பத்மப்ரியா
Rainy season
1. குளிர்காலத்தில் தயிர் கெட்டியாக உறையாது பாலில் மோர் ஊற்றியதும் சிறிது புளியை உருட்டி அதில் போட்டால் போதும். கெட்டியான தயிர் கிடைத்துவிடும்.
2. குளிர்காலத்தில் இட்லி, தோசை மாவு பொங்கி வராது. மாவு கரைத்ததும் வெந்நீர் பாத்திரத்தின் அருகில் வைத்தால் மாவு நன்றாக பொங்கி வரும்.
3. பீரோவில் வைக்கும் துணிகளுக்கிடையே வெள்ளை சாக்பீஸ்களை வைத்தால் துணிகளில் ஈரப்பதம் இருந்தால் அவை உறிஞ்சிக் கொண்டு விடும்.
4. மழைக்காலத்தில், வாசல் மிதியடி ஈரத்தால் சுருங்கிவிடும். எனவே ஈரத்தால் பாதிக்கப்படாத ரப்பர் மிதியடி வாசலிலும், உள்ளே நுழையும்போது பருத்தி மிதியடியையும் போட்டு வைக்கலாம்.
5. மழை காலத்தில் உப்பு ஜாடியில் ஈரம் கசிவதை தவிர்க்க, ஜாடியில் இரண்டு, மூன்று பச்சை மிளகாயை போட்டு வைத்தால் போதும்.
6. மழைக்காலத்தில் மிளகு, சீரகம், ஓமம், இஞ்சி போன்ற பொருட்கள் கலந்த உணவுகளையே சாப்பிட்டு வந்தால், இந்தப் பருவத்தில் வரும் நோய்களிலிருந்து காத்துக் கொள்ளலாம்.
7. மழை நீரைச் சேகரித்து, நன்கு காய்ச்சி ஆற வைத்து, முகத்தைக் கழுவினால் சருமம் மென்மையாக மாறும்.
8. மழைக்காலத்தில் பாய்கள் அல்லது மற்ற துணிப் பொருட்களை சுருட்டி வைக்கும்போது, அவற்றுக்குள் பழைய செய்தித்தாள்களை வைத்து சுருட்டி வைப்பது, பூஞ்சை பிடிப்பதைத் தடுக்கும்.
9. மழைக்காலத்தில் வரும் சேற்றுப் புண்ணுக்கு, மருதாணி அல்லது மஞ்சள் அரைத்து விரல் இடுக்குகளில் தடவி வந்தால் ஆறிவிடும்.
10. மழைக்காலத்தில் ஜில்லென்று இருக்கும் துணிகளை மடித்து, கம்பளியில் சுருட்டி, நான்கு மணி நேரம் கழித்து எடுத்தால், வெயிலில் காய வைத்தது போன்று மொட மொடப்பாக இருக்கும்.