“சுப்யாத்ரா” குஜராத்தி திரைப்படத் தயாரிப்பில் இறங்கிய நயன் – விக்கியின் ரெளடி பிக்ஸர்ஸ்!

நயன்தாரா, விக்னேஷ் சிவனின் ரவுடி பிக்சர்ஸ் நிறுவனம் நெற்றிக்கண், கூழாங்கல், காத்துவாக்குல ரெண்டு காதல், ராக்கி மற்றும் கனெக்ட் போன்ற படங்களை தயாரித்தது தெரிந்ததே. அவர்கள் இதுவரை தமிழ் படங்களை மட்டுமே தயாரித்து வந்த நிலையில், தயாரிப்பு நிறுவனம் வரவிருக்கும் படமான ‘சுப் யாத்ரா’ மூலம் முதன்முறையாக குஜராத்தி திரைப்படங்களுக்கான தயாரிப்புப் பணிகளில் இறங்க உள்ளது.

மணீஷ் சைனி இயக்கிய சுப் யாத்ராவில் மல்ஹர் தக்கர், மோனல் குஜ்ஜர், தர்ஷன் ஜரிவல்லா, ஹிது கனோடியா, அர்ச்சன் திரிவேதி, ஹெமின் திரிவேதி, மகன் லுஹர், சுனில் விஷ்ராணி மற்றும் ஜே பட் ஆகியோர் முக்கிய வேடங்களில் நடித்துள்ளனர்.

இப்படம் ஏப்ரல் 28ஆம் தேதி திரையரங்குகளில் வெளியாக உள்ளது.

சுப் யாத்ராவின் ஃபர்ஸ்ட் லுக் போஸ்டர் பாஸ்போர்ட்டில் முன்னணி நடிகரின் புகைப்படத்தைக் காட்டுகிறது. கதாபாத்திரத்தின் பெயர் மோகன் படேல் மற்றும் அவர் குஜராத்தின் அகமதாபாத்தில் உள்ள சனஸ்மா படானைச் சேர்ந்தவர்.

நடிகையாகத் தனது கேரியரைப் பொருத்தவரை நயன்தாரா, அடுத்ததாக ஜவான் மற்றும் இறைவனில் நடிக்கிறார். மறுபுறம், விக்னேஷ் சிவன், AK62 ஐ வழிநடத்த இருந்தார், ஆனால் திட்டம் காலவரையின்றி ஒத்திவைக்கப்பட்டுள்ளது.

அஜித் படத்தை இயக்கும் வாய்ப்பு கை நழுவிப் போன பின் அடுத்ததாக இந்த ஜோடி தங்களது ஜாகையை பாலிவுட்டுக்கு மாற்றி விட்டது என்று பலர் கருதிய நிலையில் தற்போது வெளிவந்திருக்கும் ஃபர்ஸ்ட் லுக் போஸ்டர் இவர்கள் இடம்பெயர்ந்ததின் உண்மையான விவரத்தை வெளிப்படுத்தியிருக்கிறது என ரசிகர்கள் கருதுகின்றனர்.