அடேங்கப்பா... கிரிக்கெட்டில் பயன்படுத்தப்படும் அதிநவீன தொழில்நுட்பத்தின் பயன்கள்!

நவீன கால தொழில்நுட்பங்கள் கிரிக்கெட் விளையாட்டில் குறிப்பிடத்தக்க தாக்கத்தை ஏற்படுத்தியுள்ளன. குறிப்பாக வீரர்களின் செயல்திறன் மற்றும்  ரசிகர்களின் பார்வை அனுபவத்தை மேம்படுத்த உதவுகின்றன. அப்படி  கிரிக்கெட்டில் பயன்படுத்தப்படும் சில சிறந்த தொழில்நுட்பங்கள் பற்றி தெரிந்துகொள்வோம்.

விளிம்பு கண்டறிதல் (Ultra Edge):- ஃபீல்டிங் குழுவால் ‘காட்ச்’ பிடிக்கப்படுவதற்கு முன்பு பந்து மட்டையுடன் தொடர்புகொண்டதா என்பதைத் தீர்மானிக்க மட்டையின் மீது உரசும் ஒலி அதிர்வுகளைக் கண்காணிப்பார்கள். இது சில நேரங்களில் நடுவர் முடிவுகளை மாற்றவும், நியாயமான ஆட்டத்தை வெளிப்படுத்தவும் உதவுகிறது.

பந்து கண்காணிப்பு (Ball Tracking):- பந்தின் படங்களை அதிக வேகத்தில் (ஒரு நொடியில் 1/100 பங்கு) படம்பிடிக்கும் தொடர் கேமராக்களை உள்ளடக்கியது. இந்தப் படங்கள் பந்தின் பாதையைக் கணக்கிடப் பயன்படுகின்றன. குறிப்பாக LBW (Leg Before Wicket) முடிவுகளில் நடுவர்களுக்குத் துல்லியமான தீர்ப்பு கொடுக்க உதவி செய்கிறது.

ஸ்மார்ட் பெயில்கள் (Smart Bails):- ஸ்மார்ட் பெயில்களில் சென்சார்கள் பொருத்தப்பட்டுள்ளன. அவை பந்து உராயும்போது ஒரு நொடிக்குள் ஒளிரும். பெயில்கள் ஸ்டம்களில் இருந்து கீழே விழும். இந்தத் தொழில்நுட்பம் துல்லியமான ரன்-அவுட் மற்றும் ஸ்டம்பிங் முடிவுகளுக்கு உதவுகிறது.

பறக்கும் கேமரா (Spider Cam):- கிரவுண்டுக்கு மேலே கெவ்லர் கம்பிகளால்(Kevlar wires) இடைநிறுத்தப்பட்ட கேமரா ஆகும். இது பல்வேறு கோணங்களில் இருந்து காட்சிகளை வழங்குகிறது. நேரடி ஒளிபரப்பின்போது பார்வையாளர்களின் அனுபவத்தை மேம்படுத்துகிறது.

ட்ரோன்கள் (Drones):- போட்டிகளின்போது வான்வழி காட்சிகளைப் படம்பிடித்து, தனித்துவமான கண்ணோட்டங்களை வழங்குகின்றன. வீரர்களின் அசைவுகளையும் ஆய்வு செய்ய உதவுகின்றன.

கிராபிக்ஸ் மற்றும் அனிமேஷன்:- ஒளிபரப்பின் போது பந்தின் வேகம், ரன் ரேட் மற்றும் பிளேயர் புள்ளிவிவரங்கள் போன்ற முக்கியமான தகவல்களை கிராபிக்ஸ் தொழில்நுட்படத்தால் வீட்டில் தொலைக்காட்சி மூலம் பார்க்க முடிகிறது.

வேக துப்பாக்கி (Speed Gun):- பந்து வீச்சாளர்களின் செயல்திறன் குறித்த நிகழ்நேரத் தரவை வழங்கும். பந்து வீச்சுகளின் வேகத்தை அளவிடும்.

பிட்ச் பார்வை (Pitch Vision):- சுழற்பந்து வீச்சாளர்கள் மற்றும் பேட்ஸ்மேன்களுக்கு பிட்ச் நிலைமைகளைப் புரிந்துகொள்ள இதைப் பயன்படுத்துவார்கள்.

ஸ்மார்ட் பால் (Smart ball):- ஸ்மார்ட் பந்துகளில் ஸ்பின் (Spin), சீம் மூவ்மென்ட் (seam movement) மற்றும் ஸ்விங் (swing) பற்றிய தரவுகளை சேகரிக்கும் சென்சார்கள் உள்ளன, இது பந்துவீச்சாளர்களின் திறமைகளை மேம்படுத்த உதவுகிறது.

அணியக்கூடிய சென்சார்கள் (Wearable Sensors):- இவை பிளேயர் அசைவுகள், இதயத் துடிப்பு மற்றும் சோர்வு நிலைகளைக் கண்காணிக்கும். பயிற்சியாளர்கள் மற்றும் பிசியோதெரபிஸ்டுகள் பயிற்சி மற்றும் மீட்பு உத்திகளை மேம்படுத்த இந்தத் தரவைப் பயன்படுத்துகின்றனர்.

வீரர் செயல்திறன் பகுப்பாய்வு (Player Performance Analytics):- டேட்டாஅனலிட்டிக்ஸ்கருவிகள், பேட்டிங்ஸ்ட்ரைக்ரேட்கள், பந்து வீச்சாளரின் ரன் சிக்கனத்தை மற்றும் பீல்டிங் திறன் உள்ளிட்ட வீரர்களின் செயல்திறன்களைப் பகுப்பாய்வு செய்கின்றன. குழுக்கள் இந்தத்தகவலைப் பயன்படுத்தி தேவைப்படும் மாற்றங்களைச் செய்கின்றனர்.