அமீர்கான் மீது கங்கனா ரணாவத்தின் கோபத்தை வெளிப்படுத்திய இன்ஸ்டாகிராம் ஸ்டோரி!

கங்கனா ரனாவத், சமீபத்திய இன்ஸ்டாகிராம் கதையில், அமீர் கான் ஒரு காலத்தில் தனது "சிறந்த நண்பர்" என்று கூறினார். அமீரின் தொலைக்காட்சி நிகழ்ச்சியான சத்யமேவ ஜெயதேயின் எபிசோட் ஒன்றின் கிளிப்பைப் பகிர்ந்துள்ள கங்கனா, அவர் தனக்கு வழிகாட்டியாக இருந்ததாகவும், ஆனால் நடிகர் ஹிருத்திக் ரோஷன் மீது அமீர் தனது விசுவாசத்தை தெளிவுபடுத்தியதால் அவர் மீது வழக்குத் தொடர்ந்த பிறகு நிலைமை மாறியதாகவும் கூறினார்.

இவ்வாறு இன்ஸ்டாகிராம் பக்கத்தில் கங்கனா தனது கதையைப் பகிர்ந்து கொண்டார், “உண்மையில் முஜே பி கபி கபி வோ தின் யாத் ஆதே ஹைன் ஜப் அமீர் சார் எனது சிறந்த நண்பர்… ஜானே கஹான் கயே வோ தின் (சில நேரங்களில் அமீர் சி என் சிறந்த நண்பராக இருந்த நாட்களை நினைத்துப் பார்க்கிறேன். அந்த நாட்கள் எங்கே போனது என்பது ஆச்சரியமாக இருக்கிறது. .)" எனும் அவர் தொடர்ந்து "ஒன்று நிச்சயம் நாங்கள் நண்பர்களாக இருந்த போது அவர் என்னைப் பாராட்டினார் என்பதோடு எனது பல தேர்வுகளையும் வடிவமைத்தார், எல்லாம் ஹிருத்திக் ரோஷன் என் மீது அந்த சட்டப்பூர்வ வழக்கைப் பதிவு செய்வதற்கு முன்பு வரை, ஆனால், அவர்கள் தங்கள் விசுவாசத்தை நிரூபிக்கும் முயற்சியில் மொத்த பாலுவுட்டும் எனக்கு அதாவது ஒரு பெண்ணுக்கு எதிராக நிற்கத் தயாராக இருந்தது.

தனக்கும் ஹிருத்திக்கும் இடையேயான உறவில் விரிசல் ஏற்பட்ட போது ஒட்டுமொத்த பாலிவுட்டும் தனக்கு எதிராக நின்றதாக கங்கனா கூறுகிறார், அது தொடர்பாக இருவரும் ஒருவர் மீது ஒருவர் வழக்குப் பதிவு செய்து பொதுவெளியில் பல குற்றச்சாட்டுகளை முன்வைத்தனர்.

கங்கனா தனது கதையில் பகிர்ந்து கொண்ட வீடியோவில், தான் "ஐட்டம் பாடல்களுக்கு" எதிராக ஒரு நிலைப்பாட்டை எடுப்பதாகவும், கடந்த 3-4 ஆண்டுகளில் ஆறு ஐட்டம் பாடல்களை அவர் மறுத்ததைப் பற்றியும் பேசினார். இந்த எபிசோடில் தீபிகா படுகோன் மற்றும் பரினீதி சோப்ராவுடன் கங்கனா தோன்றினார். வீடியோவில், கங்கனா கூறுவதைக் கேட்கலாம், “நண்பர் ஒருவரின் மகள் ஒரு மோசமான ஐட்டம் பாடலின் மெட்டுகளை ஒத்திகை பார்த்துக் கொண்டிருந்தார். அவள் அழகாகத் தெரிந்தாலும், அவளுடைய நடனம் ஏற்றுக்கொள்வதற்காகவும், கைதட்டலுக்காகவும் அதை மீண்டும் செய்ய விரும்புவாள் என்று நான் நினைத்தேன். அதற்கு நானும் ஒரு பொறுப்பாளி என்று உணர்ந்து நான் ஒரு நிலைப்பாட்டை எடுத்தேன். அதை முன்னிட்டே கடந்த 3-4 வருடங்களில் 6 ஐட்டம் பாடல்களை மறுத்துவிட்டேன் என்கிறார் கங்கனா.