.எல் மேட்சின் கடைசி ஓவர்பஞ்சாப் வெற்றி பெற நான்கே நான்கு ரன்கள் மட்டுமே தேவை

ராஜஸ்தான் பெளலர் தியாகி, தீயாகி பந்து வீசுகிறார். நம்ப முடியுமா பாருங்க

ஒரே ஒரு ரன் மட்டுமே கொடுத்து, 2 விக்கெட் எடுத்து, ராஜஸ்தான் ராயல்ஸ் அணி 2 ரன் வித்யாசத்தில் வெற்றி பெற வைத்த அதிசய மேட்ச்தான், நான் இதுவரைப் பார்த்திராத த்ரில் .பி.எல். மேட்ச்!!

கடவுள் உங்க முன்னால வந்து ஏதாவது ஒரு விஷயத்துல சமுதாயத்துல நிரந்தர மாற்றத்தைக் கொண்டு வர உங்களால முடியும்னு ஒரு சக்தி கொடுத்தா, எந்த விஷயத்தை மாத்துவீங்க?
தி. வள்ளி, திருநெல்வேலி
சாமி, என் முன்னால வந்து நின்னதும், ஒரு பாட்டு பாடுவேன்.
இறைவன் உலகத்தைப் படைத்தானா
ஏழ்மையை அவன்தான் படைத்தானா?
ஏழையைப் படைத்தவன் அவன் என்றால்
இறைவன் என்பவன் எதற்காக?
பசி வர அங்கே மாத்திரைகள்
பட்டினியால் இங்கே யாத்திரைகள்
இரு வேறு உலகம் இது என்றால்
இறைவன் என்பவன் எவர்க்காக?”
கடவுள் உடனே புரிஞ்சுக்குவார்.
கண்ணதாசன் பாட்டா? / ‘நல்லா இருக்குஇந்தா சக்தி”
உடனே உலகம் முழுக்க ஏழைகள், ஊனமுற்றவர்கள் இல்லாத புத்தம்புது பூமி மலர்ந்து விடும்!
ஆர்வக் கோளாறில் இன்னொரு பாட்டு வந்து விழும்!
காற்றும் நீரும் வானும் நெருப்பும் பொதுவில் இருக்குது;
மனிதன் காலில் பட்ட பூமி மட்டும் பிரிந்து கெடக்குது.
பிரித்து வைத்துப் பார்ப்பதெல்லாம் மனிதர் இதயமே
உலகில் பிரிவு மாறி ஒருமை வந்தால் அமைதி நிலவுமே
அமைதி நிலவுமே”
புலமைப்பித்தன்தானே? .கே. பிடி!”
ஏழ்மையும் போய், ஜாதி, மத, இன, பாகுபாடும் போய்விட்டால்,
ஹேப்பிஇன்றுமுதல் ஹேப்பி! என்று பாட ஆரம்பிப்பேன்.
ஏதுலிஸ்ட்டு பெருசா போகுது’ன்னு சாமியும் டென்ஷனாகி பதிலுக்கு “ஆறு மனமே ஆறுஇந்த ஆண்டவன் கட்டளை ஆறு” எசப்பாட்டு பாடிட்டு சிவாஜி மாதிரி சிரிச்சுக்கிட்டே போயிடுவார்.

அண்ணாத்த’ பாடல் கேட்டீங்களா?
செல்வகுமாரி, திண்டுக்கல்
ரண்டு தபா கேட்டேன். ஓப்பனிங் சாங்குக்கான ஒரு அடையாளமும் இல்ல. எஸ்.பி.பி.யின் கம்பீரமான குரல் மட்டுமே மனசுல நிக்குது. ட்யூன் போகப் போகப் பிடிக்குமோ என்னவோ?!

ஷாருக்கான் மகன் கைது?
ராதிகா, சென்னை
ரான் வீட்டுப் பசங்கள ‘பைஜுஸ்’ல படிக்கச் சொல்லிட்டு, உங்கப் புள்ளைய கண்டுக்காம விட்டுட்டீங்களே ஷாருக்? அபரிமிதமான செல்வம், எல்லை மீறிய செல்லம், கட்டுப்பாடற்ற சூழ்நிலை, அலட்சியமான பெற்றோர்கள், பெரும்பாலான ’ஸ்டார் கிட்ஸ்’களின் நிலமை இதுதான்! சட்டப்படி நீருபிக்கப்பட்டால், ஆரியன் எப்பவோ மாட்ட வேண்டியவர். போகட்டும். அவருக்கு இன்னும் 23 வயசுதான். ஷாருக் செய்ய வேண்டியது இதுதான். இப்போதாவது ஷாருக், நல்லதொரு தந்தையாகி, போதை மீட்புப் பணிகளில் ஈடுபடுத்தி, மகனை மீட்டெடுக்கலாம்.

Stay Connected

261,008FansLike
1,929FollowersFollow
12,000SubscribersSubscribe

Other Articles

விடுபடுவோம்!

0
ஒரு கப் Zen - 13 எழுத்து : லேzy இருபத்தியொன்றாம் நூற்றாண்டில் மனிதனுக்கு survival ஒரு பொருட்டே அல்ல. உணவுக்கும் நீருக்கும் பஞ்சம் இருந்த காலமெல்லாம் மலையேறியாகி விட்டது. புயலோ, பெருமழையோ, வெள்ளமோ, எதுவாயினும்...

மங்கையர் மலர் முகநூல் பதிவுகள்!

0
மிதக்கத்தான் ஆசை! இதுவரை மிதக்கவில்லை. அதனால், கப்பல் பயணம் செய்யத்தான் ஆசை. விமானத்தில் நின்றுகொண்டு பயணம் செய்ய முடியாது. வெளியே எதையும் பார்க்க முடியாது. கப்பலின் மேல் தளத்தில் நின்று, நடந்து எல்லாவற்றையும் பார்த்து...

நிழலும் நிஜமும்!

0
கதை : மாதவி ஓவியம் : பிரபுராம் ஏற்கெனவே சினிமாவுக்கு லேட்! ரசிகர் ஷோ! ஆயிரம் ரூபாய் டிக்கெட். சிவா, ரவி, மணி ஓடும் பஸ்ஸில் ஏறினர். “ஏய்யா தம்பிகளா... ஃபுட்போர்டில் நிக்காதீங்க. உள்ளே வாங்க.” கண்டக்டரின்...

ஜோக்ஸ்!

0
வாசகர்கள் ஜமாய்க்கிறாங்க படங்கள் : பிரபுராம்  “உங்க வீட்டுக்காரர் சமையல் டிப்ஸ் தந்தார்னு ஏன் கோபப்படறே?” “பின்ன... சீடை கெட்டியானா, ஊற வைச்சு சப்பிடலாம் அல்லது பொடி செய்து சாப்பிடலாம்னு சொல்றாரே!” - ஆர்.பத்மப்ரியா, திருச்சி  “தலைவரே! உங்களுக்கு லோகமான்ய...

புத்தகப் பதிப்பில் தடம் பதிக்கும் இளம்புயல்!

0
நேர்காணல் : சேலம் சுபா அந்தப் பெண்மணி இடது கை பழக்கம் உள்ளவர். துரதிர்ஷ்டவசமாக வலது கையினால் வற்புறுத்தி எழுத வைத்த காரணத்தினால் எழுத ஆசையிருந்தும் முடியாமல் வருந்தியவர். இவரிடம் இருந்த எழுத்துத் திறமையும்...