சமீப ஆண்டுகளில் டெக்ஸ்டைல் துறை குறிப்பிடத்தக்க மாற்றத்திற்கு உட்பட்டுள்ளது. இது சுற்றுச்சூழல் உணர்வு மற்றும் உலகளாவிய மாற்றத்தை பிரதிபலிக்கிறது எனலாம். இதனாலேயே சுற்றுச்சூழலுக்கு பாதிப்பை ஏற்படுத்தாத தயாரிப்புகள் இப்போது எழுச்சி பெறுகிறது. இத்தகைய மாற்றத்தினால் உடையை பயன்படுத்துவோர் மற்றும் அதை தயாரிப்போர் நமது கிரகத்தை பாதுகாப்பதற்கு எந்த அளவுக்கு முக்கியத்துவம் கொடுக்கிறார்கள் என்பதை தெரிந்துகொள்ள முடிகிறது.

ஒரு காலத்தில் டெக்ஸ்டைல் துறை என்பது மக்களின் அதிகப்படியான பயன்பாடு, கழிவுகள் மற்றும் இயற்கை வளங்களை அழித்தல் போன்றவற்றுடன் அதிக தொடர்புடையதாகும். இருப்பினும் கடந்த சில வருடங்களாக இதில் பல மாற்றங்கள் ஏற்பட்டுள்ளது. இது வழக்கமான உடை தயாரிப்பு, சுற்றுச்சூழல் மற்றும் சமூக பாதிப்புகள் போன்றவற்றால் ஏற்படும் விளைவைப் பொறுத்து மாறியுள்ளது எனலாம்.

இதில் குறிப்பிடத்தக்க விஷயம் என்னவென்றால், சுற்றுச்சூழலுக்கு பாதிப்பில்லாத பொருட்களை பயன்படுத்துவது மற்றும் சுற்றுச்சூழலுக்கு உகந்த நடைமுறைகளில் உடைகளைத் தயாரிப்பது அதிக நன்மைகளை வழங்குகிறது. பருத்தி, சணல், மூங்கில் மற்றும் மறு சுழற்சி செய்யப்பட்ட துணிகள் போன்றவை தற்போது அதிக பிரபலமாக உள்ளது. ஏனெனில், இவற்றை தயாரிப்பதற்கு பூச்சிக்கொல்லிகளோ அல்லது அதிக நீரோ தேவையில்லை.

இதனால் சுற்றுச்சூழல் மாசு மற்றும் கார்பன் போன்றவை கட்டுப்படுத்தப்படுகிறது. மேலும், பல பிராண்டுகள், நியாயமான ஊதியம், பாதுகாப்பான வேலை மற்றும் உடை தயாரிக்கும்போது குறைந்த கார்பன் உமிழ்வை உறுதிப்படுத்துகின்றன. இதனால் சுற்றுச்சூழல் மட்டுமின்றி, உடை தயாரிப்பில் ஈடுபட்டுள்ள மக்களுக்கும் நன்மை அடைகின்றனர்.

அதேபோல, துணிகளை வாங்குவோரும் தாங்கள் வாங்கும் உடைகளில் அதிக விழிப்புணர்வுடன் உள்ளனர். மக்கள் தற்போது தங்கள் வாங்கும் பொருட்களின் தோற்றம், அதில் பயன்படுத்தியுள்ள பொருட்கள் மற்றும் அவர்கள் ஆதரிக்கும் நிறுவனங்களின் நடைமுறைகளை கருத்தில் கொண்டு உடையை தேர்வு செய்கின்றனர். இத்தகைய மக்களின் விழிப்புணர்வால் டெக்ஸ்டைல் துறை மட்டுமின்றி, பல்வேறு துறைகளுக்கும் நேர்மறையான மாற்றம் ஏற்படும் எனலாம்.