கரடிகள் பற்றிய சில தகவல்கள்!

ஒரு காலத்தில் நம் ஊர்களில் வீதிகளுக்கு அழைத்து வந்து வித்தை காட்ட உபயோகப் படுத்தப்பட்டன கரடிகள். கரடிகள் பற்றி சில விவரங்கள்.

கரடிகள் ஆக்ரோஷமானவை. கருப்பு, வெண்மை, பிரவுன், பழுப்பு நிறங்களில் காணப்படும். ஆப்பிரிக்கா, ஆஸ்திரேலியாவிலும் கரடிகள் இல்லை.

துருவ பகுதிகளில் வசிக்கும் எஸ்க்கிமோக்களின் மொழியில் ஆர்க்டோஸ் என்றால் கரடிகள் பிரதேசம் என்று பொருள். அதிலிலிருந்து தான் வட துருவப் பகுதி 'ஆர்ட்டிக்' என்று அழைக்கப் படுகின்றது.

கரடிகளின் பார்வை திறன் குறைவு. கண்கள் சிறிதாக இருக்கும். காதுக்கள் பெரிதாகக் காணப்படும்.

இவைகளுக்கு 42 பற்கள் உள்ளன. இரண்டு கால்களால் நிற்கும் திறமை கொண்டவை.

வேட்டையாடவும், எதிரிகளை தாக்க கால்களின் நீண்டு வளைந்துள்ள கூரான நகங்கள் உதவுகின்றன. உடல் முழுவதும் அடர்த்தியான ரோமங்கள் இருக்கும்.

மோப்ப சக்தியும், கேட்கும் சக்தியும் கொண்டவை. மணிக்கு 35 மைல் வேகத்தில் கருப்பு நிறக் கரடிகளால் ஓட முடியும்.

ஓய்வு எடுக்காமல் சுமார் 100 மைல்களை கடக்கும் தனி திறமை கொண்டவை பனிக் கரடிகள்.

கரடிகளால் வேகமாக நீந்தவும், மரம் ஏறவும் முடியும்.

சராசரியாக நான்கு அடி உயரம், 115 கிலோ எடை இருக்கும். தோல், கணையம் மருத்துவ குணம் உள்ளதாக நம்பப்படுவதால், கரடிகள் வேட்டையாடப்பட்டு வருகின்றன.

கோடை காலங்களில் இனப் பெருக்கத்தில் ஈடு படுகின்றன. கர்ப்ப காலம் ஏழு மாதங்கள்.

ஒரு முறையில் ஒன்று, இரண்டு குட்டிகள் பிறக்கும். அவற்றை பராமரிப்பது தாய் கரடி. குட்டிக்களை சுமார் 3 வருடங்கள் வரையில் பாதுகாக்கும்.

துருவ பிரதேச கரடிகள் பெரும்பாலும் குளிர்காரணமாக உறங்கிய படியே இருக்கும்.

பெரும்பாலான கரடிகள் மீன்கள், இறைச்சி இவற்றை உண்ணும். செடிகள், பூச்சிகளை உண்ணும் கரடிகளும் உள்ளன. தேன், நாவல் பழங்களை கரடிகள் மிகவும் விரும்பி உண்ணும். இரவு நேரங்களில் பொதுவாக இரை தேடும்.

வலிமையான நகங்களால் கரையான், எறும்பு புற்றுக்களை தோண்டி எடுக்கும்.

கரடியால் மற்ற ஒரு கரடியின் முகத்தை அடையாளம் கண்டு கொள்ள முடியும். கரடிகள் சந்தர்ப்பத்திற்கு தக்கவாறு வித்தியாசமான பல வித சப்தங்களை எழுப்ப வல்லது. எட்டு வகை கரடிகளில், இந்தியாவில் நான்கு வகைகள் உண்டு.