spot_img
0,00 INR

No products in the cart.

அரிசி குடும்ப அட்டைதாரர்களுக்கு ஒரே தவணையில் பொங்கல் தொகுப்பு: தமிழக அரசு உத்தரவு

தமிழகத்தில் அரிசி குடும்ப அட்டைதாரர்களுக்கு 20 பொருட்கள் அடங்கிய பொங்கல்தொகுப்பு மற்றும் முழு கரும்பை ஒரே தவணையில் வழங்க வேண்டும் என்றும், பொருட்கள் இல்லை என திருப்பியனுப்பக் கூடாது என்றும் நியாயவிலைக்கடை பணியாளர்களுக்கு அறிவுறுத்தப்பட்டுள்ளது.

இதுகுறித்து தமிழக அரசு கூட்டுறவு சங்கங்களின் பதிவாளர் அனுப்பியுள்ள அறிக்கை:

தமிழக அரசு சார்பில் பொங்கல் பண்டிகையை முன்னிட்டு, பச்சரிசி,வெல்லம், முந்திரி, திராட்சை, ஏலக்காய், மளிகை என 20 பொருட்கள் அடங்கிய தொகுப்பு மற்றும் கரும்பு ஆகியவை 2.15 கோடி அரிசி குடும்ப அட்டைதாரர்கள், இலங்கை தமிழர் மறுவாழ்வுமுகாம்களில் வசிக்கும் குடும்பங்களுக்கு ரூ.1,088.17 கோடியில் வழங்கப்படுகிறது. இப்பொருட்களை நியாயவிலைக் கடைகள் மூலம் விநியோகிக்க, மாவட்ட ஆட்சியர் தலைமையில், சம்பந்தப்பட்ட கூட்டுறவுச் சங்கங்களின் இணை பதிவாளர், மாவட்ட வேளாண்துறை இணைஇயக்குநர், தமிழ்நாடு நுகர்பொருள் வாணிபக்கழக மண்டல மேலாளர் ஆகியோர் அடங்கிய குழு அமைக்கப்பட்டுள்ளது.

இத்தொகுப்பில் உள்ள 20பொருட்களில் முந்திரி, திராட்சை,ஏலக்காய், கரும்பு ஆகியவை மட்டும் கூட்டுறவு சங்கங்களின் மூலம் கொள்முதல் செய்து விநியோகிக்க உத்தரவிடப்பட்டுள்ளது. மேலும், தகுதியுள்ள குடும்ப அட்டைகளின் பட்டியலைப் பெற்றுபச்சரிசி, சர்க்கரை மற்றும் துணிப் பை ஆகியவற்றை தமிழக நுகர்பொருள் வாணிபக்கழக கிடங்கில் இருந்து பெற்றுக் கொள்ள அறிவுறுத்தப்பட்டுள்ளது. முந்திரி, திராட்சை, ஏலக்காய் ஆகியவற்றை பழுப்பு நிற காகித உறைகளில் மட்டுமே பொட்டலமிட்டு, விநியோகிக்க வேண்டும். பொங்கல் பரிசுத் தொகுப்புவழங்க வேண்டிய நாட்கள் குறித்த விவரம் வெளியிடப்பட்டதும் அன்றிலிருந்து அனைத்து நியாயவிலைக் கடைகளிலும் விநியோகிக்க வேண்டும்.

பொங்கல் பரிசுத் தொகுப்பைஒரே தவணையில் குடும்ப அட்டைதாரர்களுக்கு விநியோகிக்க வேண்டும். எக்காரணத்தைக் கொண்டும்பொருட்கள் இல்லை என அட்டைதாரர்களை திருப்பியனுப்பக் கூடாது. மாற்றுத் திறனாளிகளுக்கு முன்னுரிமை அளிக்க வேண்டும். ஆயிரம் குடும்ப அட்டைகள் வரை உள்ள நியாயவிலைக் கடைகளில் 2 பணியாளர்களும், அதற்குமேல் உள்ள கடைகளில் 3 பணியாளர்களும் பொங்கல் தொகுப்பைவிநியோகிக்க நடவடிக்கை எடுக்கவேண்டும். எவ்விதப் புகாருக்கும் இடமின்றி திட்டத்தை சிறப்பாகச் செயல்படுத்த வேண்டும்.

-இவ்வாறு தெரிவிக்கப் பட்டுள்ளது.

Other Articles

Stay Connected

263,924FansLike
1,884FollowersFollow
3,230SubscribersSubscribe

To Advertise Contact :

Other Articles

ஐபிஎல் மெகா ஏலம்: ஆலோசனையில் பங்கேற்க சென்னை வந்தார் தோனி!

0
ஐபிஎல் மெகா ஏலம் அடுத்த மாதம் நடைபெற உள்ள நிலையில், சென்னை சூப்பர் கிங்ஸ் அணியின் கேப்டன் மகேந்திர சிங் தோனி இன்று சென்னை வந்துள்ளார். ஐபிஎல் கிரிக்கெட் தொடருக்கான வீரர்களின் மெகா ஏலம்...

7,500 கோடி ரூபாய் முதலீடு: ஏர்டெல் நிறுவனத்தில் செய்தது கூகுள்!

0
ஏர்டெல் நிறுவனத்தில் பலவேறு திட்டங்களை செயல்படுத்தும் வகையில் நீண்டகால ஒப்பந்தமாக ரூ.7,500 கோடி கூகுள் நிறுவனம் முதலீடு செய்துள்ளது. இந்தியாவில் அதிக வாடிக்கையாளர்களைக் கொண்டுள்ள ஏர்டெல் நிறுவனத்துடன் கூகுள் நிறுவனம் ரூ.7,500 கோடியை பல்வேறு...

பிப்ரவரி 1-ம் தேதி மத்திய பட்ஜெட் தாக்கல்; செல்போனில் பதிவிறக்கம் செய்யலாம்!

0
இந்த ஆண்டுக்கான மத்திய நிதிநிலை அறிக்கையை பிப்ரவரி 1-ம் தேதி காகிதமில்லா முறையில் தாக்கல் செய்யப்படும் என்று மத்திய அரசு அறிவித்துள்ளது. இதுகுறித்து மத்திய நிதித்துறை அமைச்சகம் வெளியிட்ட தகவல்; மத்திய நிதியமைச்சர் நிர்மலா சீதாராமன்...

கல்லூரி செமஸ்டர் தேர்வுகள் ஆனலைனில் நடத்தப்படும்; அமைச்சர் பொன்முடி அறிவிப்பு!

0
தமிழகத்தில் கொரோனா ஊரடங்கு இம்மாதம் 31-ம் தேதியுடன் முடிவடையும் நிலையில், இதுகுறித்து நேற்று முதல்வர் ஸ்டாலின் தலைமையில் ஆலோசனை நடைபெற்றது. அதன் பிறகு இன்று முதல் ஊரடங்கு தடை செய்யப்படும் என்றும் இனி...

64 வயதில் மருத்துவப் படிப்பு: ஓய்வுபெற்ற ஆசிரியருக்கு இன்று கலந்தாய்வுக்கு அழைப்பு!

0
சென்னையை அடுத்த நாவலூரைச் சேர்ந்த ஓய்வுபெற்ற பள்ளி ஆசிரியர் முனுசாமி சுப்பிரமணியன் 64 வயதான இவர் கடந்தாண்டு நடைபெற்ற நீட் தேர்வில் தேர்ச்சி பெற்றதையடுத்து, இன்று மருத்துவப் படிப்புக்கான கலந்தாய்வுக்கு அழைக்கப் பட்டுள்ளார். கடந்த...