0,00 INR

No products in the cart.

பஞ்சாட்சரப் பாறையில் வேல் வழிபாடு!

– ஆர்.மீனலதா, மும்பை

முருகப்பெருமானின் அறுபடை வீடுகளில், முதல் படை வீடாகிய திருப்பரங்குன்றத்தில் உள்ள, ‘பஞ்சாட்சரப் பாறையில்’ மட்டுமே வேல் வழிபாடு விமரிசையாகக் கொண்டாடப்படுகிறது. வருடந்தோறும் புரட்டாசி மாதம், கடைசி வெள்ளிக்கிழமையன்று மலை அடிவாரத்திலிருந்து மலை உச்சியில் இருக்கும் காசி விஸ்வநாதர் ஆலயத்திற்கு முருகனின் வேல் எடுத்து செல்லப்பட்டு, அங்கே பூஜை, அபிஷேகம், வழிபாடுகள் சிறப்பாக நடத்தப்படுகின்றன.

நக்கீரர் வேண்டுகோளுக்கு இணங்க, முருகப்பெருமான் தனது கையிலிருந்த வேலால் பாறையைக் கீற, அதிலிருந்து காசி தீர்த்தம் ஊறியதால் இது, ‘பஞ்சாட்சரப் பாறைஎன அழைக்கப்பட்டது.

புராணப் பின்னணி :

சிவபெருமான், பார்வதி தேவியுடன் கடலோரத்தில் அமர்ந்து அம்மையின் ஐயங்களைப் போக்கிக் கொண்டிருக்கையில் தேவி உறங்கி விட, கடல் மீன் ஒன்று அந்தத் தகவல்களைக் கேட்டுக் கொண்டிருந்தது. பின்னர் சிவபெருமானின் அருளால், மீதித் தகவல்களையும் அறிய, மச்சமுனி சித்தராக பூமியில் அவதாரமெடுத்தது.

கடல் மட்டத்திலிருந்து 1,050 அடி உயரத்திலிருக்கும் திருப்பரங்குன்றம் மலை காண்பதற்கு ஆனை வடிவம் போல் தோற்றமளிக்கும். இம்மலை மீது காசி விஸ்வநாதர் ஆலயம் மற்றும் மச்சமுனி சித்தர் ஜீவ சமாதி அமைந்துள்ளன. காசிச் சுனையும் இங்கு அமைந்துள்ளது.

கற்க முனி’ என்கிற பூதம், ஈஸ்வரனை நோக்கித் தவமிருந்து அழியா வரம் கேட்க, “வழிபாடு தவறும் ஆயிரம் முனிவர்களை ஒருசேர பலி கொடுக்குமாறு” ஈஸ்வரன் கூறினார். அவ்வாறே பாறையிலுள்ள குகை ஒன்றினுள், ஒன்றன் பின் ஒன்றாக 999 முனிவர்களை பூதம் அடைத்துவிட்டு, கடைசி முனிவருக்காகக் காத்திருக்கையில், நக்கீரர் அங்கே வந்து சேர்ந்தார்.

மலையடிவாரத்திலுள்ள சரவணப் பொய்கையில் நக்கீரர் நீராடி, கரையிலுள்ள ஆலமர நிழலில் அமர்ந்து சிவ பூஜை மேற்கொண்ட சமயம், ஒரு ஆலிலை நிலத்தில் பாதியும் நீரில் பாதியுமாக விழுந்தது. நிலத்தில் விழுந்தது பறவையாகவும், நீரில் விழுந்தது மீனாகவும் மாறி ஒன்றையொன்று இழுக்கையில், நக்கீரரின் வழிபாடு தவறி அதை அதிசயமாகப் பார்த்த வேளையில், கற்க பூதம் அவரைப் பிடித்து குகைக்குள் அடைத்தது.

நக்கீரரின் தலைமையில் அனைவரும், ‘திருமுருகாற்றுப்படை’ பாட, முருகப்பெருமான் மயில் மீதமர்ந்து வந்து, பூதத்தை சம்ஹாரம் செய்து முனிவர்களை விடுவித்தார்.

காசிச் சுனை

பூதம் தொட்டதால் ஏற்பட்ட பாவத்தைப் போக்க, கங்கை சென்று நீராட வேண்டுமென நக்கீரர் கூறுகையில், ‘காசிக்கு செல்ல வேண்டாம்! இங்கேயே அதனை உருவாக்கித் தருகிறேன்’ என முருகப்பெருமான் அபயமளித்து, தனது வேலால் அப்பாறையைக் கீறி தீர்த்தத்தை ஊறச் செய்ததால் இதற்கு, ‘காசிச் சுனை’ என்கிற பெயர் உண்டானது.

பஞ்சாட்சரப் பாறை மீது அமைந்த காசி விஸ்வநாதர், மச்ச முனி சித்தர் ஜீவ சமாதி மற்றும் காசிச் சுனையைக் கண்டு வணங்குவதன் மூலம் நற்பயன்களைப் பெறலாம். இங்கு செல்ல 675 மலைப் படிகள் ஏறிச்செல்ல வேண்டும்.

மீனலதா
ஆர். மீனலதா, தொலைபேசி நிறுவனத்தில் அதிகாரியாக பணிபுரிந்து ஓய்வு பெற்றவர். விருதுகள் பல பெற்றவர். சிறந்த நாடக நடிகர், பேச்சாளர், எழுத்தாளர், சினிமா, இசை, கவிதை, சமையல், Ad.supervision, விளையாட்டு என பல்வேறு துறைகளில் ஈடுபாட்டுடன் பங்கேற்கும் ஆல்ரவுண்டர். நிகழ்ச்சி அமைப்பாளரும்கூட.. பழகுவதற்கு இனிமையான பண்பாளர். பலருக்கும் முன்னோடியாக விளங்குபவர். மங்கையர் மலரின் மும்பை நிருபர். உற்சாக ஊற்று.

Stay Connected

261,008FansLike
1,929FollowersFollow
12,000SubscribersSubscribe

Other Articles

“நெசவும் கவிதையும் என் இரு கண்கள்” –நெசவுக் கவிஞர் சேலம் சீனிவாசன்

0
- சேலம் சுபா  “நான் நெசவாளர் என்று சொல்லிக்கொள்வதில் பெருமையும் நெசவுக் கவிஞர் என்று அறியப்படுவதில் பெருமிதமும் கொள்கிறேன்...” என்று தலைநிமிர்ந்து சொல்லும் சீனிவாசன் தன்னை வளர்த்து, அடையாளம் தந்த குலத்தொழிலை உலகறியச் செய்யும் முயற்சியில்...

“ரஜினி சார் கூட நடிக்கணும்”

- ராகவ் குமார் ராட்ஷசன் படத்தில் அறிமுகம் ஆகி தனுஷின்  ‘அசுரன்’ படத்தில் அனைவரையும் திரும்பிப் பார்க்க வைத்த அம்மு அபிராமி ‘பேட்டரி’ படத்தில் ஹீரோயினாக நடித்து வருகிறார்.  அம்முவை சந்தித்துப் பேசினோம்: எப்படி இருக்கீங்க...

சமூக சேவகியாக அரசியலில் நுழைந்தேன்!

0
களஞ்சியம்! - மஞ்சுளா ரமேஷ் மங்கையர் மலரின் 42 வருட பயணத்தில், எண்ணற்ற கதைகள், கட்டுரைகள் வந்திருந்தாலும்,  அவற்றுள்  சில எப்போது படித்தாலும், காலத்தால் அழியாத அழகிய வரிகளாக  அமைகிறது. அந்த வகையில்  பிப்ரவரி -...

புற்றுநோய் சிகிச்சையில் ஒரு புரட்சி!

0
டாக்டர் லூயி அல்பெர்டோ தலைமையில் ஒரு சாதனை! -ஜி.எஸ்.எஸ். ஆறு மாதங்களுக்குப் பிறகு அந்த ஒரு டஜன் பேருக்கும் பலவித சோதனைகள் நடத்தப்பட்டன.   விளைவு வியப்பூட்டியது.  மருத்துவர்கள் ஆனந்தக் கண்ணீர் விட்டார்கள். உண்மையை அறிந்ததும் நோயாளிகள்...

சேமிப்பு, முதலீடு என்றால் என்ன? முதலீடு செய்யத் தொடங்குவது எப்படி?

சேமிப்பு: உங்களது தேவை போக, தனியாக சேமித்து வைக்கப்பட்ட பணம். இது அப்படியே இருக்கும். இது வளராது. உதாரணமாக, வீட்டில் தனியாக, பணப் பெட்டியிலோ,அஞ்சரைப் பெட்டியிலோ சேமிக்கப்பட்ட பணம். முதலீடு: உங்களது தேவை போக,...