கோழிகள் பற்றி சில தகவல்கள்!

கோழிகள் பறவை வகையை சார்ந்தவை. வண்ணக் கோழி குடும்பம் மற்றும் காட்டுக் கோழி பேரினத்தில் பங்கு வகிப்பவை.

ஆண் கோழிகளை சேவல் என்றும், பெண் கோழிகளை பெட்டை கோழி என்றும் அழைக்கின்றனர். குட்டி சிறிய கோழிகள் கோழிக் குஞ்சுகள் ஆகும்.

உலகில் உள்ள எல்லா கோழியினங்களும் இந்தியாவைத் தயமாகாக் கொண்ட சிவப்புக் காட்டுக்
கோழியிலிருந்து உருவாகியதாக கருதப்படுகின்றது.

கோழிகள் அதிகபட்சம் பத்து வருடங்கள் உயிர் வாழும். இவை கூட்டமாக வாழும் தன்மை கொண்டவை.

விடுகளில் வளர்க்கப்படும் கோழிகள் அதிக தூரம் பறக்காது. பெரும்பாலும் நடந்தே நகரும். ஆபத்தை உணர்ந்தால் பறக்க முயலும்.

சில நேரங்களில் பெட்டைக் கோழி முட்டையிட்டதும் பெரிதாக கொக்கரிக்கும். கோழிகள் 21 நாட்கள் அடை காக்கும்.

கோழிகள் உணவு கிடைத்தால் கொக்கரிப்பதன் மூலம் குஞ்சுகளுக்கு உணவு உண்ண வகை வகுக்கும்.

கோழி ஓர் அனைத்துண்ணிப் பறவையாகும். நிலத்தை கிளறி விதைகள், பூச்சிகள், தானிய வகைகள் இவற்றை உண்ணும்.

பல வகை கோழி இனங்கள் உள்ளன. அமெரிக்க, ஆசிய, ஆங்கில மற்றும் மத்திய கோழி இனங்களாக பிரிக்கப் பட்டுள்ளன.

பல வகை வண்ணங்கள் கலந்தும் கோழிகள் காணப்படும். சில வகைகள் இறகுகள் இல்லாமலும் காணப்படுகின்றன.

தோல் நிறம் மஞ்சள், வெள்ளை மற்றும் முட்டைகள் ஓட்டின் நிறம் பழுப்பு, வெள்ளை நிறத்திலும் இருக்கும்.

நாட்டுக் கோழி. ஆந்திர பிரதேசத்தை சார்ந்தவை. சண்டை போடும் திறன் கொண்டவை ஏசெல் என்று அழைக்கப் படுகின்றன.

சிறுவிடை வகை தமிழகத்தை தாயகமாக கொண்டவை. அதிக பட்சமாக சேவல் இரண்டு கிலோவும், பெட்டை கோழி ஒன்றரை கிலோவும் எடை இருக்கும்.

ஹிட்காரி வகை நீளமான கழுத்து உடையவை. கழுத்து முன் பகுதியில் கொத்தாக சிறகுகள் இருக்கும். கேரளாவின் திருவனந்தபுரத்தை சார்ந்தவை.

யு பி கரி வகை. சுரு சுருப்புக்கு பெயர் பெற்றவை. வீடுகளில் வளர்க்க தோதானது. நோய் எதிர்ப்பு திறன், நல்ல வளர்ச்சியும் கொண்டவை.

கரி சியாமா வகை. மத்திய பிரதேசம், ராஜஸ்தான், குஜராத் ஆகிய இடங்களில் காணப்படுபவை. இவற்றின் இறைச்சி மருத்தவ குணம் கொண்டதாக் கருதப்படுகின்றது.

தமிழ் நாட்டில் நாமக்கல் பகுதியில் அதிக கோழி பண்ணைகள் உள்ளன. இங்கு உற்பத்தியாகும் முட்டைகள் மேல் நாடுகளுக்கு ஏற்றுமதி செய்யப்படுகின்றன.