தேனீக்களைப் பற்றி பலரும் அறியாத சுவாரசிய தகவல்கள்!

அண்டார்டிகா தவிர அனைத்து கண்டங்களிலும் காணப்படும் சிறு பூச்சி இனம் தேனீ.

தேனீக்களால் தான் தாவரங்களில் மகரந்த சேர்க்கை உருவாகி தாவர இனங்கள் பெருகுகின்றன.

தேனீக்கள் கூட்டமாக வாழும். ஒவ்வொரு கூட்டத்திலும் 30,000 முதல் 40,000 வரை தேனீக்கள் இருக்கும்.

ஒரு குழுவில் ஒரு ராணித் தேனீ, நூற்றுக்கணக்கில் ஆண் தேனீகள் மற்றும் வேலைக்காரத் தேனீகள் என மூன்று வகைகள் இருக்கின்றன.

ஒரு தேன்கூடு ஒரு வருடத்தில் சராசரியாக 30 முதல் 100 பவுண்டுகள் வரை தேனை உருவாக்கும். இதற்கு 800 தேனீக்களின் கூட்டுப் பங்களிப்பு தேவைப்படுகின்றது.

தேனீக்களுக்கு காதுகள் இல்லை. அவை சிறப்பு அசைவுகள் மூலம் ஒன்றை ஒன்றுத் தொடர்பு கொள்கின்றன. தேனீக்களுக்கு 4 இறக்கைகள் உண்டு. 6 கால்கள் கொண்ட பறக்கும் சிறு பூச்சி இனமாகும் இந்த தேனீக்கள்.

தேனீக்களுக்கு ஐந்து கண்கள் உள்ளன. தேனிக்கு ஒரு lb தேனை உருவாக்க 55 ஆயிரம் மைல்களுக்கு மேல் பறக்க வேண்டும்.

ஒரு கூட்டிற்கு ஒரு ராணி தேனீ மட்டுமே இருக்கும். இவை இரண்டு மூன்று ஆண்டுகள் வாழ்கின்றன. ராணி தேனீ ஒரு நாளைக்கு 2,000 முட்டைகள் வரை இடும்.

ராணித் தேனீீ மற்ற தேனீக்களை காட்டிலும் பெரியதாக இருக்கும். இதன் கொடுக்கு மற்றவற்றின் கொடுக்கிலிருந்து வேறுபட்டு இருக்கும்.

தேனீக்கள் சிறந்த பொறியாளர்களைப் போல செயல்பட்டு அறுங்கோண வடிவில் தேன்கூட்டை அமைக்கின்றன.

ராணித் தேனீ இடும் முட்டையிலிருந்து வரும் லார்வாக்களுக்கு ராயல் ஜெல்லி எனப்படும் ஊட்டச்சத்து மிக்க திரவம் தரப்படுகிறது. இந்த திரவத்தைப் பெற்ற ஒரு தேனீ மட்டுமே நல்ல வளர்ச்சி பெற்று ராணி தேனீயாக மாறுகிறது.