பூனைகள் பற்றிய சில சுவாரஸ்யமான தகவல்கள்!

உலகமெங்கும் ஆகஸ்ட் 8ஆம் நாளன்று பன்னாட்டுப் பூனைகள் நாள் (International Cat Day) கடைப்பிடிக்கப்படுகிறது.

பூனைகள் 10,000 ஆண்டுகளாக மனிதனால் பழக்கப்படுத்தப்படுவதாக தொல்பொருள் ஆராய்ச்சியாளர்கள் கூறுகின்றனர். முதன்முதலில் ஆப்ரிக்கர்களே பூனைகளைப் பழக்கப்படுத்தினர்.

பூனைகள் மனிதனிடம் தனது அன்பினை வெளிப்படுத்த வாலை ஆட்டி, உரசித்தெரியப்படுத்தும். தம்மை வளர்ப்போரின் அருகே வந்து படுத்துக்கொள்வதும் உண்டு.

பூனைகள் பொதுவாக 2.5 லிருந்து 7 கிலோகிராம் வரை எடை கொண்டவையாக இருக்கின்றன.

பூனைகள், ஒரு உணவை மூன்று முறை ருசித்துச் சோதனை பார்த்தபின் நான்காவது முறைதான் நம்பிக்கையுடன் அதனை உண்ணும்.

பூனைகளால் கடல் நீரை குடிக்க முடியும். அதன்  சிறுநீரகங்கள் உப்பை வடிகட்டும் அளவிற்குத் திறன் கொண்டவை.

பூனைகள் இருமாதங்கள் வரை தமது குட்டிகளைச் சுமக்கும். ஒரு பூனை தமது வாழ்நாளில்  150 குட்டிகள் வரை ஈனும்.

பூனையின் சராசரி ஆயுட்காலம் 9.4 ஆண்டுகளிலிருந்து தற்போது 15 ஆண்டுகளாக அதிகரித்திருக்கிறது.

பூனைகளால் தங்களின் காதுகளைத் தனித்தனியாகக் கட்டுப்படுத்த முடியும். பூனை காதுகளை 180 டிகிரிக்கு நகர்த்தவும் முடியும்.

பூனைகளால் 100-க்கும் மேற்பட்ட வெவ்வேறு ஒலிகளை உருவாக்க முடியும்.

பூனைகள் ஆறுமடங்கு உயரத்தில் இருந்து குதிக்கும் திறனுடையவை.

பூனைகள் மியாவ் என்று குறிப்பிடுவது, மனிதர்களுடன் தொடர்பு கொள்வதற்கு மட்டுமே. தங்களின் சக பூனைகளோடு மியாவ் சத்தம் அரிதாகவே எழுப்புகின்றனவாம். மாறாக, அவை உடல் மொழி, வாசனை போன்றவற்றை வைத்தே ஒன்றுடன் ஒன்றை தொடர்பை ஏற்படுத்துகின்றன.

பூனைகளைப் பொறுத்தவரை தங்களைச் சுத்தம் செய்து கொள்வதில் மிகுந்த கவனமாக இருக்கும். இதனாலேயே தன்னை நாக்குகளால் நக்கிச் சுத்தம் செய்து கொள்கின்றன.

பூனைகள் தங்கள் பாதங்கள் வழியாக வியர்வையை வெளியேற்றுகின்றன.

பூனைகளின் உடல்தசைகள் மிகவும் நெகிழ்வுத்தன்மை மிக்கது. ரப்பரை போல வளையும் திறன் பூனைகளுக்கு உண்டு. எனவே, எத்தனை மாடி உயரத்தில் இருந்து விழுந்தாலும் பூனைகள் அடிபடாமல் உயிர் பிழைத்துக்கொள்ளும்.

பூனைகள் தங்களின் வாழ்நாளில் 70% தூங்கிக் கொண்டுதான் இருக்கும்.

பூனைகளின் நுகரும்புலன், மனிதனைவிட 14 மடங்கு அதிகம். பூனைகளின் நாக்கில் இனிப்புச் சுவையை அறியும் நுகர்மொட்டுகள் இல்லாததால், பூனைகளால் இனிப்புச்சுவையை அறிய இயலாது.