கே.எஸ்.கிருஷ்ணவேனி
நாம் அணியும் உடைகள் நமது ஆளுமையையும், மனநிலையையும், நம்மைப் பற்றிய ஒரு மதிப்புரையையும் வழங்கக்கூடியவை.
நாம் நம்மை எப்படி உணர்கிறோம் மற்றவர்கள் நம்மை எப்படி எண்ணுகிறார்கள் என்பதில் நமது ஆடைத் தேர்வுகள் ஆழமான தாக்கத்தை உண்டு பண்ணும்.
நமது உடைகள் நம் எண்ணங்களையும், நடத்தையையும் பிரதிபலிக்கும் ஆற்றல்கொண்டவை என்று உளவியல் நிரூபித்துள்ளது.
நம்முடைய ஆடைத் தேர்வுகள் நமது கலாச்சார பின்னணியையும், நம் தனிப்பட்ட ஆர்வங்களையும், அபிலாஷைகளையும் பிரதிபலிக்கும்.
மஞ்சள் அல்லது ஆரஞ்சு: மஞ்சள் அல்லது ஆரஞ்சு போன்ற பிரகாசமான வண்ணங்களில் ஆடைகள் அணிவது நம் உற்சாகத்தை மேம்படுத்துவதுடன், மகிழ்ச்சியையும், நம்பிக்கை உணர்வுகளையும் ஊக்குவிக்கும்.
நீலம் மற்றும் பச்சை: நீலம் அல்லது பச்சை போன்ற குளிர்ச்சியான வண்ணங்கள் மன அமைதியை ஏற்படுத்தும்.
ஆரஞ்சு நிறம்: ஆரஞ்சு நிறமான காந்த அலைக் கதிர்கள் நம் உடலின் எலும்புகளுடன் தொடர்புடையவை. ஆரஞ்சு வண்ண ஆடைகளை ஞாயிற்றுக்கிழமைகளில் அணிவது நல்லது.
வெண்மை நிறம்: இவை நம் உடலின் ரத்தத்துடன் தொடர்புடையவை. திங்கட்கிழமைகளில் வெண்மை, சில்வர் நிற ஆடைகளை அணிவது சிறப்பு.
இளம் சிவப்பு நிறம்: இளம் சிவப்பு நிறம் நம் உடலின் எலும்பு மஜ்ஜையோடு தொடர்புடையது. செவ்வாய்க்கிழமைகளில் இளம் சிவப்பு நிற ஆடைகளை அணிவது நல்லது.
பச்சை நிறம்: பச்சை நிறமானது நம் உடலின் சருமத்தோடு தொடர்புடையது. புதன்கிழமைகளில் பச்சை நிற ஆடைகள் அணிவது சிறப்பாக கருதப்படுகிறது. பச்சை நிற ஆடைகளை அணிவதால் நம் உடல் சூடு குறையும்.
பொன்னிறம் அல்லது மஞ்சள்: பொன்னிறமானது நம் உடலின் மூளையுடன் தொடர்புடையது. வியாழக்கிழமைகளில் மஞ்சள் அல்லது பொன்னிறமான ஆடைகளை அணியலாம்.
வெண்மை அல்லது கடல் நீலம்: வெள்ளிக்கிழமைகளில் வெண்மை அல்லது கடல் நீலக் கலரில் ஆடைகள் அணிவது சிறப்பு. இந்த வண்ணங்கள் உடலின் விந்துநாதத்துடன் தொடர்புடையவை.
சாம்பல் அல்லது கருப்பு நிறம்: சாம்பல் அல்லது கருப்பு நிறமானது நம் உடலின் நரம்புகளோடு தொடர்புடையவை. சனிக்கிழமைகளில் சாம்பல் நிற ஆடைகளை அணிவது சிறப்பாகக் கருதப்படுகிறது.