ஆர்.பிரசன்னா
பேட்மிண்டன் (Badminton): இந்தியாவில் விளையாடப்பட்ட 'பூனா' ஆட்டம், இங்கிலாந்தின் 'பேட்மிண்டன் ஹவுஸ்' எஸ்டேட்டில் விளையாடப்பட்டதால், அந்த இடத்தின் பெயரிலேயே உலகப்புகழ் பெற்ற விளையாட்டாக நிலைத்துவிட்டது.
பில்லியர்ட்ஸ் (Billiards): இப்பெயர் பிரெஞ்சு வார்த்தையான 'Billart' எனும் சொல்லில் இருந்து உருவானது. பிரெஞ்சு மொழியில் இதற்கு "பந்தை அடிக்கும் குச்சி" என்று அர்த்தம்.
கேரம் (Carrom): கேரம் விளையாட்டிற்கு இப்பெயர் எப்படி வந்தது தெரியுமா? பிரெஞ்சு மொழியில் 'கேரம்' என்றால் 'அடித்து தள்ளச் செய்தல்' என்று அர்த்தமாம். அதன் காரணமாகவே இப்பெயர் ஏற்பட்டது.
தேர், குதிரை, யானை, வீரர்கள் (Chariot, Horse, Elephant, SoldierS) ஆகிய நான்கு படைகளின் ஆங்கில முதல் எழுத்துக்களைக் கோர்த்து 'CHESS' என்ற பெயர் உருவானது.
கோல்ஃப் (Golf): இப்பெயர் நெதர்லாந்தின் பழமையான 'Kolf' (அல்லது Kolve) என்ற வார்த்தையிலிருந்து உருவானது. அதன் பொருள் 'மட்டை' அல்லது 'கம்பு' என்பதாகும்.
ஹாக்கி (Hockey): பிரெஞ்சு மொழியில் 'Hoquet' என்றால் ஆடு மேய்ப்பவரின் கோல் என்று பொருள். அந்த வளைந்த தடியைப் போலவே ஹாக்கி மட்டை இருப்பதால் இப்பெயர் உருவானது.
கபடி (Kabaddi): 'கபடி' என்ற சொல், எதிரணியினரைத் தொட்டுப் பிடிப்பதைக் குறிக்கும் தமிழ் வார்த்தையான 'கை-பிடி' என்பதிலிருந்து மருவி வந்ததாகும்.
போலோ (Polo): இதன் பெயர் திபெத்திய வார்த்தையான 'Pulu' என்பதிலிருந்து வந்தது. இதன் பொருள் 'பந்து' (Ball) என்பதாகும். பண்டைய காலத்தில் மத்திய ஆசியாவில் குதிரை மீது அமர்ந்து விளையாடப்பட்ட இந்த விளையாட்டுக்கு இப்பெயர் சூட்டப்பட்டது.
டென்னிஸ் (Tennis): இப்பெயர் பிரெஞ்சு வார்த்தையான 'Tenez' என்பதிலிருந்து வந்திருக்கலாம் எனக் கருதப்படுகிறது. பிரெஞ்சு மொழியில் 'டெனெஸ்' என்றால் 'எடுத்துக்கொள்' அல்லது 'தயாராக இரு' என்று பொருள்படும்.
வாலிபால் (Volleyball): 'வாலி' (Volley) எனும் ஆங்கிலச் சொல்லுக்கு 'மாறி மாறி அடித்தல்' என்று பொருள். இரண்டு பக்கங்களிலும் உள்ள ஆட்டக்காரர்கள் பந்தை நிலத்தில் விடாமல் மாறி மாறி அடித்து விளையாடுவதால் இதற்கு 'வாலிபால்' என்று பெயர் ஏற்பட்டது.