சூப்பர் சிங்கர் 9 இறுதிப் போட்டியில் அருணா ரவீந்திரன் டைட்டிலை வென்றார். ரியாலிட்டி ஷோ-வான சூப்பர் சிங்கர் சீசன் 9-ன் மிகவும் எதிர்பார்க்கப்பட்ட கிராண்ட் ஃபினாலே நேற்று நடந்தது. இதில் போட்டியாளர் அருணா ரவீந்திரன் சூப்பர் சிங்கர் சீசன் 9 வெற்றியாளர் கோப்பையைத் தூக்கி, ரியாலிட்டி ஷோவின் இறுதி வெற்றியாளராக டைட்டிலை வென்ற மகிழ்ச்சியில் பிரகாசித்தார். அதோடு அவருக்கு ரூ.10 லட்சம் ரொக்கப் பரிசும் வழங்கப்பட்டது. தவிர 60 லட்சம் மதிப்புள்ள ஒரு வீட்டையும் பரிசாகப் பெற்றார்.

கல்கி செய்திஇறுதிப் போட்டியின் போது, நடுவர்களும் நடுவர் குழுவும், சூப்பர் சிங்கர் சீசன் 9-ன் வெற்றியாளராக அருணா ரவீந்திரனை அறிவித்தனர். அதன் பிறகு, தனக்கு ஆதரவளித்த அனைவருக்கும் அவர் நன்றி தெரிவித்தார். இந்த பயணம் முழுவதும் தனக்கு முதுகெலும்பாக இருந்த தனது குரு மற்றும் ரியாலிட்டி ஷோவின் வழிகாட்டிகளுக்கு நன்றி தெரிவித்தார்.

தவிர, பிரியா ஜெர்சன் முதல் ரன்னர்-அப்பாக அறிவிக்கப்பட்டார். அவருக்கு 10 லட்சம் ரூபாய் ரொக்கப் பரிசு வழங்கப்பட்டது. பிரசன்னா ரியாலிட்டி ஷோவின் இரண்டாவது ரன்னர்-அப் ஆனார். அவருக்கு ஐந்து லட்சம் ரூபாய் ரொக்கப் பரிசு வழங்கப்பட்டது. இந்நிகழ்ச்சிக்கு சிறப்பு விருந்தினராக வருகைப் புரிந்த இசையமைப்பாளர் ஹாரிஸ் ஜெயராஜ், பரிசுகளை வழங்கினார்.

சூப்பர் சிங்கர் சீசன் 9, தமிழ் தொலைக்காட்சியில் மிகவும் பிரபலமான ரியாலிட்டி ஷோக்களில் ஒன்றாகும். இதில் அனுராதா ஸ்ரீராம், பி. உன்னிகிருஷ்ணன், பென்னி தயாள் மற்றும் ஸ்வேதா மோகன் ஆகியோர் நடுவர்களாக உள்ளனர். மகாபா ஆனந்த் மற்றும் பிரியங்கா தேஷ்பாண்டே நிகழ்ச்சியை தொகுத்து வழங்குகின்றனர்.

சூப்பர் சிங்கர் சீசன் 9 நவம்பர் 2022-ல் ஒளிபரப்பை தொடங்கியது. இந்த நிகழ்ச்சி இந்தி, தெலுங்கு, மலையாளம், கன்னடம் மற்றும் பெங்காலி ஆகிய நான்கு வெவ்வேறு மொழிகளில் ரீமேக் செய்யப்பட்டது குறிப்பிடத்தக்கது.