online@kalkiweekly.com

spot_img

விநாயகர் சதுர்த்தியும் காக்கைகளும் !

– மங்கை ஜெய்குமார்

ங்கள் குடியிருப்பில் இரண்டாம் தளத்தில் வசிக்கும் பெண்மணி தினமும் மொட்டை மாடியில் காக்கைகளுக்கு சாதம் வைப்பது வழக்கம். நானும் என் கணவரும் காலையில் மொட்டை மாடிக்கு நடை பயிற்சிக்காகச் செல்லும் போது, காக்கைகளுக்குத் தண்ணீர் வைப்பது எங்கள் வழக்கம். காக்கை களும் ஒருசில புறாக்களும் சாப்பிடுவதும் பின் தண்ணீர் அருந்துவதும் பார்க்கப் பார்க்க கொள்ளை அழகு! அதிலும், சாதத்துடன் ஓமப்பொடி, காராபூந்தி போட்டால் அத்தனையும் நிமிடத்தில் காலியாகிவிடும். (அவற்றுக்கு தொட்டுக்கொள்ள சைடிஷ் வேண்டாமா?)
கடந்த விநாயகர் சதுர்த்தியன்று (செப்டம்பர் 10, வெள்ளிக்கிழமை) மொட்டை மாடிக்குப் போனால், எல்லா காக்கைகளும் சுற்றுச் சுவரில் அணிவகுத்து உட்கார்ந்திருந்தன. ஆனால், தட்டில் சாப்பாடு இல்லை. பூஜைக்கான வேலைகளில் ஈடுபட்டிருந்ததால் அப்பெண்மணி சாப்பாடு வைக்கவில்லை போலும்!

என் மனம் கேட்கவில்லை. நான் உடனே எங்கள் ஃப்ளாட்டுக்கு வந்து, முதல் நாள் இரவு செய்து, மீதம் இருந்த சப்பாத்தியை எடுத்துச் சென்று, சிறு சிறு துண்டுகளாக்கிப் போட்டேன். என்ன ஏமாற்றம்! எல்லா காக்கைகளும் பறந்து விட்டன. ஒரு காக்கைகூட சாப்பிட வரவில்லை. ஐந்து நிமிடம், பத்து நிமிடம் என நேரம் ஓடிக்கொண்டே இருந்தது. எங்கள் நடைப் பயிற்சியும் தொடர்ந்தது. அரை மணியாயிற்று ஊஹூம் காக்கைகளையும் காணவில்லை, புறாக்களையும் காணவில்லை.

விநாயகா! காக்கை வடிவில் வந்து அகத்தியரின் கமண்டலத்தைத் தட்டி விட்டு, காவிரி பெருக்கெடுக்கக் காரணமாக இருந்த பெருமானே! இது என்ன சோதனை? எங்கே போயின காக்கைகள்?

“எனக்கு காக்கா பாஷை தெரியுமாக்கும். எல்லா காக்காவும் ஏன் ஓடிப் போச்சு தெரியுமா? எங்களுக்கே இத சாப்பிட தோணலயே, நீ எப்படித்தான் நேத்திக்கு சாப்பிட்டியோன்னு காக்கா என்னைக் கேட்டுதாக்கும்” என்று கணவரின் கேலி வேறு.

ஒரு நிமிடம் நின்று விநாயகப் பெருமானை மனதார வேண்டினேன். என்ன ஆச்சரியம்! சொன்னால் நம்ப மாட்டீர்கள்… எங்கிருந்தோ ஒரு கூட்டமாக காக்கைகள் வந்து அமர்ந்ததுதான் தெரியும்… சப்பாத்தி இருந்ததற்கான அடையாளமே தெரியாதபடி நிமிடத்தில் அந்த இடம் சுத்தமாக ஆகி விட்டது. பின் தண்ணீரையும் குடித்து விட்டு காக்கைகள் பறந்தன.

விநாயகரின் உடனடி அருளை எண்ணி மனம் நிறைந்த மகிழ்ச்சி. ’உள்ளார்ந்த அன்போடு எது செய்தாலும் அதற்கு நிச்சயம் பலன் உண்டு’ என்ற எனது கணவரின் பாராட்டு இரட்டிப்பு மகிழ்ச்சி!!

Related Articles

Stay Connected

264,228FansLike
1,876FollowersFollow
1,500SubscribersSubscribe
spot_img

To Advertise Contact :

Related Articles

சுண்டி இழுக்கும் சுவையில் காரக் குழம்பு வகைகள்!

0
வாசகர் ஜமாய்க்கிறாங்க அமுதா அசோக் ராஜா, அரவக்குறிச்சிப்பட்டி கேரட் காரக் குழம்பு தேவையானவை : சற்று நீளமான பெரிய கேரட் துண்டுகள், தேங்காய்த் துருவல், புளி, மஞ்சள் தூள், உப்பு - தேவைக்ககேற்ப. செய்முறை : வாணலியில் எண்ணெய்...

சப்ஜா சமாசாரம்!

0
வாசகர்கள் ஜமாய்க்கிறாங்க! சப்ஜா விதை ஆங்கிலத்தில், ‘Basil Seeds’ என்று அழைக்கப்படுகின்றது. சப்ஜா விதை எங்கு கிடைக்கும்? இந்த சப்ஜா விதை நாட்டு மருந்து கடைகளில் இலகுவாகக் கிடைக்கக் கூடியது. சப்ஜா விதை எப்படி சாப்பிட வேண்டும்? சப்ஜா விதைகளை...

ஜோக்ஸ்

0
“இந்த வருஷ தீபாவளிக்கு என்ன ஸ்பெஷல் பட்சணம் செய்யப்போறே?” “இஞ்சி அல்வா, மிளகு லட்டு, சுக்கு பாயசம்!” - எஸ்.ராஜம், ஸ்ரீரங்கம் -------------- “இது வக்கீலுக்கு சொந்தமான ஆட்டோன்னு எப்படிச் சொல்றே?” ‘‘கோர்ட்டுக்கு இலவசம்’னு எழுதியிருக்கே.” - எஸ்.கெஜலட்சுமி ராஜேந்திரன், லால்குடி -------------- “வாத்தியார் என்னோட ஆன்சர் பேப்பரை...

ஜொலிக்கும் வைரத் தகவல்கள்!

0
வாசகர்கள் ஜமாய்க்கிறாங்க * பூமியிலிருந்து சுமார் 160 கி.மீ ஆழத்தில் வைரங்கள் வெட்டி எடுக்கப்படுகின்றன. * வைரக் கற்கள் நட்சத்திரங்களில் இருந்து உதிர்ந்தவை என்று பண்டைக் காலத்தில் கிரேக்க, ரோமானிய மக்கள் நினைத்தனர். * 2,400 ஆண்டுகளுக்கு...

கும்பாபிஷேக மருந்து!

0
வாசகர் ஜமாய்க்கிறாங்க! - ஜி.இந்திராணி, ஸ்ரீரங்கம் ஏகாம்பர சுக்கு, சுக்கான் தூள், குங்கிலியம், கற்காலி, செம்பஞ்சு, சாதிலிங்கம், தேன் மெழுகு, வெண்ணெய் எனும் எட்டு பொருட்களைக் கொண்டு தயாரிக்கப்படுவது அஷ்டபந்தன மருந்து. கும்பாபிஷேகம் நடைபெறும் அனைத்து...
spot_img

To Advertise Contact :