பிக்பாஸ் 7-இல் குரோஷி? வெளியானது போட்டோ.. குவியும் வாழ்த்துக்கள்!

பிக்பாஸ் சீசன் 7 தொடர்பான புகைப்படத்தை குரோஷி வெளியிட அவரும் நிகழ்ச்சியில் கலந்து போவதாக நினைத்து ரசிகர்கள் வாழ்த்துக்களை குவித்து வருகின்றனர்.

பிக்பாஸின் அடுத்த சீசன் எப்போது என ரசிகர்கள் எதிர்பார்த்து கொண்டிருக்கும் நிலையில், பிக்பாஸ் 7ன் அப்டேட் அவ்வபோது வெளியாகி வருகிறது. தொலைக்காட்சி நிகழ்ச்சிகளை விரும்பிப் பார்ப்போரின் விருப்பமான ரியாலிட்டி ஷோக்களில் ஒன்றாக பிக்பாஸ் இருந்து வருகிறது. வெளிநாடுகளிலும், இந்திய மொழிகளில் இதுபோன்ற நிகழ்ச்சிகள் மிகப்பெரும் வரவேற்பைப் பெற்ற நிலையில், தமிழிலும் 6 சீசன்களாக பிக்பாஸ் நிகழ்ச்சி ரசிகர்களின் ஆதரவைப் பெற்றுள்ளது.

இந்த நிகழ்ச்சியை உலக நாயகன் கமல்ஹாசன் தொகுத்து வழங்கி வருகிறார். அடுத்து வரவிருக்கும் 7வது சீசனையும் அவர்தான் தொகுத்து வழங்குவார் என அறிவிக்கப்பட்டு, அதன் புரோமோக்கள் வெளிவந்துள்ளன.

இந்த நிலையில், பிக்பாஸ் 7 நிகழ்ச்சி எப்போது தொடங்குகிறது என்பது ரசிகர்கள் பலரின் கேள்வியாக உள்ளது. அவர்களுக்கெல்லாம் பதில் தரும் வகையில் பிக்பாஸ் 7 நிகழ்ச்சி அக்டோபர் 2வது வாரத்தில் தொடங்கவிருப்பதாகத் தகவல் வெளியாகியுள்ளது. ஆனால், பிக்பாஸ் சீசன் 7 எப்போது ஆரம்பிக்கும் என்கிற விபரத்தை ஸ்டார் விஜய் மற்றும் டிஸ்னி + ஹாட்ஸ்டார் இன்னும் அதிகாரப்பூர்வமாக அறிவிக்கவில்லை.

வழக்கமாக பிக்பாஸில் ஒரே ஒரு பெரிய வீடு இருக்கும். அதில், ஆண்களுக்கு, பெண்களுக்கு என தனித்தனியாக பிரிக்கப்பட்டிருக்கும். இந்த முறை 2 வீடு என கமல்ஹாசன் அதிரடி அறிவிப்பை வெளியிட்டுள்ளார்.

இப்படி மாறி மாறி புதிய புதிய அப்டேட்கள் வரும் நிலையில், குரோஷி பிக்பாஸ் 7-ல் போட்டியாளராக வருகிறாரா என இணையத்தில் பேச்சுகள் கிளம்பியுள்ளது. இதற்கு காரணம் குரோஷி வெளியிட்ட ஒரே ஒரு புகைப்படம் தான்.

குக் வித் கோமாளி நிகழ்ச்சியில் கோமாளியாக கலக்கிவரும் குரேஷி தனது இன்ஸ்டாகிராம் பக்கத்தில், கமலின் பெரிய சைஸ் போட்டோ முன் நின்று விரைவில் பிக்பாஸ் சீசன் 7 என பதிவிட்டிருக்கிறார். இதனையடுத்து அவர் பிக்பாஸ் நிகழ்ச்சியில் கலந்துகொள்ளவிருப்பதை உறுதி செய்திருப்பதாக அவருக்கு ரசிகர்கள் பலரும் வாழ்த்து தெரிவித்து வருகின்றனர்.