கமல் கூட்டணியில் இணையும் பிரதீப் ரங்நாதன்! கூடவே அவரும்... எதிர்பார்ப்பில் ரசிகர்கள்!

சிம்பு நடிப்பில் 2012ல் வெளியான 'போடா போடி' படத்தின் மூலம் இயக்குநராக அறிமுகமானவர் விக்னேஷ் சிவன். அதன்பின் 'நானும் ரவுடிதான்', 'தானா சேர்ந்த கூட்டம்', 'பாவ கதைகள்', 'காத்துவாக்குல ரெண்டு காதல்' என குறிப்பிடும்படியான படங்களை இயக்கியிருந்தாலும், சில படங்களை தயாரிக்கவும் செய்துள்ளார்.

சில படங்களை இயக்கியிருந்தாலும் இவரது படத்திற்கும் ரசிகர்களிடையே பெரும் எதிர்பார்ப்பு உண்டு.

அந்த வகையில் 2019ம் ஆண்டு 'கோமாளி' படத்தின் மூலம் இயக்குநராக திரையில் அறிமுகமாகி, 2022ல் 'லவ் டுடே' படத்தை இயக்கி அதில் கதாநாயகனாகவும் நடித்திருந்தார் பிரதீப் ரங்கநாதன். இவரது கேரியரில் இரண்டு படங்கள் மட்டுமே இருந்தாலும், இவரது அடுத்த படம் எப்படி இருக்கும் என்ற எதிர்பார்ப்பை ரசிகர்களிடைய ஏற்படுத்தியவர் பிரதீப் ரங்கநாதன். அந்தளவுக்கு 'லவ் டுடே' திரைப்படம் மாபெரும் வெற்றிபெற்றது.

இந்நிலையில், சமீபத்தில் விக்னேஷ் சிவன் இயக்கத்தில் பிரதீப் ரங்கநாதன் நடிக்கவிருப்பதாக ஒரு தகவல் பரவிவந்த நிலையில், அந்த படத்தை நடிகர் கமல்ஹாசனின் ராஜ்கமல் ஃபிலிம்ஸ் நிறுவனம் தயாரிக்க இருப்பதாகவும் தகவல் வெளியாகியுள்ளது.

இதற்கான அதிகாரப்பூர்வ அறிவிப்பு இன்னும் வெளியாகாத நிலையில், விரைவில் இதுகுறித்து அறிவிப்பு வெளியாகும் எனவும் எதிர்பார்க்கப்படுகிறது.

வித்தியாசமான கதைகளைத் தேர்ந்தெடுப்பதில் கமலும் வல்லவர் என்பதால், இந்த மூவர் கூட்டணியில் படம் உருவானால், படம் எப்படி இருக்கும் என்று ரசிகர்கள் இப்போதே கற்பனை செய்யத் தொடங்கிவிட்டனர்.