லவ் டுடே இவானா யார் தெரியுமா?

தமிழ்நாட்டில் சிறு பட்ஜெட் படங்களுக்கு மக்கள் வரவேற்பு அளிப்பதில்லை, பெரிய பட்ஜெட் படங்களையே விரும்பி பார்க்கிறார்கள் என்பதற்கெல்லாம் முற்றுப்புள்ளி வைக்கும் விதமாக அமைந்த படம் தான் லவ் டுடே. பிரதீப் ரங்கநாதன் இயக்கியுள்ள இப்படம் வெறும் 5 கோடிரூபாய் பட்ஜெட்டில் எடுக்கப்பட்டுள்ளது.

இப்படம் வெளியாகி ரசிகர்களின் கவனத்தை ஈர்த்துள்ளதோடு வசூலிலும் சக்கைபோடு போட்டு வருகின்றது. இந்தப்படத்தில் கதாநாயகியாக நடித்திருந்தவர் தான் இவானா. இவருக்கு இந்தப் படத்தின் மூலம் ஏராளமான ரசிகர்கள் உள்ளது.

யார் இந்த இவானா?

இவானா கேரளாவில் பிறந்தவர். இவருக்கு ஒரு தம்பியும் தங்கையும் உள்ளனர். இவர் பிறந்து வளர்ந்தது எல்லாம் கேரளாவில் என்பதால் அங்கு குழந்தை நட்சத்திரமாக நடிக்கும் வாய்ப்புக் கிடைத்தது . இதனால் 2012ம் ஆண்டு பிரித்விராஜ் நடிப்பில் வெளியான படத்தில் குழந்தை நட்சத்திரமாக நடித்திருந்தார்.

பின்னர் மூன்று வருடங்கள் கழித்து மோகன்லால் நடிப்பில் வெளியான ராணி பத்மினி படத்தில் நடித்திருந்தார். இவருடைய இயற்பெயர் அலைனா. இயக்குநர் பாலா இயக்கத்தில் உருவான நாச்சியார் படத்தில் நடிக்கும் போது தான் இவருடைய பெயர் இவானா என்று மாற்றப்பட்டது.

நாச்சியார் படத்தில் இவருடன் ஜோதிகா மற்றும் ஜு.வி பிரகாஷ் ஆகியோரும் முக்கிய கதாப்பாத்திரத்தில் நடித்திருந்தனர். இப்படத்தில் சிறு பெண்ணான இவானா ஒரு குழந்தைக்கு அம்மாவாக நடித்து பலரையும் அசத்தியிருந்தார் என்பதும் முக்கியமாகும்.

பாலா படத்தில் நடித்ததால் தான் தமிழில் வாய்ப்புக்கள் குவிய ஆரம்பித்தது. தொடர்ந்து சிவகார்த்திகேயன் நடிப்பில் வெளியான ஹுரோ திரைப்படத்தில் மதி என்னும் கதாப்பாத்திரத்தில் நடித்திருந்தார். ஹுரோ படத்தில் இவருடைய நடிப்பைப் பார்த்து தான் லவ்டுடே படத்தில் நடிக்க வாய்ப்புக் கிடைத்தது .

இப்போது காலேஜ் படித்து வரும் இவர் படிப்பிலும் அதிக ஆர்வம் காட்டிவருகின்றார். கதை நன்றாக இருந்தால் நான் யாருடைய படத்தில வேண்டும் என்றாலும் நடிக்க ரெடியாக இருக்கின்றேன் எனக் கூறி வருகின்றார். இவருக்கென ஒரு ரசிகர் பட்டாளம் இருக்கிறது .இவருக்குதொடர்ந்து நிறைய பட வாய்ப்புக்கள் கிடைக்க வேண்டும் என இவரது ரசிகர்கள் ஆர்வமாக இருக்கின்றார்கள் குறிப்பிடத்தக்கது.