online@kalkiweekly.com

spot_img

லாக்கரை உடைக்க வங்கிகளுக்கு அதிகாரம் உண்டு: ரிசர்வ் வங்கி அறிவிப்பு!

வங்கிகளில் நீண்ட நாட்களுக்கு திறக்கப் படாமலிருக்கும் வாடிகையாளர்களின் லாக்கர்களை திறக்க அந்த வங்கிக்கு உரிமை உண்டு என்று ரிசர்வ் வங்கி அறிவித்துள்ளது.

 

வங்கி லாக்கர்கள் தொடர்பான திருத்தப்பட்ட புதிய வழிகாட்டுதல்களை ரிசர்வ் வங்கி தற்போது வெளியிட்டுள்ளது. அதில் கூறப்பட்டதாவது:

 

வங்களில் வாடிக்கையாளர் தனது லாக்கரை நீண்ட காலத்திற்கு திறக்கவில்லை என்றால், வங்கிகள் அந்த லாக்கரை உடைத்து திறக்க அனுமதியுண்டு.  வங்கி மற்றும் தொழில்நுட்பத் துறையில் ஏற்பட்டுள்ள பல்வேறு முன்னேற்றங்கள், வாடிக்கையாளர்கள் அளிக்கும் புகார்கள் மற்றும் இந்திய வங்கிகள் சங்கம் தெரிவித்த கருத்துக்கள் ஆகியவற்றின் அடிப்படையில் இந்த புதிய திருத்தப்பட்ட  வழிகாட்டுதல்களை ரிசர்வ வங்கி உருவாக்கியுள்ளது.

அவ்வாறு திருத்தப்பட்ட ஆர்பிஐ வழிகாட்டுதல்கள்படி நீண்ட நாட்களுக்கு திறக்கப்படாமல் இருக்கும் வங்கி லாக்கரில் உள்ளவற்றை, அதன் நியமனதாரர் அல்லது சட்டப்பூர்வ வாரிசுக்கு மாற்றவும் அல்லது பொருட்களை வெளிப்படையான முறையில் என்ன செய்ய வேண்டும் என்பதை முடிவெடுக்கவும் வங்கிகளுக்கு அனுமதி வழங்கப்பட்டுள்ளது. மேலும் வங்கியில் லாக்கர் வசதி வைத்திருக்கும் வாடிக்கையாளர், 7 வருட காலத்திற்கு தொடர்பில் இல்லாமல் இருந்தாலும் இந்த நடவடிக்கை எடுக்கப்படும். வங்கி லாக்கர் வைத்திருப்போருக்கு, லாக்கரை உடைக்கும் முன் தகவல் அளிக்கப்படும். ஒரு கடிதம் மூலம் அறிவிப்பு அனுப்பப்படும். பதிவு செய்யப்பட்ட மின்னஞ்சல் ஐடி மற்றும் மொபைல் தொலைபேசி எண்ணுக்கு எஸ்எம்எஸ் எச்சரிக்கைகளும் அனுப்பப்படும்.

வங்கியின் அதிகாரி மற்றும் இரண்டு சாட்சிகள் முன்னிலையில் லாக்கரை உடைக்க வேண்டும் என்பதோடு, முழு செயல்முறையும் வீடியோவில் பதிவு செய்யப்பட வேண்டும் என்று மத்திய வங்கியின் வழிகாட்டுதல்கள் மேலும் கூறுகின்றன. லாக்கரை உடைத்த பிறகு, வாடிக்கையாளரால் உரிமை கோரப்படும் வரை அதில் உள்ள பொருட்கள் பாதுகாப்பாக ஒரு சீல் செய்யப்பட்ட உறையில் வைக்கப்படும்.

 

இது தவிர, வாடிக்கையாளர் நலனை கருத்தில் கொண்டு, வங்கியில் தீ விபத்து அல்லது கட்டடம் இடிந்து விழுந்து சேதம் அடைதல் போன்ற சமயங்களில் வாடிக்கையாளருக்கு இழப்பீடு வழங்கவும் புதிய விதிகள் திருத்தப்பட்டுள்ளன. ஆனால், புயல், வெள்ளம், நிலநடுக்கம் போன்ற இயற்கை பேரழிவின் காரணமாக வங்கி லாக்கர் மற்றும் லாக்கரில் உள்ள பொருட்கள் சேதம் அடைந்தால் அதற்கு வங்கிகள் பொறுப்பு ஏற்காது. வங்கி லாக்கரில் அபாயகரமான பொருட்கள் மற்றும் சட்டத்திற்குப் புறம்பான பொருட்களை வைக்கக்கூடாது. அதை மீறினால் வாடிக்கையாளர்கள் மீது கடும் நடவடிக்கை எடுக்கப்படும்

 

-இவ்வாறு ரிசர்வ் வங்கி புதிய விதிகள் ஏற்படுத்தியதாக அறிவித்துள்ளது.

Related Articles

Stay Connected

264,228FansLike
1,876FollowersFollow
1,500SubscribersSubscribe
spot_img

To Advertise Contact :

Related Articles

தமிழக ஆளுநருடன் நாளை எதிர்க்கட்சித் தலைவர் ஈபிஎஸ் சந்திப்பு!

0
தமிழக ஆளுநர் ஆர்.என்.ரவியை நாளை காலை (அக்டோபர் 20) தமிழக எதிர்க்கட்சித் தலைவர் எடப்பாடி பழனிசாமி நேரில் சந்திக்கவுள்ளதாக தெரிவிக்கப் பட்டுள்ளது. தமிழகத்தின் புதிய ஆளுநராக கே.என்.ரவி பொறுப்பேற்ற பிறகு முதல்முறையாக அவரை...

4 மாவட்டங்களில் கனமழை: சென்னை வானிலை ஆய்வு மையம்!

0
தமிழ்நாட்டில் 4 மாவட்டங்களில் அடுத்த சில நாட்களுக்கு கனமழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. இதுகுறித்து வெளியிட்டுள்ள அறிக்கையில் தெரிவித்ததாவது: தமிழக கடற்கரையை ஒட்டி நிலவும் வளிமண்டல மேலடுக்கு சுழற்சி காரணமாக இன்று...

கடல்நீரைக் குடிநீராக்கும் நிலையம்: நெம்மேலியில் முதல்வர் ஸ்டாலின் நேரில் பார்வை!

0
சென்னை அருகே நெம்மேலியில் கட்டப்பட்டு வரும் கடல்நீரை குடிநீராக்கும் புதிய சுத்திகரிப்பு நிலையத்தின் கட்டுமானப் பணிகளை தமிழக முதல்வர் மு.க. ஸ்டாலின் இன்று நேரில் பார்வையிட்டு ஆய்வு செய்தார். தமிழ்நாட்டில் மீஞ்சூரில் நாளொன்றுக்கு 100 மில்லியன்...

இந்தி அவசியமில்லை: மன்னிப்பு கேட்ட சோமேட்டோ நிறுவனம்!

0
இந்தியாவின் ஆன்லைன் உணவு டெலிவரி செய்யும் நிறுவனமான சோமேட்டோ. தற்போது சர்ச்சையில் சிக்கியுள்ளது. சென்னையை சேர்ந்த வாடிக்கையாளர் ஒருவர் சோமேட்டோ நிறுவனத்தில் உணவு ஆர்டர் செய்து, அந்த உணவு சரியான நேரத்துக்கு வந்து சேரவில்லை...

100 பொருட்கள் ஏலம்: நெல்சன் மண்டேலா பயன்படுத்தியவை!

0
தென் ஆப்பிரிக்கா அதிபரான நெல்சன் மண்டேலா, நிறவெறிக்கு எதிராகப் போராடியவர். அதிபராக தேர்வாகுமுன்னர் அவர் கிட்டத்தட்ட 27 ஆண்டுகளை அவர் சிறையில் கழித்தார். அதன்பின்னர் நிண்ட போராட்டங்களுக்குப் பின்னர் விடுதலையாகி, 1994-ம் ஆண்டு...
spot_img

To Advertise Contact :