சி.ஆர்.ஹரிஹரன்
எலுமிச்சை ஊறுகாயுடன் சிறிது வதக்கிய இஞ்சித்துண்டுகள் சேர்த்தால் ருசி கூடும்.
தேன்குழல், சீடை, முறுக்கு செய்யும் மாவுடன் வெந்நீர் ஊற்றிப் பிசைந்து செய்தால் எத்தனை நாளானாலும் நமுத்துப் போகாது.
ஜாங்கிரியை துணியில் பிழிய வராதவர்கள் மாவை முறுக்கு அச்சில் போட்டுப்பிழிய, சுலபமாக வரும்.
பூரி செய்ய மாவை தயாரிக்கும் போது உடனே பயன்படுத்தி விட வேண்டும். அதிகநேரம் கழித்து பூரி சுட்டால் அதிகமான எண்ணெய் குடிக்கும்.
நறுக்கி வைத்த வெங்காயத்தில் சிறிதளவு வெண்ணைய் கலந்து வைத்தால் நீண்ட நேரம் ஃப்ரெஷ்ஷாக இருக்கும்.
உருளைக்கிழங்கு, காலிஃப்ளவர் ஆகியவற்றை சமைக்கும் போது தண்ணீரில் சில சொட்டு வினீகர் சேர்த்தால் நிறம் மாறாமல் இருக்கும்.
வீட்டில் பனீர் செய்யும்போது எலுமிச்சைச்சாற்றை சூடான பாலில் கலப்பதை விட வெது வெதுப்பான பாலில் தயிரைக் கலந்தால் நிறைய பனீர் கிடைக்கும். மிருதுவாகவும் இருக்கும்.
மோர்க்குழம்பு செய்து இறக்குவதற்கு முன் சிறிது தேங்காய் எண்ணெய் விட்டு இறக்கினால் அதன் ருசியே அலாதி தான்.
ரவா, மைதா தோசைக்கு கரைத்த மாவிலேயே தேவையான எண்ணெய்யை ஊற்றிவிட்டால் ஒவ்வொரு தோசைக்கும் தனித் தனியே எண்ணெய் ஊற்ற வேண்டிய அவசியம் வராது.
ஜவ்வரிசியை சிறிது நெய்யில் வறுத்து, ஆறியதும் தயிர், உப்பு, நறுக்கிய கொத்தமல்லி, கீறிய மிளகாய், கடுகு சேர்த்து தாளிக்கவும். வித்தியாசமான பச்சடி ரெடி.
துருவிய தேங்காயை காற்றுப் புகாத டப்பாவில் அடைத்து ஃப்ரிட்ஜில் பால் வைக்கும் ட்ரேயில் வைத்து விட்டால் 15 நாட்கள் வரை கெடாமல் இருக்கும்.
உருளைக்கிழங்கு வறுவல் செய்யும் போது புளிப்பு இல்லாத தயிர் சிறிது கலந்து செய்து பாருங்கள். மிகவும் சுவையாக இருக்கும்.