கிரி கணபதி
உலகின் மிக மெதுவான விலங்கான ஸ்லாத்துகள் பல விசித்திரமான குணங்களைக் கொண்டுள்ளன. இவற்றின் வியக்க வைக்கும் சில சுவாரஸ்யமான உண்மைகளை பார்க்கலாம் வாங்க.
1. இவை மிகவும் மெதுவாக நகரும் தன்மை கொண்டவை. ஒரு நிமிடத்திற்குச் சில அடிகள் மட்டுமே இவற்றால் நகர முடியும்.
2. இவற்றின் உடலில் பாசிகள் இயற்கையாகவே வளர்கின்றன. இந்தப் பாசிகள் காடுகளில் எதிரிகளிடமிருந்து தங்களை மறைத்துக்கொள்ளப் பெரிதும் உதவுகின்றன.
3. ஸ்லாத்துகள் தங்கள் வாழ்நாளின் பெரும்பகுதியை மரங்களிலேயே கழிக்கின்றன. உறங்குவது மற்றும் சாப்பிடுவது என எல்லாமே மரக்கிளைகளில் தான் நடக்கும்.
4. இவற்றின் செரிமான அமைப்பு மிகவும் மெதுவாகச் செயல்படும். ஒரு சிறிய இலை முழுமையாகச் செரிமானம் ஆக பல நாட்கள் பிடிக்கும்.
5. இவை நிலத்தில் நடப்பதை விடத் தண்ணீரில் சிறப்பாகச் செயல்படும். ஆபத்து காலங்களில் இவை மிக வேகமாக நீந்தும் ஆற்றல் பெற்றவை.
6. ஸ்லாத்துகள் வாரத்திற்கு ஒருமுறை மட்டுமே மரத்திலிருந்து கீழே இறங்கும். தங்களின் கழிவுகளை வெளியேற்ற மட்டுமே இவை தரையை நாடுகின்றன.
7. இவற்றின் கழுத்துப்பகுதி மிகவும் நெகிழ்வான அமைப்பைக் கொண்டுள்ளது. இதனால் தலையை இருநூற்று எழுபது டிகிரி வரை எளிதாகத் திருப்ப முடியும்.
8. இவை தலைகீழாகத் தொங்குவதற்கு ஏற்ப சிறப்பு ரத்த நாளங்களைக் கொண்டுள்ளன. இதனால் மூளைக்கு பாதிப்பு ஏற்படாமல் இவை பாதுகாப்பாக வாழ்கின்றன.
9. இவற்றின் நகங்கள் மிக நீளமாகவும் வளைந்தும் காணப்படும். இந்த நகங்கள் மரங்களை இறுக்கமாகப் பற்றிக்கொள்ளச் சிறந்த பிடிமானத்தைத் தருகின்றன.
10. இவை தங்களுக்குள் தொடர்புகொள்ள அதிக ஒலிகளை எழுப்புவதில்லை. பெரும்பாலும் அமைதியாகவே வாழும் குணத்தை இவை இயற்கையாகக் கொண்டுள்ளன.
சோம்பேறித்தனத்தின் அடையாளமாகக் கருதப்பட்டாலும் இவற்றின் வாழ்க்கை முறை மிகவும் வியப்பானது.