0,00 INR

No products in the cart.

தேசியப் பங்குச் சந்தை முன்னாள் தலைமை நிர்வாகி: சாமியாருடன் சேர்ந்து ஊழல் என செபி குற்றச்சாட்டு!

தேசியப் பங்குச் சந்தையின் முன்னாள் தலைமை நிர்வாகி சித்ரா ராமகிருஷ்ணா இமயமலை சாமியாருடன் சேர்ந்து ஊழல் செய்திருப்பதாக செபி குற்றம் சாட்டியுள்ளது.

தேசியப் பங்குச் சந்தையின் செயல் அதிகாரியாகவும், அதன் நிர்வாக இயக்குநராகவும் 2013 முதல் 2016 வரை இருந்த சித்ரா ராமகிருஷ்ணா, தனிப்பட்ட காரணங்களால் பதவியை ராஜினாமா செய்வதாகக் கூறி பணியிலிருந்து விலகினார். இந்நிலையில், தேசியப் பங்குச் சந்தையின் வணிக திட்டங்கள், பங்குச் சந்தையின் ஏற்றம், இறக்கம் குறித்த கணிப்புகள், ரகசியங்கள் என பலவற்றையும் இமயமலை சாமியார் ஒருவருடன் சித்ரா ராமகிருஷ்ணா பகிர்ந்து கொண்டதாக செபி குற்றம் சாட்டியுள்ளது. மேலும் ஆனந்த சுப்ரமணியன் என்பவரை தேசியப் பங்குச் சந்தையின் உயர் பதவியில் விதிமுறைகளை மீறி சித்ரா ராமகிருஷ்ணா அமர்த்தியதாக குற்றம் சாட்டப்பட்டுள்ளது.

சித்ரா ராமகிருஷ்ணா அந்த இமயமலை சாமியாரை நேரில் சந்தித்ததில்லை என்றும் மின்னஞ்சல் மூலம் மட்டுமே தொடர்பு இருந்ததாகவும், விள்க்கமளித்தார். ஆனால், அவர் கங்கைக் கரையில் அந்த சாமியாரை 20 வருடங்களுக்கு முன்பு நேரில் சந்தித்ததையும் செஷல்ஸ் தீவில் அவரோடு கடலில் குளித்ததையும் மின்னஞ்சல் மூலம் செபி அம்பலப்படுத்தியிருக்கிறது.

இந்நிலையில் விதிமீறல்களில் ஈடுபட்டதற்காக சித்ரா ராமகிருஷ்ணாவுக்கு ரூ.3 கோடியும் முன்னாள் தலைமை செயல் அதிகாரி ரவி நரேனுக்கும், ஆனந்த் சுப்ரமணியனுக்கும் தலா ரூ.2 கோடியும் செபி அபராதம் விதித்தது. சித்ரா பதவியில் இருந்த மூன்று ஆண்டு காலத்தில் பல நிறுவனங்கள் அவரது செயல்பாடு குறித்து செபிக்கு புகார்கள் அளித்த நிலையில், அந்த குற்றச்சாட்டுகள்  தொடர்பாக செபி இப்போதுதான் புலனாய்வு அறிக்கையை வெளியிட்டிருக்கிறது என்பது குரிப்பிடத்தக்கது.

 

Stay Connected

261,614FansLike
1,915FollowersFollow
7,420SubscribersSubscribe

Other Articles

லாரியில் கட்டி தொங்க விடப்பட்ட இளைஞர்: வேகமாய் வண்டியோட்டிய ஓட்டுனர்!

0
ஒடிசாவில் செல்போன் திருடியதாக குற்றம் சாட்டப்பட்ட நபரை லாரியின் முன்புறம் கட்டிப் போட்டுவிட்டு, லாரி ஓட்டுனர் வண்டியை வேகமாக ஓட்டிய சம்பவம் பெரும் பரபரப்பைக் கிளப்பியுள்ளது. ஒடிசாவின் கேந்திரபாரா மாவட்டத்தின் மார்ஷாகாய் பகுதியைச் சேர்ந்த...

பிரதமர் மோடி இன்று சென்னை வருகை; விழா  மேடையில் பிரதமருடன் முதல்வர் ஸ்டாலின்! 

0
தமிழகத்தில்  31 ஆயிரத்து 400 கோடி ரூபாய் மதிப்பிலான 11 திட்டங்களை தொடங்கி வைப்பதற்கும் அடிக்கல் நாட்டுவதற்கும் இன்று மாலையில்  1 நாள் பயணமாக பிரதமர் மோடி சென்னை வருகிறார். -இதுகுறித்து தமிழக அரசு...

இந்திய விமானப் படையின் முதல் பெண் போர் விமானி: அபிலாஷா பராக்!

0
இந்திய விமானப் படையில் இணைந்த  முதல் பெண் போர் விமானி என்ற பெருமை பெற்றுள்ளார் அபிலாஷா பராக். இந்திய ராணுவத்தின்  விமானப் படையில் இதுவரை போர் விமானிகளாக பெண்கள் யாரும் பணிபுரியாத நிலையில், முதன்முறையாக...

சீனர்களுக்கு விசா வாங்கிய வழக்கு: டெல்லி சிபிஐ-யில் கார்த்தி சிதம்பரம் ஆஜர்!

0
மத்திய முன்னாள் நிதியமைச்சரும் காங்கிரசின் மூத்த தலைவருமான ப.சிதம்பரம் கடந்த 2011-ம் ஆண்டு மத்திய உள்துறை அமைச்சராக இருந்தபோது, அவரது மகன் கார்த்தி சிதம்பரம் தனது செல்வாக்கைப் பயன்படுத்தி சட்ட விரோதமாக 263...

காஷ்மீரில் டிக்டாக் பெண் பிரபலம் சுட்டு கொலை; தீவிரவாதிகள் கைவரிசை!

0
காஷ்மீரில் டிக்டாக் மூலம் பிரபலமான அம்ரீன் பட் (35). என்ற பெண்மணி நேற்றிரவு தீவிரவாதிகளால் சுட்டுக் கொல்லப்பட்டார். காஷ்மீரின் பட்காம் மாவட்டத்தைச் சேர்ந்த அம்ரீன் பட், கடந்த இரண்டு வருடங்களாக டிக் டாக் மூலம்...