சகுந்தலை சமந்தா!

-ராகவ் குமார்.

இந்த ஆண்டு நடிகைகளில் அதிகம் பரபரப்பாக பேசப்படுபவர் சமந்தா.   விவாகரத்து பிரச்சனை, ஓ சொல்றியா மாமா.. சூப்பர் ஹிட் பாட்டு என செம ட்ரெண்டிங்கில் தொடர்ந்து இருக்கிறார் சமந்தா.

இப்போது சமந்தா லேட்டஸ்டாக நடிக்கும் படங்களின் தலைப்பிலும் ரசிகர்களின் கவனத்தை ஈர்த்துள்ளார். யசோதா, சாகுந்தலம் என புராண இதிகாச பெயர்களில்  தலைப்புள்ள படங்களில் நடிக்கிறார்.

சாகுந்தலம்  படத்தின் போஸ்டர்களில் சமந்தா வித்தியாசமாக, கொள்ளை அழகாக தெரிகிறார். சுற்றிலும் மான்கள் இருக்க ஒரு நந்தவனத்தில் புராணகால் ரிஷி பத்தினி சாயலில் ரசிகர்களின் உள்ளத்தை கொள்ளை கொள்கிறார்.

இது புராண சகுந்தலையா, அல்லது மாடர்ன் சகுந்தலையா என்பது படம் வந்த பின்புதான் தெரியும்.

சாகுந்தலம் படத்தை குண சேகர் இயக்குகிறார். அல்லு அர்ஜுன் மகள் அல்லு அர்கா  இதில் புதுமகமாக அறிமுகம் ஆகிறார். மோகன் பாபு முக்கிய கதாபாத்திரத்தில் நடிக்கிறார்.தமிழ்,தெலுங்கு, கன்னடம், மலையாளம், ஹிந்தி என பன் மொழிகளில் இப்படம் தயாராகிறது.இது இந்திய படமாக இருக்குமாம்.

வித்தியாசமான கதைகளை தேர்ந்தெடுத்து நடிப்பதில் கவனம் செலுத்தி வருகிறார் சமந்தா. பெண்களை மைய படுத்தி எடுக்கப்படும் திரைப்படங்கள் குறைந்து வரும் சினிமாவில் கதாநாயகியை மையமாக வைத்து படம் வருவது ஆரோக்கியமான விஷயம்தான்.