42 கிலோ எடை குறைத்த அஜித்… எதற்கு தெரியுமா?

நடிகர் அஜித் அவருக்கு பிடித்த ஒரு விஷயத்திற்காக 42 கிலோ எடை குறைத்துள்ளதாக தெரிவித்திருக்கிறார். எதற்காக என்று பார்ப்போமா?

தமிழ் சினிமாவின் முன்னணி நடிகரான அஜித் குமார், திரையில் மட்டுமல்லாமல் கார் பந்தய களத்திலும் தனக்கென ஒரு தனி முத்திரையை பதித்தவர். நடிப்பின் உச்சத்தில் இருந்தபோதும், தனது தீராத கார் பந்தய ஆர்வத்தை அவர் கைவிடவில்லை என்பது பலருக்கும் வியப்பளிக்கும் உண்மை.

1990-களின் இறுதியில் கார் பந்தயங்களில் தீவிரமாக களமிறங்கிய அஜித், தேசிய அளவிலான பல்வேறு போட்டிகளில் பங்கேற்றுள்ளார். ஃபார்முலா 3 கார் பந்தயங்களில் அவரது ஈடுபாடு குறிப்பிடத்தக்கது. கடினமான பயிற்சி, அர்ப்பணிப்பு மற்றும் அபாரமான ஓட்டுநர் திறமையின் மூலம் பல பந்தயங்களில் அவர் வெற்றிகளையும் பெற்றுள்ளார்.

திரைப்படங்களில் பிஸியாக இருந்த காலகட்டத்திலும், அஜித் அவ்வப்போது கார் பந்தயங்களில் கலந்து கொள்வதை வழக்கமாக வைத்திருந்தார். இது அவரது தொழில் வாழ்க்கையிலும் ஒரு தனித்துவமான அடையாளத்தை ஏற்படுத்தியது. முன்னணி நடிகர் ஒருவர், ஆபத்தான கார் பந்தயங்களில் ஈடுபடுவது பலருக்கும் ஆச்சரியத்தையும், ஒருவித பயத்தையும் ஏற்படுத்திய போதிலும், அஜித்தின் இந்த ஆர்வம் அவரது ரசிகர்கள் மத்தியில் பெரும் வரவேற்பை பெற்றது.

சமீப காலமாக அவர் பந்தயங்களில் தீவிரமாக ஈடுபட்டு வருகிறார். நடிகர் அஜித் குமாரின் கார் பந்தய வாழ்க்கை, திரைக்கு அப்பால் அவரது விடாமுயற்சியையும், துணிச்சலையும் பறைசாற்றுகிறது. சினிமா, கார் பந்தயம், குடும்பம் என மூன்றுக்கும் நேரத்தை செலவிட்டு வருகிறார்.

அந்தவகையில் சமீபத்தில் ஒரு பேட்டியில் கார் ரேஸ் குறித்து பேசும்போது, “கடந்த 2024 ஆகஸ்ட் மாதத்தில் இருந்து தற்போது வரை கார் பந்தயத்திற்காக 42 கிலோ எடை குறைத்துள்ளேன். கார் ரேசிங் காலத்தில் படம் நடிக்காமல் பந்தயத்தில்  கவனம் செலுத்துவதே சிறந்த வழி. இதுவரை நான் கார் ரேஸ் மற்றும் திரைப்படம் என மாறி மாறி கவனம் செலுத்தி வந்தேன். இதனால் பல ஏற்றத் தாழ்வுகள் ஏற்பட்டன. ஆகையால், இனி ஒரு நேரத்தில் ஏதாவது ஒன்றில் மட்டுமே கவனம் செலுத்த போகிறேன். எனது அடுத்த படம் நவம்பர் 2025ல் தொடங்க உள்ளது. 2026 ஏப்ரல்  அல்லது மே மாதத்தில் வெளியாகும்.” என்று பேசினார்.