உணவு / சமையல்
அரைக்கீரை குழம்பு
என்.கோமதி, நெல்லை.
தேவை:-
அரைக்கீரை நறுக்கியது – 1கப்
புளிகரைசல்– 1/2கப்
மிளகாய் வத்தல்– 4
சின்ன வெங்காயம்– 6
காயப்பொடி –1/2 டீஸ்பூன்
வெந்தயம்– 1/2டீஸ்பூன்
கடுகு–1/2டீஸ்பூன்
உப்பு– திட்டமாக
நல்லெண்ணெய் –2டீஸ்பூன்
செய்முறை:-
வாணலியில், நல்லெண்ணெயை ஊற்றி, மிதமான தீயில் அடுப்பில் வைத்து, காய்ந்ததும், கடுகு, வெந்தயம் போட்டு வெடித்ததும், வத்தலை கிள்ளிப் போடவும்.சிவந்தவுடன் வெங்காயத்தை இரண்டாக, குறுக்கே வெட்டி சேர்த்து, வதங்கியதும், புளிக்கரைசலை ஊற்றவும். புளி கொதித்தவுடன் உப்பு மற்றும் கீரையைப் போட்டு அவ்வப்போது, பிரட்டி வேகவுடவும். கீரை வெந்தவுடன், காயப் பொடி சேர்க்கவும்.கீரை குழம்பு ரெடி. சாதத்தில் ஊற்றி, பிசைந்து, சுட்ட அப்பளத்துடன் சாப்பிட ருசி.