ஆதிபுருஷ் திரைப்படத்தின் "ஜானகி" ஆக கிருத்தி சனோனின் புதிய போஸ்டர்கள் வெளியீடு!

சனிக்கிழமை காலை, ஆதிபுருஷின் தயாரிப்பாளர்கள், ஓம் ராவத் இயக்கும் அத்திரைப்படத்தில் ஜானகியாக நடிக்கும் முன்னணி நடிகை கிருதி சனோன் இடம்பெறும் புதிய போஸ்டர்களைப் பகிர்ந்துள்ளனர். ஒரு போஸ்டரில் நடிகையின் குளோஸ் அப் காட்சி இடம்பெற்றுள்ளது. பிறிதொரு போஸ்டரில் படத்தின் ஹீரோ பிரபாஸ் ஸ்ரீஇராமரின் தோற்றத்தில் பின்னணியில் உள்ளார். ராமாயணத்தை அடிப்படையாக வைத்து ஓம் ராவத் இயக்கி வரும் ஆதிபுருஷ் படத்தில் பிரபாஸ் ராகவராமனாகவும், கிருத்தி சனோன் சீதாபிராட்டி ஜானகியாகவும், சன்னி சிங் ஷேஷ் ஆகவும் மற்றும் தேவதத்தா நாகே ஹனுமானாகவும் நடித்துள்ளனர். இப்படத்தில் சயீப் அலிகான் லங்கேஷ்வரன் ராவணனாக நடிக்கிறார்.

ஆதிபுருஷின் க்ரிதி சனோனின் புதிய போஸ்டர் இதோ;

ஆதிபுருஷ் திரைப்படத்துக்காக கடந்த ஆண்டு வெளியான டீசர் மற்றும் படத்தின் விஎஃப்எக்ஸ் ஆகியவை பெரும் விமர்சனத்துக்கு உள்ளாயின. கடந்த ஆண்டு CGI-கனமான டீஸர் பெரும் வரவேற்பைப் பெற்ற பிறகு, அஜய் தேவ்கன் நிறுவிய ஸ்டுடியோ NY VFXwala படத்திலிருந்து தன்னைத் துண்டித்து ஒரு அறிக்கையை வெளியிட்டது. "முன்னணி VFX ஸ்டுடியோ, NY VFXwala வானது ஆதிபுருஷின் CG/ஸ்பெஷல் எஃபெக்ட்களில் வேலை செய்யவில்லை என்று தெளிவுபடுத்தி நிறுவனத்தின் சார்பாக ஒரு அதிகாரப்பூர்வ அறிக்கையை வெளியிட்டதுடன் அதை ட்விட்டரிலும் பகிர்ந்து கொண்டிருந்தனர்.

மேக்னம் ஓபஸ் திரைப்பட வரிசையில் வரும் ஆதிபுருஷ் இந்த ஆண்டு ஜூன் 16 ஆம் தேதி ஐமேக்ஸ் மற்றும் 3டியில் திரையரங்குகளில் வெளியிடப்பட உள்ளது. ஓம் ராவத் இயக்கிய இத்திரைப்படத்தை ரெட்ரோஃபைல்ஸின் பூஷன் குமார், கிரிஷன் குமார், ஓம் ரவுத், பிரசாத் சுதார் மற்றும் ராஜேஷ் நாயர் ஆகியோர் தயாரித்துள்ளனர்.

ஆதிபுருஷ் இந்தி, தமிழ், தெலுங்கு, கன்னடம் மற்றும் மலையாளம் ஆகிய மொழிகளில் திரையரங்குகளில் வெளியாகிறது. முதலில் இப்படம் கடந்த ஆண்டு ஆகஸ்ட் 11ம் தேதி வெளியாகும் என அறிவிக்கப்பட்டது. இருப்பினும், ஆமிர் கானின் “லால் சிங் சத்தா”வுடன் மோதலைத் தவிர்க்க தயாரிப்பாளர்கள் அதன் வெளியீட்டு தேதியை மாற்றினர், அதற்காக நடிகர் ஆமிர்கான் ஆதிபுருஷ் தயாரிப்பாளர்களுக்கு நன்றி தெரிவித்தார்.