0,00 INR

No products in the cart.

BREAKING: இன்று முதல் ஆவின் பொருட்கள் விலை உயர்வு!

தமிழக அரசின் பொதுத்துறை கூட்டுறவு நிறுவனமான ஆவின் பொருட்களின் விலை இன்று முதல் உயர்த்தப்படுவதாக ஆவின் நிறுவனம் அறிவித்துள்ளது.

இதுகுறித்து ஆவின் நிறுவனம் வெளியிட்ட செய்திக்குறிப்பில் தெரிவித்ததாவது:

ஆவின் நிறுவனத்தின் தயாரிப்புகளான நெய், தயிர், பாதாம் பவுடர், குல்பி உள்ளிட்ட பொருட்களின் விலை இன்று முதல் உயர்த்தப் படுகிறது. அதன்படி, 1 லிட்டர் ஆவின் நெய் ரூ.515-ல் இருந்து ரூ.535 ஆக உயர்ந்துள்ளது. அரை லிட்டர் தயிர் ரூ.27-லிருந்து ரூ.30 ஆகவும், குல்பி ரூ.25-ல் இருந்து ரூ.30 ஆகவும் உயர்ந்துள்ளது. மேலும் 200 கிராம் பாதாம் பவுடர் ரூ.80-லிருந்து ரூ.100 ஆகவும் உயர்த்தப்பட்டுள்ளது.

இந்த விலை உயர்வு இன்று முதல் நடைமுறைக்கு வந்துள்ளது.

-இவ்வாறு ஆவின் நிறுவனம் தெரிவித்துள்ளது. இந்த விலை உயர்வுக்கு தமிழக பால் முகவர்கள் சங்கம் கண்டனம் தெரிவித்துள்ளது. வழக்கமாக பால் மற்றும் பால் பொருட்களின் விற்பனை விலை உயர்வு தொடர்பாக ஒரு வார காலத்திற்கு முன்பாகவே  பால் முகவர்களுக்கு சுற்றறிக்கை வழங்கப்படும்.

ஆனால் இம்முறை முன்கூட்டியே தகவல் சொல்லப்படாததால், தமிழ்நாடு பால் முகவர்கள் தொழிலாளர்கள் நலச் சங்கம் கண்டனம் தெரிவித்துள்ளது. மேலும் இந்த விவகாரத்தில் தமிழக முதல்வர் உடனடியாக தலையிட்டு விலை உயர்வை திரும்ப பெற வேண்டும் என்று வலியுறுத்தி வருகின்றனர்.

 

Stay Connected

261,699FansLike
1,912FollowersFollow
7,330SubscribersSubscribe

Other Articles

கியான்வாபி மசூதி விவகாரம்; உச்ச நீதிமன்றத்தில் இன்று விசாரணை!

0
உத்தரபிரதேச மாநிலம் வாரணாசியில் காசி விஸ்வநாதர் கோயில் அருகேயுள்ள கியான்வாபி மசூதியில் இந்துக் கோயில் இருப்பதாகவும், அங்கு வழிபட அனுமதிக்கக் கோரி இந்து பெண்கள் சார்பில் வாரணாசி நீதிமன்றத்தில் மனு தாக்கல் செய்யப்பட்டது.  இந்த மனுவை...

அசாம் கொட்டித் தீர்த்த கனமழை; மீட்புப் பணிகள் தீவிரம்!

0
இந்தியாவின் வடகிழக்கு மாநிலங்களான அசாம், மேகாலயா, மற்றும் அருணாசல பிரதேசத்தில் கடந்த சில நாட்களாக தொடர் கன மழை பெய்து வருவதால் ஆறுகளில் வெள்ள பெருக்கு ஏற்பட்டு மக்களின் இயல்பு வாழ்க்கை பாதிக்கப் பட்டுள்ளது....

#Breaking: காங்கிரஸ் முன்னாள் அமைச்சர் ப.சிதம்பரம் வீட்டில் சிபிஐ ரெய்டு!

0
காங்கிரஸ் மூத்த தலைவரும்,முன்னாள் மத்திய அமைச்சருமான ப. சிதம்பரத்தின் வீடு மற்றும் அவருக்கு தொடர்புடைய பல இடங்களில் மத்திய புலனாய்வு துறை சோதனை நடத்தி வருவதாக தெரிவிக்கப் பட்டுள்ளது. அதன்படி டெல்லி,மும்பை சென்னை...

‘ஸ’-வுக்கு மாற்று எழுத்து கண்டுபிடியுங்கள்; தமிழக அரசுக்கு பிஜேபி மாநில தலைவர் அண்ணாமலை சவால்!

0
தமிழகத்தை சேர்ந்த தேவசகாயம் பிள்ளைக்கு இத்தாலி வாடிகனில் புனிதர் பட்டம் வழங்கப்பட்டதை முன்னிட்டு மாநில பிஜேபி தலைவர் அண்ணாமலை ‘எத்திசையும் புகழ் மணக்க இருந்த பெரும் தமிழணங்கே’ என்று தன் டிவிட்டர் பக்கத்தில்...

எல்ஐசி பங்கு விற்பனை: பங்குச் சந்தை முதலீட்டாளர்களுக்கு இழப்பு!

0
இன்று பங்குச் சந்தையில் எல்ஐசி-யின் பங்கு விற்பனை தொடங்கிய முதல் நாளிலேயே முதலீட்டாளர்களுக்கு ரூ.42,500 கோடி இழப்பு ஏற்பட்டுள்ளது. இதுகுறித்து தேசிய பங்கு சந்தை முதலீட்டாளர்கள் தெரிவித்ததாவது: இன்று தேசிய பங்கு சந்தையில் முதல் நாளாக...