தீபாவளி சமையல் டென்ஷனா? கவலை விடுங்க, இந்த எளிய வழிகள் உங்களுக்காக!

Cooking tips

1. லட்டு பிடிக்கும்போது பாதாம் பவுடர் சிறிது சேர்த்தால், லட்டு பிடிப்பதும் எளிதாக இருக்கும். சுவை, மணம், சத்து கூடும்.

2. ரவா உருண்டை, பயத்தம் மாவு உருண்டை பண்ணும்போது, கொஞ்சம் மில்க் பவுடரை சேர்த்து, நெய்யை உருக்கிவிட்டுப் பிடித்தால், சுவை அதிகமாக இருக்கும்.

3. தேங்காய் பர்பி செய்யும்போது, கெட்டியான தேங்காய் பால் சேர்த்தால், பர்பி மிருதுவாகவும், சுவை கூடுதலாகவும் இருக்கும்.

4. சோமாஸ் செய்யும் போது, பொட்டு கடலையுடன் வறுத்து பொடித்த கசகசா மற்றும் எள் போட்டுக் கொண்டால், நல்ல மணமாக இருக்கும்.

5. இனிப்புகள் தயாரிக்கும்போது, சர்க்கரைக்கு பதில், வெல்லம் அல்லது தேன் ஏதாவது ஒன்றை பயன்படுத்தினால் சுவை கூடுதலாக இருக்கும்.

6. பாயசம் நீர்த்துப் போய்விட்டால், பொட்டுக்கடலை மாவை சிறிது கலந்து கிளறினால், பதம் சரியாகி, சுவையும் கூடும்.

7. கேசரி, பர்பி, பால்கோவா எது செய்தாலும் நான் ஸ்டிக் தவா பயன்படுத்தினால், அடி பிடிக்காது. கிளறுவது எளிது. நெய் செலவும் குறையும்.

8. பாகு மீந்து விட்டால் அதில் இஞ்சி நறுக்கி நெய்யில் வதக்கி போட்டு சாப்பிடலாம். தீபாவளி பலகாரங்கள் எளிதில் ஜீரணம் ஆகிவிடும். பாகும் வீணாகாது.

9. குலோப் ஜாமுனுக்கு உருண்டைகளை உருட்டும் போது, கையில் நெய் தடவிக் கொண்டு உருட்டினால் ஒட்டாது; ஜாமுனும் மணக்கும்.

10. தீபாவளி அன்று மதிய உணவு மோர் குழம்பு மிளகு சீரக ரசம், இஞ்சி துவையல் என்று எளிமையாக இருந்தால் அஜீரணம் மந்தம் பித்தம் எனும் பிரச்சனைகள் வராது.