காதலர் தின சிறப்பு பரிசு ஐடியாக்கள் சில!

காதலர்கள் தினம் இன்னும் இரண்டு நாட்களில் களைகட்ட காத்திருக்கிறது. காதலர்கள் என்ன கிப்ட் கொடுப்பது என்று தலையை பிய்த்துக் கொண்டு யோசித்து இருப்பார்கள். காதலர் தின பரிசு யோசனைகள் சில.

மேஜிக் கப் (Magic mug): மேஜிக் கப்பில் சூடான பானம் நிரப்பப்படும் பொழுது நாம் விரும்பும் நபர்களுக்காக பிரத்தியேகமாக ஒரு தனிப்பயனாக்கப்பட்ட செய்தி அல்லது புகைப்படம் வெளிப்படும். இது காதலர்கள் தினத்தன்று பரிசளிக்க ஏற்ற பொருளாகும்.

புகைப்பட பாப்-அப் பெட்டி (Photo pop up box): சிறப்பு செய்தியுடன் கூடிய ஆல்பம் சிறந்த நினைவுகளைப் பெறவும்,  உயிர்பிக்கவும் ஏற்ற சிறந்த பரிசுப்  பொருளாகும். காலத்தால் அழியாத புகைப்படங்களும்,  செய்திகளும் கூடிய இதனை காதலர் தின பரிசாக கொடுக்க மகிழ்வார்கள்.

கிளட்ச் பை (Glitch Bag): ஒரு அழகான கிளட்ச் பை  மிகவும் பொருத்தமான பரிசாக இருக்கும். அத்துடன் அன்பின் பரிசாக சிகப்பு ரோஜாக்கள் கொடுத்து மகிழ்விக்கலாம்.

3D மினியேச்சர் ஜோடி (3D Miniature couple): தனிப்பயனாக்கப்பட்ட 3D மினியேச்சர் ஜோடி  உங்கள் காதலரை ஆச்சரியப்படுத்தும் இனிமையான பரிசு பொருளாகும். அத்துடன் அந்தப் பரிசுப் பொருள் அவரை மிகவும் சிறப்பு வாய்ந்தவராக உணரச் செய்யும்.

தனிப்பயனாக்கப்பட்ட வட்ட வடிவ புகைப்பட இரவு விளக்கு (Round Photo night lamp): அழகான உங்கள் புகைப்படத்துடன் கூடிய அற்புதமான இரவு விளக்கு உங்கள்  படுக்கை அறைக்கு கூடுதல் சிறப்பைத் தரும். இதை உங்கள் அழகிய இனிமையான நினைவுகளை மீட்டெடுக்கும்.

வேலைப்பாடுகள் மிகுந்த நகைப்பெட்டி (Jewelry box): நகைகளை பாதுகாக்கும் அழகான வேலைப்பாடுகள் மிகுந்த நகைப்பெட்டி சிறந்த பரிசு பொருளாகும். இதனை பரிசாக பெரும் காதலர் நிச்சயம் மகிழ்ச்சியில் திளைப்பார்கள்.

ஆண்களுக்கான சிறப்பு பரிசு: அழகான டை மற்றும் கஃப்லிங்க்ஸ், தோல் பணப்பை மற்றும் பெல்ட் உள்ள சிறந்த தொகுப்பான இதனை பரிசாக பெரும் ஆண்கள் மிகவும் மகிழ்ச்சி அடைவார்கள்.

சாக்லேட் புகைப்பட கேக் (Chocolate photo cake): ஒரு சுவையான சாக்லேட் கேக். அதில் உங்கள் இருவரின் அழகான புகைப்படம் மற்றும்  சிறப்பாக அலங்கரிக்கப்பட்ட அந்த கேக்கின் சுவை உங்களை திருப்தி படுத்துவதுடன் உங்கள் இதயத்தையும் உருக்கும் வண்ணம் இருக்கும்.

ஐ லவ் யூ ஷேடோ பாக்ஸ் (I love You shadow Box): இனிமையான செய்தியுடன் கூடிய நிழல் பெட்டியை வாங்கி வந்து உங்கள் அறையில் வைத்து அதன் அழகைக் காண LEDஐ இயக்கவும். காதலர்களுக்கு ஏற்ற சிறந்த காதலர் தின பரிசாகும்.