பங்குச் சந்தை பயமா? இந்த தவறான எண்ணங்களை உடைச்சா நீங்களும் பணக்காரர்!

பங்குச் சந்தை அப்படின்னு சொன்னாலே நிறைய பேருக்கு ஒருவித பயம் வந்துடும். "அது ஒரு சூதாட்டம்", "பணம் எல்லாம் போயிடும்", "நமக்கு செட் ஆகாது"னு பல தவறான புரிதல்கள் நம்ம மத்தியில இருக்கு. சரியான புரிதலும், திட்டமிடலும் இருந்தா பங்குச் சந்தை உங்க பணத்தை பெருக்குற ஒரு சூப்பரான வழி. ஆனா, பல கட்டுக்கதைகள் மக்கள் மத்தியில இருக்கிறதுனாலயே நிறைய பேர் இதுல முதலீடு செய்ய யோசிப்பாங்க. அப்படி பங்குச் சந்தை பத்தி நாம நம்புற சில தவறான புரிதல்கள் என்னென்னனு தெரிஞ்சுக்கலாம் வாங்க.

1. பங்குச் சந்தை ஒரு சூதாட்டம்: இதுதான் ரொம்பவே பரவலாக இருக்கும் ஒரு தவறான புரிதல். லாட்டரி சீட்டு வாங்குறதும், சூதாட்டமும் வெறும் அதிர்ஷ்டத்தை நம்பி நடக்கும். ஆனா, பங்குச் சந்தை அப்படி இல்லை. இங்க நீங்க ஒரு கம்பெனியோட ஒரு சின்ன பகுதியை வாங்குறீங்க. ஒரு கம்பெனியோட வளர்ச்சி, அதோட லாபம், பொருளாதாரம் இதெல்லாம் தெரிஞ்சு, ஆராய்ச்சி செஞ்சு முதலீடு பண்றதுதான் பங்குச் சந்தை. இது ஒரு முதலீடு, சூதாட்டம் இல்லை.

2. பங்குச் சந்தையில நிறைய பணம் இருந்தா மட்டும்தான் வரணும்: "நிறைய பணம் இருந்தா மட்டும்தான் பங்குச் சந்தைக்கு வரணும், இல்லனா கொஞ்ச பணம் எல்லாம் லாஸ் ஆகிடும்"னு சிலர் சொல்லுவாங்க. இதுவும் ஒரு பெரிய பொய்தான். இப்போல்லாம் வெறும் ₹100 கூட முதலீடு செய்யலாம். SIP (Systematic Investment Plan) மூலமா மாசம் ₹500 கூட முதலீடு செய்ய முடியும். பெரிய பணக்காரங்களால மட்டும்தான் முதலீடு செய்ய முடியும்ங்கறது ஒரு தவறான எண்ணம்.

3. பங்குச் சந்தை ரிஸ்க் நிறைந்தது, பணம் எல்லாம் போயிடும்: எந்த ஒரு முதலீட்டுலயும் ரிஸ்க் இருக்கும். நிலம் வாங்கினாலும் சரி, தங்கத்துல முதலீடு செஞ்சாலும் சரி. ஆனா, பங்குச் சந்தையில 'ரிஸ்க்'ங்கிறது உங்க புரிதலை பொறுத்தது. ஒரு கம்பெனிய பத்தி முழுசா தெரிஞ்சுக்கிட்டு, நீண்ட காலத்துக்கு முதலீடு செஞ்சா ரிஸ்க் குறையும். தெரியாம, யாரோ சொல்றதை கேட்டுட்டு முதலீடு செஞ்சா, அப்போதான் ரிஸ்க் அதிகமா இருக்கும்.

4. பங்குச் சந்தைக்கு பொருளாதார நிபுணரா இருக்கணும்: பங்குச் சந்தையில முதலீடு செய்ய பெரிய பொருளாதார நிபுணரா இருக்கணும்னு அவசியம் இல்லை. அடிப்படை விஷயங்களை தெரிஞ்சுக்கிட்டா போதும். கம்பெனியோட செயல்பாடு, லாப நஷ்ட கணக்கு, எதிர்கால திட்டங்கள் இதையெல்லாம் பத்தி தெரிஞ்சுக்கிட்டா போதும். இன்டர்நெட்ல நிறைய தகவல்கள் இப்போ இலவசமாவே கிடைக்குது.

5. குறுகிய கால லாபம்தான் முக்கியம்: நிறைய பேர் ஒரு ஷேரை வாங்கிட்டு, ரெண்டு நாள்லயே லாபம் பார்க்கணும்னு நினைப்பாங்க. இதுதான் பங்குச் சந்தையில நிறைய பேர் பணத்தை இழக்க முக்கிய காரணம். பங்குச் சந்தைங்கிறது நீண்ட கால முதலீடு. ஒரு கம்பெனி வளர வளர, அதோட ஷேர் மதிப்பும் உயரும். பொறுமையா இருந்தா நல்ல லாபம் பார்க்கலாம்.

பங்குச் சந்தை பத்தி இருக்கிற இந்த தவறான புரிதல்களை எல்லாம் உடைச்சு எறிஞ்சுட்டு, சரியான புரிதலோட முதலீடு செய்ய ஆரம்பிங்க. இது உங்க எதிர்காலத்துக்கு ஒரு நல்ல வாய்ப்பா இருக்கும். பயப்படாம, தெளிவா கத்துக்கிட்டு, உங்க பணத்தை சரியா முதலீடு செய்யுங்க.